اتفضل عرفنا بنفسك؟؟؟؟

1 -سمك و محل الاقامة

اسمي خالد محل الاقامه سوهاج و بتنقل من بلد لبلد حسب المتشات

2 -السن و الدراسة ؟

19 سنه و الدراسه تالته تجاره

3-صفه فيك تحبها؟

الوفاء و الاخلاص

4-صفه فيك تكرهها ؟

الشك

5-اكثر شئ يعصبك؟

الكدب

6-اكثر شئ يخوفك؟

الفراق و الجرح

7-من مثلك الأعلى؟

بعد الرسول عليه الصلاه و السلام بابا طبعا

8-من هو أعز شخص عندك؟

حبيبتي

تسلم يا خالد علاجابات

خد بقه الاسئله الجامده دي


1_ايه هيا طموحاتك؟

_بتعمل ايه وقت فراغك؟

_اخبار حياتك العاطفيه بتحب ولا ايه؟

-ايه هيا اكتر حاجه تحبها في حبيبتك؟

_ايه اكتر حاجه بتكرهها؟

_ايه اكتر صفه بتكرهها في شخصيتك؟

-سلام وراجعه تاني

خالد شكله مش بيدخل كتير واللعبة واقفة انا برشح الباحث عن الحب

ايه رايئكم عاوزين نبهدله

هاااااااااااااااا

موافقين

لالالالالالالالالالالالالالالا

ماتاخدش قرار يااحمد

استني شويه وبعدين ندخل الباحث عن الحب

لو مجاش خالد ندخل الباحث

بس عشان مايزعلش

منور يا كابتن الموضوع

و متستعجلش يااحمد الامتحانات لسه مكملتش حاجه و لازم نستني لما الاوضاع تتثبت

و اكيد ان شاء الله كل الاعضاء الجدد هيدخلوا معانا باذن الله

انا اسف طبعا علي التاخير في الرد بس هي ظروف الامتحانات عطلتني جامد

و ان شاء الله هبقي معاكوا علي طول


و عايز اسئله كتير فين البهدله اللي بتحكوا فيها دي عايز اشوف


_ايه هيا طموحاتك؟

طموحاتي ابقي لاعب كوره كبير و مشهور و ارتبط بحبيبتي

_بتعمل ايه وقت فراغك؟

بخرج مع صحابي او بشتغل علي النت

_اخبار حياتك العاطفيه بتحب ولا ايه؟

ايون بحب و اوي كمان

-ايه هيا اكتر حاجه تحبها في حبيبتك؟

بحب كل حاجه فيها

_ايه اكتر حاجه بتكرهها؟

بكره فيها و فيا صفه مشتركه و هي الشك لكن طبعا الشك في اي حاجه غير فيا من ناحيتها و فيها من ناحيتي
_ايه اكتر صفه بتكرهها في شخصيتك؟

الشــــــــــــــــــــــك

اولا مرحب بيك يا كابتن ومنور المنتدى

ودى شوية اسئلى على قدى

1 - اولا كدة بتلعب فين ؟
2 - ثانيا مركزك فى الملعب فين ؟
3 - احلى خبر سمعته ؟
4 - اوحش خبر سمعته ؟
5 - هل الحب أثر على حياتك وغيرها ؟ ولو اثر بالسلب ولا الايجاب ؟

ويا رب كدة يا كابتن تلعب فى الاهلى وتاخد شعبية ابو تريكة

مساء الخير يا كابتن و الله منورنا تشرب شاي

انا جيت و ياويلك مني انا حذرتك قبل كده و انت اللي صمصمت ماليش دعوه

خد مني الكام سؤال دول

1-سؤالي التقليدي لكل الشباب

رتب الكلمات دي حسب اولويتها بالنسبه لك

الجمال-الاخلاق-الشخصيه-التدين-المستوي الاجتماعي-المستوي الثقافي

2-عندك كام اخ و اخت و مين اقربهم ليك اللي بتحكيله دايما؟

3-عندك اصدقاء كتير و لا هما اتنين تلاته و ايه مكانتهم بالنسبالك؟

4-حبيبتك ممكن تغير عليك اوي من مين؟

5-ياتري اللي بترضاه علي نفسك بترضاه علي غيرك بمعني ان ممكن تسمح لاختك انها تحب و تنحب و تقابل حبيبها و تكلمه؟

