اتفضل عرفنا بنفسك؟؟؟؟

لا ياسراء أسألى براحتك ومش تخافى مش هتنطردى من البرلمان بس لا هنلغيك عضويتك من الساحه مدى الحياه

اهلا يامحامى مصري

على ما اظن ان معظم المنتدى يعرف حضرتك بس انا للاسف معرفش حضرتك

ياريت تعرفنا بنفسك؟

من وكيل البرلمان الى رئيس البرلمان احب اوجهلك مجموعة أسئلة مش معنى انا جت عليا
1-ما هى حقيقة شعورك نحو اصدقائك الذين تم تعينهم فى مناصب قضائية بالرغم من انهم حاصلين على تقادير اقل منك؟
2-لو حصل وارتبط بانسانه معينه وبعد كده مش حصل نصيب بالرغم من الحب اللى كنت بتحبهلها وشاءت الاقدار ولقيت الانسانه دى الظروف اللى كانت منعاه عنك اتزالت هترطبط بيها تانى؟
3-لو تم وضعك فى موقف محرج ازاى ممكن تخرج منه؟
4-لو خيرت بين انك تشوف مستقبلك بعيد عن بيتك وعن والدك او انك تكون جنب والدك لانه محتاجلك جنبه وتركو ليك حريه الاختيار من غير اى ضغوط ايهما تختار؟

هتلغي عضويتي من الساحه

كده خوفتني بس انا هسال وجاوب وبعد كده براحتك اعمل اللي انت عاوزه

1_صف لي شخصيه محمد الخولي في سطور؟
2_كيف يمكن ان تعبر لانسان تحبه عن مشاعرك؟
3_ماذا يعني الفراق والجرح بالنسبه ليك؟
4_حبيت ولا لسه وايه مواصفات الانسانه اللي تتمناها؟

5_ايه هو احساسك لما تقف مع الانسانه اللي بتحبها؟

6_كلمه من حضرتك لحس الشباب ونصيحتهم؟
7_اوصف اعضاء البرلمان نفر نفر زماتنساش حد خالص؟




سلام وراجعه تاني

بس لو في سؤال محرج متردش براجتك

بس مع السلامه انا عارفه اني اتطرد خلاص واتلغت عضويتي التهديد وصل ياريس

انشاء الله احاول اجاوب على كل أسئلة نور
ونبدا ونقول بسم الله الرحمن الرحيم
اول سؤال
1-السؤال المعتاد عرفنا بنفسك واتكلم شويه عن شخصيتك؟
انا محمد 24 سنه خريج كلية الشريعه والقانون جامعة الازهر وبشتغل محامى منذ سبتمبر 2006
وانا انسان عادى جدا واقل من العادى كمان بحب كل الناس حتى اللى بيضمرلى كل الشر بحبه لانه
بيصعب عليا علشان بحس انه انسان مريض فأنا بدعيله ان ربنا يشفيه


2-بتحلم بايه و هل تحققت احد احلامك؟
كنت بحلم انى اتعين فى اى هيئه قضائيه لكن للأسف مش حصل نصيب بس الحمدلله ربنا من فضله
وكرمه عوضنى بحاجات تانيه كتير منها شغلى الحالى وحب الناس ليا ودى اكبر نعمه فى الدنيا


3-لو عندك ورده تهديها لمين؟
لأسرتى الكبيره اللى بتضم أسرتى الصغيره ابويا وامى واخويا وصديق عمر نبيل عرابى وبرلمان الشباب ا
اللى قابلت فيه احسن ناس عرفتهم ولأعضاء المنتدى


وليك كلمه هي ايه ولمين؟
حسبى الله ونعم الوكيل فى كل واحد عايز يخرب البلد دى ويرجع البلد لأيام ما قبل الثوره



وعتاب توجهه لمين؟
لصديقى نبيل اللى جايبلى أسئله صعبه جدا وهو عارف اجابتها



4-اذا اتيحت لك فرصه مقابله احد الشخصيات المشهوره من تفضل و ماذا ستقول له؟
أقابل حبيى احمد عز واقوله برافوا عليك لعبتها صح ومنك لله


5-اذا وقعت في مشكله ما..من تحكم قلبك ام عقلك؟
أحكم عقلى لان المشكله عايزه عقل يحل مش عايزه عاطفه بس من الممكن انى احكم عقل وقلبى
فى بعض المشاكل


