اتفضل عرفنا بنفسك؟؟؟؟

السلام عليكم ورحمه الله وبركاته



الموضوع المره دي اسمه اتفضل عرفنا بنفسك



فكرته اننا هنختار عضو يكون ضيف علينا في الموضوع


وهنساله شويه اسئله اي سؤال يخطر علي بالنا


واي معلومه نحب نعرفها عنه وعلي فكره الموضوع مفتوح


بمعني مش صاحب الموضوع بس هو اللي هيسال


اي عضو يحب يسال اي سؤال للضيف يساله



الضيف هيفضل معانا في الموضوع اسبوع


وبعد لما نقطعه اسئله وينورنا باجابته هنختار عضو جديد


انا هبتدي واختار ميلو ياريت يا ميلو تتفضلي معانا وتجاوبي علي اسئلتنا


انا هحضر شويه اسئله وارجعلك واي عضو يحب يسال في اي حاجه يسال


يارب الموضوع يعجبكم وتتفاعلوا معاه

موضوع جميل جدا يانور

يلا ياميلو

جميل الموضوع يا نور
اولا
ميلو بتحب ايه وايه هواياتها

شكرا ليكوا علي ردودكوا وهنزل الاسئله دلوقتي



واضح ان ميلو لسه مدخلتش



كويس خالص عشان تتفاجا بالموضوع وبالاسئله



اجباري علي فكره يا ميلو ممكن تفوتي سؤال او اتنين بالكتير


لكن اكتر من اتنين مينفعش



يلا علي خيره الله


1-السؤال المعتاد عرفينا بنفسك واتكلمي براحتك احنا معاكي للصبح؟

2-بتحلمي بايه و هل تحققت احد احلامك؟

3-لو عندك ورده تهديها لمين؟
وليك كلمه هي ايه ولمين؟
وعتاب توجهه لمين؟

4-اذا اتيحت لك فرصه مقابله احد الشخصيات المشهوره من تفضل و ماذا ستقول له؟

5-اذا وقعت في مشكله ما..من تحكم قلبك ام عقلك؟

6- لو حبيبك او اي شخص تاني عزيز عليك خانك او غدر بيك رد فعلك هيكون ايه؟

7-مين اكتر شخصيه في المنتدي تحبي تقابليها و تتعرفي عليها اكتر؟

8-اول ما بتدخلي المنتدي اي قسم بتروحيله الاول؟

9- ايه اكتر حاجه بتحبيها في حياتك؟

10-ماذا يعني لكي الحب؟

11-هل ندمتي في حياتك علي شئ معين.؟

12-اجمل ثلاث صفات بتشوفيها في نفسك؟

13-وثلاث صفات بتكهيها في نفسك؟

14-يوم تنتظريه بفارغ الصبر؟

15-مالذي يغضبك؟ والذي يضحكك و الذي يشعرك بالراحه؟

16-لو طلبنا منك يا ميلو تقولي كلمه لكل اللي في المنتدي يا تري هتقولي ايه؟

بس خلاص كفايه كده النهارده بس يارب تدخلي قبل ماالسئله تبقي اكتر من كده ومتلاحقيش

مش عارفه ليه حاسه ان الموضوع مش عاجبكوا محدش قال رايه غير يارا و اسراء

طيب يا شباب اللي مش عاجبه الموضوع يقول ونعمله اغلاق ونمسحه ونولع فيه كمان

ههههههههههههه
لا مش للدرجادي بس انتي قولتي سؤال
احنا نجيب اسئله منين دلوقتي

اي اسئله تخطر في بالك هاتيها و ميهمكيش ميلو قدها و قدود



بس هي توصل بس بالسلامه

ان شاء الله تيجي بالسلامه




انتي بتحبي الاغاني الرومانسيه ولا الحزينه

انا جيت و الموضوع جميل جدااااااااا

بس ما كنتوش تختاروني الاول كنت عايزة اتفرج الاول

بس هحاول أجاوب

1-السؤال المعتاد عرفينا بنفسك واتكلمي براحتك احنا معاكي للصبح؟

أنا ميلو و عندي 24 سنة و بشتغل مدرسة في مدرسة خاصة و مرتبطة و أكيد كلكوا عارفين و الخطوبة ان شاء الله في العيد كلكوا معزومين

2-بتحلمي بايه و هل تحققت احد احلامك؟ كنت بحلو اني أخلصالجامعة و خلصت الحمد لله بتقدير كمان ــ و أشتغلت و بحب شغلي ــ و ليا أصحاب جااامدين زي أخواتي و كان نفسي أبقي محبوبة و الحمد لله مل اللي بيعرفني بيحبني (( ده كلامهم الله أعلم ) و كنت عايزة أقابل شخص بالمواصفات اللي بتمناها و الحمد لله لقيته .. فاضل بقي نخلص و نتجوز أدعو لي