6-احساسك بيبقي ايه لما بتقابل حبيبتك؟

7-حبيبتك من النوع الايه الهاديه و لا العصبيه

الغيوره و لا البارده

8-ياتري بيحصل مشاكل بينك و بينها و بيبقي نوعها ايه و مين اللي بيصالح مين؟



مش قادره اقولك كفايه بس عامه كفاايه كده النهارده مؤقتا يعني و لينا رجعه سلام

اهلا بيك يا الباحث عن الحب ياريت تعرفني اسمك ايه

و ميرسي علي الاسئله و اجاوبك

- اولا كدة بتلعب فين ؟

انا حاليا في اسمنت اسيوط و ان شاء الله يكون بدايه كويسه اني اتنقل فريق اكبر

2 - ثانيا مركزك فى الملعب فين ؟

في خط الوسط

3 - احلى خبر سمعته ؟

اني اتنقلت فريق اسمنت اسيوط لاني كنت مدفون في سوهاج و محدش عارف حد هناك لكن في اسيوط ان شاء الله هتكون بدايه كويسه اني اتنقل فريق اكبر ادعولي


4 - اوحش خبر سمعته ؟

كان خبر كده من كام شهر مش عاوز افتكره بلاش احسن اقوله


5 - هل الحب أثر على حياتك وغيرها ؟ ولو اثر بالسلب ولا الايجاب ؟

طبعا اثر علي حياتي اوي و بالايجاب طبعا كفايه اني لاقيت قلب يحبني و يخاف و يقلق عليا و يدعيلي ان ربنا يوفقني دايما ده لوحده كفايه

ميرسي يا الباحث عن الحب اوي ليك متنساش تقولي اسمك

نور القمر كتب:

مساء الخير يا كابتن و الله منورنا تشرب شاي


ياريت يا نور و الله كوبايه شاي سكر زياده بعد اذنك

انا جيت و ياويلك مني انا حذرتك قبل كده و انت اللي صمصمت ماليش دعوه

انتي منوره التوبيك كله و الله


خد مني الكام سؤال دول

اوك هاتي

1-سؤالي التقليدي لكل الشباب

رتب الكلمات دي حسب اولويتها بالنسبه لك

الجمال-الاخلاق-الشخصيه-التدين-المستوي الاجتماعي-المستوي الثقافي

سؤال جميل اوي

طبعا اولا التدين-الاخلاق-الشخصيه-المستوي الثقافي-الجمال-المستوي الاجتماعي

2-عندك كام اخ و اخت و مين اقربهم ليك اللي بتحكيله دايما؟

عندي اختين و اخ و اقرب حد فيهم ليا اختي الكبيره معاها كل اسراري و بتفهمني اوي


3-عندك اصدقاء كتير و لا هما اتنين تلاته و ايه مكانتهم بالنسبالك؟

يااااااااااااااااااااااه عندي كتير اوي بس اقربهم ليا 6 بس و طبعا بحبهم جدا و برتاح معاهم اوي

4-حبيبتك ممكن تغير عليك اوي من مين؟

بتغير عليا من صحابي لاني بنسي نفسي معاهم لكن مش بنساها هي و الله بس للاسف هي معتقده كده

5-ياتري اللي بترضاه علي نفسك بترضاه علي غيرك بمعني ان ممكن تسمح لاختك انها تحب و تنحب و تقابل حبيبها و تكلمه؟