6- لو حبيبك او اي شخص تاني عزيز عليك خانك او غدر بيك رد فعلك هيكون ايه؟
طبعا هازعل بس زعل عن زعل يفرق ساعات الواحد بيحس ويعرف مين من أصدقائه بيحبه
ويتمناله الخير ومين بيكرهه ويتمناله الشر لو الخيانه جت من الصنف الاخير بتبقى سهله لأنها
متوقعه لكن المصيبه لو جت من النوع الاول علشان كده انا دائما مش ببنى امال كبيره فى كل اللى
أعرفهم علشان لو حصل اى بادرة خيانه مش أزعل


7-مين اكتر شخصيه في المنتدي تحب تقابلها و تتعرف عليها اكتر؟
بصراحه شخصيات كتيره جدا منها نور ولولو


8-اول ما بتدخل المنتدي اي قسم بتروحله الاول؟
خواطر واشعار والملتقى العام


9- ايه اكتر حاجه بتحبها في حياتك؟
النظام ودقة المواعيد والصراحه


10-ماذا يعني لك الحب؟
كل شئ بس اوقات بحس ان مافيش حب او ان الحب مجرد كلمه بتتقال وده طبعا لان الكلام
سهل بس الحب قول وفعل والسؤال ده عايز كلام اكتر من كده بس مش عايز اطول عليكوا


11-هل ندمت في حياتك علي شئ معين.؟
عمرى ما ندمت على شئ بس ندمت دلوقتى وانا بجاوب على الأسئله دى انى دخلت المنتدى ده



12-اجمل ثلاث صفات بتشوفها في نفسك؟
مش عارف بصراحه انتوا اللى تحكموا



13-وثلاث صفات بتكرهها في نفسك؟
ممكن اكون عنيد


14-يوم تنتظره بفارغ الصبر؟
يوم ما البلد دى ينصلح حالها وكل واحد يخاف عليها مش ينهب فيها وأنشاء الله اليوم ده جاى
واحنا اللى هنكون السبب فى وجود هذا اليوم





15-مالذي يغضبك؟ والذي يضحكك و الذي يشعرك بالراحه؟
اللى يغضبنى لما بكون شايف واحد مظلوم ومش قادر اعمله حاجه واللى يضحكنى كل ما يضحك الناس
واللى يريحنى لما بشوف السعاده على وجوه الناس



16-و اخيرا عايزين من حضرتك كلمه توجهها للشباب اللي في المنتدي؟؟؟
اول حاجه انا عايز اقولكوا انى بحبكوا جدا جدا ومش عايزكوا تيأسوا ابدا من اى وضع موجود فى البلد انتو
اديكوا تغيروا اللى بيحصل ده كله وقبل الكلام ده كله عايز اوصيكوا بتقوى الله سبحانه وتعالى والمداومه
على عبادته فى السر والعلن

وشكرا جدا ليكوا اتمنى انى اكون جاوبت على كل اأسئلة نور كلها

اهيء اهيء

فين الاجابه علي اسئلتي

أجاوب بقى على أسئلة نبيل بك عرابى المحامى الكبير قوى
اللى جايبلى أسئلة صعبه جدا وناوى يحرجنى بس ربنا يقدرنى وأجاوب

1-ما هى حقيقة شعورك نحو اصدقائك الذين تم تعينهم فى مناصب قضائية بالرغم من انهم حاصلين على تقادير اقل منك؟
انت عارف انى بتمنى ليهم كل خير وأظن الكلام ده كان قدامك مش من وراك لما وقفت واتكلمت مع طاهر بك والحمدلله علاقتى بيهم
كويسه جدا وحكاية انه اقل منى فى التقدير دى واتعين وانا لأ دى كلها ارزاق بتاعة ربنا وأنشاء الله ربنا رايدلى بالخير


2-لو حصل وارتبط بانسانه معينه وبعد كده مش حصل نصيب بالرغم من الحب اللى كنت بتحبهلها وشاءت الاقدار ولقيت الانسانه دى
الظروف اللى كانت منعاه عنك اتزالت هترطبط بيها تانى؟
انا عايز اقولك مقوله اظن انت عارفها كويس ياريس نبيل المقوله بتقول (لا تندم على اللبن المسكوب) فأجابتى هتكون لا


3-لو تم وضعك فى موقف محرج ازاى ممكن تخرج منه؟
بصنعة لطافه

4-لو خيرت بين انك تشوف مستقبلك بعيد عن بيتك وعن والدك او انك تكون جنب والدك لانه محتاجلك جنبه وتركو ليك حريه الاختيار من
غير اى ضغوط ايهما تختار؟
اظن الأجابه بديهيه طبعا وانى هافضل جنب والدى علشان مش أعصيه

وياريت ياعمى نبيل مش تسأل تانى اللى يسأل مره مش يسأل بعد كده ادى فرصه لغيرك
وانا مش عارف اسراء عامله فيا كده ليه هى كمان وجيبالى أسئله مش عارف اجاوب
عليها ازاى ربنا يستر بس أسراء كده بجد مش عاد ليها عيش معانا فى البرلمان

ايه ايه

انا اهه براحتك ياريس اطردني زي ماانت عاوز


بس جاوب الاول

وبعدين هحول ريس البرلمان لجنه قيم لو مجاوبتش

أجاوب بقى على أسئلة نبيل بك عرابى المحامى الكبير قوى
اللى جايبلى أسئلة صعبه جدا وناوى يحرجنى بس ربنا يقدرنى وأجاوب

1-ما هى حقيقة شعورك نحو اصدقائك الذين تم تعينهم فى مناصب قضائية بالرغم من انهم حاصلين على تقادير اقل منك؟
انا مش اقدر أزعل اسراء ابدا وهجاوب اسئلتهابس ياريت مش تسألى تانى
1_صف لي شخصيه محمد الخولي في سطور؟
انا أنسان عادى جدا واقل من العادى كمان وطموح لأبعد الحدود بكره اليأس
بحب العمل الجماعى جدا والتطوعى بعشق القياده وبحب اكتر خدمة الناس

2_كيف يمكن ان تعبر لانسان تحبه عن مشاعرك؟
بأقوالى وافعالى معاه

3_ماذا يعني الفراق والجرح بالنسبه ليك؟
انا مش عارف ليه انتى عايزه تقلبيها محزنه ما كنا ماشين كويس بس الفراق ده شئ صعب جدا
وانا مجربه لما أعز أصدقائى سافر حسيت فعلا بطعم الفراق ربنا يرجعه بالسلامه

4_حبيت ولا لسه وايه مواصفات الانسانه اللي تتمناها؟
حبيت ولا لسه طبعا مش هاجاوبك
مواصفاتى عاديه جدا أهمها التدين مصداقا لقول الرسول الكريم صلى الله عليه وسلم
(تنكح المرأه لأربع لمالها ولحسبها ولجمالها ولدينها فاظفر بذات الدين تربت يداك)

5_ايه هو احساسك لما تقف مع الانسانه اللي بتحبها؟
أكيد هأكون مبسوط جدا

6_كلمه من حضرتك لحس الشباب ونصيحتهم؟
انا مش أنفع أنصح الشباب لأنى منهم بس انا هأنصح نفسى وقوللها
حتى لايقهروك يا بني

حتى لا يجعلوا منك عدواً لذاتك لدوداً

حتى لا يوقعوك في شباك التناقض وعذاب الحيرة

حتى تظل عارفا عما تدافع ، ومن تدفع عن نفسك

حتى لا تفقد هويتك ، ولكي لا تنشطر ذاتك ، ولكي لا يتنكّر يومك لأمسك

ولكي لا تصبح حجراً آخر يلقي به أعداء هذا الدين في دروب المسلمين

ولكي يبقى فيك سر قوتك فلا ينزعوه منك فتصبح ذليلاً لا مع هؤلاء ولا مع هؤلاء

إحذر يا بني أن يفتنوك عن بعض دينك

اه انا نسيت اهم سؤال
7_اوصف اعضاء البرلمان نفر نفر زماتنساش حد خالص؟

ابدأ بمين مش عرف أخدهم بالدور أحسن
نبيل صديق عمرى واخويا
وليد عملى جدا
شرين بتحب الشغل جدا
نرمين طيبه
مراد مستقبله كويس
المهندس خدوم جدا
ابوعلى انا زعلان منه
د/ شحاته عايز يعمل حاجه
حرزالله مكبر دماغه بس ساعة الشغل راجل
احمد هليل راجل بكل معنى الكلمه وخدوم جدا
توفيق مطيع
ايهاب او النائب العام مؤدب مش فى حد بيسمعله حس
مين تانى مش فاكر لو عندك حد فكرينى
اه نسيت


