بصي يا نور اولا انا عمري ما قابلت حبيبتي وجها لوجه لان زي ما بتقولي اللي مرضهوش علي اختي مرضهوش علي غيري و دي مش اي حد دي حبيبتي يعني اخاف عليها من نفسي و اختي لو هتحب حد كويس و انا اعرفه و ابقي عارف هو اخلاقه و نظامه ايه اكيد هوافق انها ترتبط بيها بس في حدود يعني طبعا متقابلوش و تبقي علاقتها بيه انا عارف عنها كل كبيره و صغيره بس


6-احساسك بيبقي ايه لما بتقابل حبيبتك؟

زي ما قلتلك انا عمري ما قابلتها لاني مرضاش ان حد يتكلم عليها نص كلمه

7-حبيبتك من النوع الايه الهاديه و لا العصبيه


الغيوره و لا البارده


هي هاديه احيانا و عصبيه غالبا بس مبتتعصبش عليا

و هي غيوره طبعا و جدا كمان بس هقولك حاجه انا الحمد لله مبعملش حاجه تخليها تشك فيا و تغير عليا يعني قطعت كل علاقاتي مع البنات و لو حصل بحكيلها علي كل حاجه و هي الحمد لله واثقه فيا اوي زي ماانا واثق فيها

8-ياتري بيحصل مشاكل بينك و بينها و بيبقي نوعها ايه و مين اللي بيصالح مين؟

مفيش علاقه مفيهاش مشاكل بس انا بيني و بينها كل المشاكل اللي بتحصل بتبقي بسبب اني انشغلت في حاجه و مطنتهاش عليا فتره طويله موبايلي فصل شحن و مشحنتوش في وقتها يعني و هي نفس الموضوع لكن خناقات من النوع التاني دي مبتحصلش الحمد لله احنا متفاهمين اوي و من ناحيه اللي بيصالح التاني دي اللي غلطان هو اللي بيتاسف ده لو حصل مشاكل يعني

مش قادره اقولك كفايه بس عامه كفاايه كده النهارده مؤقتا يعني و لينا رجعه سلام

لا كتر خيرك و عالعموم سلام و مستنيكي تاني بس بالراحه عليا و النبي اسئلتك عنيفه اوي و مش سهله

معاك احمد بدوى
3 تربية نوعية الزقازيق

جميله اوي اجاباتك يا خالد

ومقنعه لحد ما


علي فكره الباحث وحش متكلموش وهو مش احمد هو حسنين

الباحث عن الحب كتب:

معاك احمد بدوى
3 تربية نوعية الزقازيق

اهلا بيك يااحمد تشرفت بمعرفتك اوي

فين يا شباب الاسئله ايه يااحمد فينك ياابني و فين اسئلتك الجامده


مالك كسلان كده ليه


فينكوا يا جماعه مينفعش كده الاسبوع هيخلص و مفيش تطور هو انا لوحدي اللي هسال و لا ايه

هههههههههههههههههههههههه

معلش يا نور

انا جيت اتفضل حاوب


1_ما معني كل من

الحب _الجرح_الفراق

2-اكتر موقف حصل ليك متقدرش تنساه سواء كان حلو او وحش

3-اكتر حد ممكن ان تثق فيه

4-مين هو اللاعب المفضل ليك

5_النادي اللي نفسك تكون فيه

6-احكي لينا موقف محرج حصل ليك

7_هل انت عشت قصه حب قبل اللي انت فيها دلوقتي

بس خلاص يااخالد ايدي وجعتني بس لسه اصبر علي رزقك


سلام وراجعييييييييييييييييييييين تاني

اسراء العطار كتب:

هههههههههههههههههههههههه

معلش يا نور

انا جيت اتفضل حاوب


1_ما معني كل من

الحب _الجرح_الفراق


الحب اجمل شئ في الوجود

الجرح اصعب الم ممكن يشعر بيه الانسان

الفراق جرح هين ممكن تداويه الايام


2-اكتر موقف حصل ليك متقدرش تنساه سواء كان حلو او وحش

كان موقف مع واحد صاحبي تقريبا كان بيموت كنا بنذاكر مع بعض باليل و فجاه لقيته اتنفض و قعد يرتعش جامد كنت مشغل قران جنبي قالي وطي القران شويه حسيت انه خلاص هيموت بجد قلبي وقع في رجليه بدات اهديه و اخدته في حضني انهار في البكاء و هدي شويه و نيمته و لما فاق قالي انا كنت حاسس ان روحي بتتسحب مني يا خالد ده كان موقف حصلي ايام الامتحانات عمري ما هنساه لاني بجد شفت انسان كان بيموت قدام عيوني و مش اي حد ده صديق عزيز علي قلبي