اسراء تعبتنى جدااااااااااااااااااااااااااااااااااااااااااااااااااا وبينا حساب عسير

اتمنى انى اكون جاوبتك ياحاجه اسراء على رأى احمد المهندس لما بيقولك ياحاجه واتمنى انك مش تسألى تانى

اولا ميرسى على وصفك ليه يا محامى

وميرسى على رد اسالتك هايله جدآ بس واضح كل اللى جوبت على اسالتو مستحلفلو

ها ها ها ها ها هى


اةةة


لالالا دا

انته بتتردهم بذوق

هههههههههه

وبعدين ايه ده

يا محامى نبيل مش عايزه يسال ولا اسراء عايزه تسال امال مين اللى هسال باه

وبعدين الموضوع بيقول غير كده يا متـــــــــــــــــــــــــــر

انا قولت ادخل اهدى النفوس بس








ع




ل



ى




فكره




انا فى الاخر خالص





بعد ما همه يشبـــــــــــعو اسئلـــــــــــــــــــــه



ادخل














اخلص خالـــــــــــــــــــص

الله عليك يامتر وعلى اجاباتك طول عمرى اقول عليك انك جامد وريس بحق وحقيق ايه الاجابات المقنعه دى شاعر ياخواتى
بس على فكره انا مش محامى كبير ولا حاجه انا بدأت المشوار وللاسف مش كملته واتجهت للمجال الحر وللنشاط اللى انتى ومعظم الاعضاء عارفينه وانا عندى اسئله كتير لان من حظك السيئ انى حافظك عن ظهر قلب اسئلة تمس حياتك الشخصيه بس طبعا دى مش اقدر اتكلم فيها ولا اهوب ناحيتها وبالتوفيق يامتر وربنا يوفقك فى شغلك وتبقى محامى تلعب بالبيضة والحجر سورى قصدى محامى كبير وتلاقى بنت الحلال اللى تكمل معاها المشوار وادعيلى معاك تحياتى صديقك المخلص بلبل

شكرا ليك يااستاذ محمد علي اجاباتك الرائعه


فين يا جماعه الاسئله انتوا مش عايزين تتعرفوا علي استاذكوا و لاايه؟؟؟؟

مساء الخير ازيك يااستاذ محمد انا رجعت من جديد


لقيت العيال مش عايزه ترخم قلت ارخم انا بكام سؤال


1-يا تري كان في يوم عدي عليك و كان كله من اوله لاخره مشاكل و حوادث بعد الشر يعني و مصايب كتيره كده و ما صدقت انه خلص و راح لحاله؟

2- و هل كان في يوم العكس اليوم ده يعني يوم جميل من اوله كله اخبار حلوه ؟


3- هل درجه الثقافه و المستوي التعليمي ممكن ياثروا علي اختيار شريكه الحياه؟


4-مقوله تؤمن بها و ترددها دائما ايه هي؟


5-هل شعرت يوما بانك اسعد انسان في الدنيا لو حصل كان ليه؟


6-لو حد خدعك او خانك سواء صديق او حبيب يا تري هتفكر في الانتقام و لا هتقول الله يسامحه خد الشر و راح؟


7-متي تكون شخصيه حنونه ؟ و متي تكون شخصيه قاسيه؟


بس كفايه كده

و عارفه من غير ما تقول رخمه

ههههههههههههههه
ماشي حسابي عسير ولا يهمك

اعمل اللي انت عاوزه بس في سؤال مجاوبتش عليه

ماااااااااااااشي

مش انتى اللى قولتى ياحاجه اسراء لو فى سؤال محرج متجاوبش انتى اللى قولتى كده وانا عملت زى ما انتى قولتى و كويس ان هو سؤال واحد بس اللى مش جاوبت عليه

يا مـــــــــــــــــــــــــــــــــــتر

عامل انتظر تجوب على نور مش عايز تجوب انتظر تجوب مش عايز تجوب

عايزه احط اسالتى الله كده مش ينفع يا متر

على العموم انا هحط اسالتى وجوب على الاتنين باه عشان الوقت عامل يجرى وعايزين نحط

نبيل اوكى

ابداء اسئله منين منين يانرمين نسأل اسئله متنوعه بس الاغلب هتكون عاطفيه

لان مش فى حد سالك كتير فيها ابداء نخلص طــــــارنــــا بـــاه من ريئس البرلمان هههههههه

واحــــــــــــــــــــــــــــــد

1 - ما هو اصعب موقف مر في حياتك؟

2 - ايه هوه اكتر موقف انبسط في ؟؟ ولماذا ؟؟

3 - من هو اهم شخص في حياتك؟

4 - هل حب الحبيب لحبيبته اقوى ولا حب الولد لامه اقوى ؟

5 - هل عشت الحب؟

6 - هل تتمنى انك تعيش قصة حب؟

7 - هل انت مستعد للتغير من اجل من تحب ؟ والى اى مــــــــــــــــدا؟

8 _ ما رد فعلك عندما تقول لك حبيبتك : أحبك لا أتزوجك نعم ؟

9- اذا اردت ان تبكي الان "" فعلى من تبكي""؟

10 - من ستختار ليمسح دموعك ؟

11 - هل هزمك حزنك في يوم من الايام؟

12 - هل دمعة الشاب او الرجل ضعـــــــــف ؟؟

13 - متى اخر مره بكيت فيها؟

14 - لو خيروك بين حبيبتك وبين اعز صديق فمن تختار ؟

15 - هل من الممكن ان تتحول الصداقه الى حب ؟

16 - هل ندمت في حياتك على شي معيــن ؟

17 - هل تقدر تنسى اقرب الناس ليك بسهوله؟

18 - من هو اكثر شخص تفكر فيه؟

19 - هل انت مدمن تفكير؟

20 - عاده تفعلها دائما تتمنى ان تتركها ؟ يالله اذكر ؟

21 - هل انت راضي عن نفسك ؟

22 - هل انت من لديهم رغبة حب التملك واذا تملكت الشيء اصابك الملل منه ؟

23 - ايــــــــن نلاقـــــي حقيقه المشاعر في العين ام الكلام ام الافعال ام ملامح الوجه ؟

24 - عندما يستهون شخص في الحب هل من الممكن ان يصبح غالي بعد كده ؟

25 - مارأيك في موضوع نور اللى نزلتو فى المنتدى بصراحـــــــــــــــــــــــــه ؟

(( على مااظـــن انك لو طولت تولــع فى صحبت الموضوع والمنتدى واللى عمل المنتدى دلوقتى
هتولــــــــــع فيه " انا قولت اهدى النفوس بس" )) ههههههههههه نور , جار المسامح كريم اةةةة


ماالحق اطلع


من حق نبيل يستعد عشان عليه الدور

استاذ محمد بسراعه

عايزين نقطع شويه الوكيل

الموضوع تحفه يا نور ياريت الموضوع يتفتح من جديد

باسم نور القمر (( عارفة انها مش هتعارض ))

هيبقي الدور عليك و انت اللي جبته لنفسك

يلا يا جماعة ظبطوه

و هبتدي الاسئلة

الاسئلة التقليدية الاول

1 -سمك و محل الاقامة

2 -السن و الدراسة ؟

3-صفه فيك تحبها؟

4-صفه فيك تكرهها ؟

5-اكثر شئ يعصبك؟

6-اكثر شئ يخوفك؟

7-من مثلك الأعلى؟

8-من هو أعز شخص عندك؟

ميه ميه يا ميلو


رجعالك ومعايا اسئله هتجاوبها كلها

لا طبعا مش هعارض يا قمر منور يا كابتن و ان شاء الله هنخرجك ندمان عاليوم اللي فكرت فيه تدخل المنتدي


لالالالالالا قصدي يعني هنخرجك فرحان و مبسوط و بتدعي علينا بس

هههههههههههههههههه ادخل بقه يا عم ادخل وهتندم قصدي مش هتندم

هو انا شكلي ادبست و لا ايه

عالعموم انا جاهز بس بالراحه عليا