3-اكتر حد ممكن ان تثق فيه

اختي و حبيبتي و صاحبي عبد الرحمن

4-مين هو اللاعب المفضل ليك


كريستيانو رونالدوا

5_النادي اللي نفسك تكون فيه

ياااااااااااااااااااااه نفسي اكون في مانشستر

6-احكي لينا موقف محرج حصل ليك

لا مش فاكر الحقيقه

7_هل انت عشت قصه حب قبل اللي انت فيها دلوقتي

لا كان في اعجاب بواحده تعتبر قريبتي بس من بعيد شويه لكن مكنش حب

بس خلاص يااخالد ايدي وجعتني بس لسه اصبر علي رزقك


سلام وراجعييييييييييييييييييييين تاني

اوك مستنيكي مش عارف الاسبوع مبيخلصش ليه

1-اكتر عضو بتحبه فى المنتدى؟

2-اكتر عضوه بتحبها فى المنتدى؟


3-لو بنت قالتلك بحبك فجاه كده ياتري رد فعلك هيكون ايه؟

4-هل شعرت يوما بانك اسعد انسان في الدنيا لو حصل كان ليه؟

5-

لو حد خدعك او خانك سواء صديق او حبيب بعد الشر يعني ياتري هتفكر في الانتقام و لا هتقول خد الشر و راح مع الف سلامه؟

6-امتي بتكون شخصيه حنونه ؟ وا متي بتكون شخصيه قاسيه؟

7-هل دمعه الشاب او الرجل ضعف و ياتري دمعت قبل كده قدام حد؟


8-من هو الشخص اللي مش ممكن تتخلي عنه ابدا في يوم من الايام؟


و كفايه كده النهارده عليك يا كابتن

اهلا بالكابت خال

د

عندي ليك كدة سوالين محيرني بصراحة ياريت تجاوبني عليه



اولا



انت جامعة ايه يعني بتدرس في جامعة ايه



ثانيا



حاجة محيراني جدا انت بما انك لعيب كورة وكمان بتلعب كورة في نادي محترم وكبير اسمنت اسيوط قولي بقي ياباشا

انا الى اعرفه عن لعيبة الكورة بيكون وقتهم ضيق وبجد بيكونوا محتاجين وقت كتير عشان التمرينات والماتشات وكدة انا عاوز اعرف انت ازاي بتنظم وتجيب وقت لده كله يعني انا بشوك بتدخل علي المنتدي بصفة مستمرة الايام دي وكمان بتدخل في وقت متاخر كمان (انا مش بقولك مش تدخل انت تشرفنا وتنورنا ) لا بس انا عاوز اعرف انت بتجيب وقت لده كله ازاي يعني لتمارين والماتشات وكدة وللنت وللحبيبتك اصل انا برضوا كنت بلعب كورة من زمان وكنت بعاني من ضيق الوقت معايا محسوبك حارس مرمي نادي شارع السوق الدولي ههههههههههه



ياريت ياخالد تقولنا بنتظم وقتك ازاي





ثالتا





من ردك علي المواضيع وكتابتك للمواضيع انا بحس ان انت من القاهرة من شمال مصر يعني اصل المفروض انت صعيدي وابن صعيدي فالمفرض يعني نحس بطعم اللجهة الصعيدية في مواضيعك وكمان انا اتعملت مع ناس كتير في المعسكرات بالذات من سوهاج واسيوط لهجتهم صعيدي وجميلة جدا انا بتمني اتكلم زيهم كدة

فياريت تقولي انت متربي في الصعيد ولا متربي فين وتفسري يعني السوال ده ؟؟؟





هتقل عليك معلشي





رابعا





مين الى عرفك بالمنتدي الجميل ده ومنتدي عشاق الرمانسية ايضا ما انا المدير بتاعه؟؟ معلشي فضول وحب استطلاع؟؟







خامسا





بما انك في قصة حب جميلة ويابختك ياعم وعقبالنا وكدة بقي

قولي ازاي عرفت حبيبتك وايه الى خلاك تحبها قووووي كدة وايه الحاجات الى حببتك فيها اكتر ؟؟؟









بس كدة يابو الكباتنززززز

معلشي دوشتك باسئلتي

يلا بقي منتظر الاجابة

سلامااااااااااااااات

ميرسي
يا خالد علي ردك الجميل

وايه يااحمد الاسئله دي

جاو يا خالد وادعي عليه في الاخر

ابتدي بنور

1-اكتر عضو بتحبه فى المنتدى؟

و الله يا نور انا متعرفتش علي حد اوي بس حاسس ان كل الاعضاء اخوه و بيحبوا بعض يعني تقدري تقولي حاسس معاكوا كاني في بيت وسط اخواتي و بحب كل الاعضاء يعني مثلا الباحث عن الحب (احمد بدوي)حاسس انه شخصيه متميزه و محترمه و كمان احمد المهندس واضح انه انسان محترم بس دول الشباب اللي عرفتهم هنا

2-اكتر عضوه بتحبها فى المنتدى؟

نفس اجابه السؤال الاول و من الاعضاء اللي عرفتهم هنا و حبيت مواضيعهم و طريقتهم انتي طبعا يا نور واضح انك شخصيه محترمه و مواضيعك هايله و تفكيرك كويس و كمان اسراء العطار انسانه رومانسيه حزينه و محترمه اوي و لولو و بسنت و سنو وايت متعاملتش معاهم اوي بس واضح انهم فعلا بنات علي خلق


3-لو بنت قالتلك بحبك فجاه كده ياتري رد فعلك هيكون ايه؟

و الله هي يمكن تكون حصلت معايا بس مش اتقالت كده وجها لوجه يعني من طريقه التعامل و الكلام بس عادي بدات ابعد و افهمها اني مينفعش ارتبط بيها يعني بحاول استعمل ذكائي في المواقف اللي زي دي و بتصرف بعقلانيه شويه

4-هل شعرت يوما بانك اسعد انسان في الدنيا لو حصل كان ليه؟

اها لما بدات اقرب من الانسان اللي مرتبط بيها و عرفت مشاعرها من ناحيتي بدات احس اني خلاص بقيت اسعد انسان في الدنيا بس يارب افضل كده و ربنا يتمم الموضوع علي خير و مننفصلش و لا الدنيا تفرق بينا

5-

لو حد خدعك او خانك سواء صديق او حبيب بعد الشر يعني ياتري هتفكر في الانتقام و لا هتقول خد الشر و راح مع الف سلامه؟

لا بصي الانتقام كلمه كبيره اوي و مش انا اللي من حقي انتقم لخيانه او خداع لان ربنا عزيز ذو انتقام اكيد ربنا بيرد لكل واحد حقه و كما تدين تدان لكن انا ممكن احاول ارد كرامتي لاني مسمحش لحد انه يجرحها او يدوس عليها ابداااااااااا

6-امتي بتكون شخصيه حنونه ؟ وا متي بتكون شخصيه قاسيه؟

و الله و مش بشكر في نفسي انا دايما ببقي حنين علي اللي قدامي سواء اخواتي اصحابي و مش طبعي القسوه دي خالص لكن احيانا ابقي قاسي مع الغلطان عشان بس افهمه غلطه زي مثلا اخويا الصغير احيانا بقسي عليه لما يغلط لكن بعد كده باخده في حضني و كان مفيش حاجه حصلت

7-هل دمعه الشاب او الرجل ضعف و ياتري دمعت قبل كده قدام حد؟

لا طبعا مش ضعف الراجل زي اي انسان بيحس و بيتالم و الدموع هي الحاجه الوحيده اللي بتريح اي انسان سواء راجل او ست انا ممكن ابكي لكن مش ممكن ابين دموعي لاي مخلوق

8-من هو الشخص اللي مش ممكن تتخلي عنه ابدا في يوم من الايام؟

اكيد الانسانه اللي مرتبط بيها انا وعدتها اني عمري ما هتخلي عنها مهما حصل

و كمان مقدرش اتخلي عن اي حد محتاجلي

ميرسي اوي ليكي يا نور و اتمني ان دي تبقي اخر دفعه من الاسئله

طبعا نورتنا يا كابتن مع اننا بهدلناك جامد بس انت اللي طلبت و انا بقول كفايه اوي عليك كده الاسبوع بتاعك خلص و زياده شويتين و لو عاوز تكمل معندناش ادني مشكله احنا في الخدمه دائما و ابدا و عندنا ديلفري لو عاوز

المهم دلوقتي بقي هندخل عضو جديد دخل المنتدي من فتره قريبه و قدر يثبت وجوده و جدارته عرفناه بالادب و الاخلاق و التدين و الاحترام و منورنا دايما بمواضيعه و ردوده هو المنطلق دائما باحثا عن الحب نتمني من ربنا ان يجد الحب الذي يبحث عنه و يكون بمثابه نور و هدايا له في مستقبله ان شاء الله معانا النهارده النجم ( الباحث عن الحب )



طبعا هتتفضل هتتفضل احنا مش بندعيك احنا بنجبرك تدخل معانا و تعرفنا بنفسك اكتر


و دي الاسئله التقليديه اوي مني و اللي طبعا اول و مش اخر دفعه ان شاء الله

-السؤال المعتاد عرفنا بنفسك واتكلم براحتك احنا معاك للصبح؟

2-بتحلم بايه و هل تحققت احد احلامك؟

3-لو عندك ورده تهديها لمين؟
وليك كلمه هي ايه ولمين؟
وعتاب توجهه لمين؟

4-اذا اتيحت لك فرصه مقابله احد الشخصيات المشهوره من تفضل و ماذا ستقول له؟

5-اذا وقعت في مشكله ما..من تحكم قلبك ام عقلك؟

6- لو حبيبك او اي شخص تاني عزيز عليك خانك او غدر بيك رد فعلك هيكون ايه؟

7-مين اكتر شخصيه او الشخصيات اللي في المنتدي تحب تقابلها و تتعرف عليها اكتر؟

8-اول ما بتدخل المنتدي اي قسم بتروحله الاول؟

9- ايه اكتر حاجه بتحبها في حياتك؟

10-ماذا يعني لك الحب؟

11-هل ندمت في حياتك علي شئ معين.؟

12-اجمل ثلاث صفات بتشوفها في نفسك؟

13-وثلاث صفات بتكرهها في نفسك؟

14-يوم تنتظره بفارغ الصبر؟

15-مالذي يغضبك؟ والذي يضحكك و الذي يشعرك بالراحه؟

16-لو طلبنا منك تقول كلمه لكل اللي في المنتدي يا تري هتقول ايه؟


بس خلاص شفت انا طيبه ازاي يارب مكنش تقلت عليك علي الاقل اكون رخمت بس مقبلش اقل من كده الصراحه

ياجماعة النت فاصل عند احمد عشان كدة ما بيدخلش

يوم كدة والنت هيكون عنده


لو عاوزين تسالوني انا مكانه انا موجود
هههههههههههه
احنا صحاب برضوا

اوك يااحمد نستناه يا حاج

احنا ورانا ايه و ايه موضوع تجاوب مكانه ده لا يا باشا انسي يا عمرو لازم يدخل القفص برجليه

و يجاوب علينا نفر نفر