3-لو عندك ورده تهديها لمين؟لجار القمر و ماما و بابا و ليكوا كلكوا طبعا
وليك كلمه هي ايه ولمين؟
وعتاب توجهه لمين؟

4-اذا اتيحت لك فرصه مقابله احد الشخصيات المشهوره من تفضل و ماذا ستقول له؟

5-اذا وقعت في مشكله ما..من تحكم قلبك ام عقلك؟ أنا هجاوب بعقلي بس وقت الجد بحكم بقلبي

6- لو حبيبك او اي شخص تاني عزيز عليك خانك او غدر بيك رد فعلك هيكون ايه؟ربنا يسامحه (( كما تدين تدان ))

7-مين اكتر شخصيه في المنتدي تحبي تقابليها و تتعرفي عليها اكتر؟نور و اسراء

8-اول ما بتدخلي المنتدي اي قسم بتروحيله الاول؟الترفيهي و الملتقي العام

9- ايه اكتر حاجه بتحبيها في حياتك؟ الكابتشينو (( إدمان ))

10-ماذا يعني لكي الحب؟ كل حاجة طبعا تلاقي واحد يحبك و يخاف عليكي أكتر من نفسك

11-هل ندمتي في حياتك علي شئ معين.؟ إني أديت الامان لناس ما يستاهلوهاش

12-اجمل ثلاث صفات بتشوفيها في نفسك؟ أعتقد طيبة .. صريحة .. مخلصة للي بحبه

13-وثلاث صفات بتكهيها في نفسك؟ قفلي واقع .. بصدق أي حاجة بسمعها .. عنيدة

14-يوم تنتظريه بفارغ الصبر؟
يوم الزواج طبعا
15-مالذي يغضبك؟ والذي يضحكك و الذي يشعرك بالراحه؟ كتير و بحس بالراحة و أنا مع حبيبي طبعا

16-لو طلبنا منك يا ميلو تقولي كلمه لكل اللي في المنتدي يا تري هتقولي ايه؟

أنا بحبكم جدااا مع اني لسه ما شفتكوش و نفسي أشوفكم بجد

و المنتدي أمانة في أيديكم

طيب وسؤالي
اهيء اهيء اهيء

شكرا ليكي يا ميلو علي اجابتك الجميله مع انك


مجاوبتيش علي سؤالين بس مش مشكله


هنعديها المره دي لكن المره الجايه


ومتزعليش يااسراء ميلو اكيد هتدخل تاني لسه اسبوع بحاله بدا النهارده بس

لا يا قمر و الله ما كملتش قراءة بقيت الاسئلة عشان كنت خارجة

بصي يا ستي أنا بمووووووت في الاغاني الرومانسية ــ بس أغاني النكد ليها وقتها برضو

و بحب ماما و بابا و أخواتي و انتوا طبعا

و هواياتي النت و التليفزيون و الخروج طبعا مع أصحابي ... و أوقات قراءة الروايات بس الوقت قليل

يلا يا ستي رديت أهو

أي سؤال أنا تحت أمركم و أنا مبسوطة جدااااااااااااااااا أنكوا عايزين تعرفوني أكتر

و أنا بحبكوا كتير

شكرا ليكي يا ميلو علي اهتمامك


بس انا عندي سؤال رخم حبيتين


هقوله ولو عايزه تجاوبي عليه جاوبي مش عايزه


براحتك اختياري يعني


السؤال هو

ازاي اتعرفتي علي حبيبك(جار القمر)وامته؟ وفين؟ وازاي عرفتي انه بيحبك؟

بصي هجاوب علي لاسئلة دي كنت نسياها ... وبعدين السؤال

وليك كلمه هي ايه ولمين؟بحبك .. عارفين لمين طبعا

وعتاب توجهه لمين؟صديقتي إيمان ... عشان هيا في الروقان خاااااااااااالص

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

سؤالك بقي يا نور :

ازاي اتعرفتي علي حبيبك(جار القمر)وامته؟ وفين؟ وازاي عرفتي انه بيحبك؟


** إتعرفت عليه : إحنا زمايل في مدرسة واحدة (( بنشتغل مع بعض ))

** إمته : أول السنة الدراسية دي

** فين : في المدرسة أكيد

** عرفت منين إنه بيحبني ؟ ده با لإحساس

بصي هو إحنا في الاول كنا أصدقاء في جروب واحد بس
و قعدنا شوية أصدقاء بس .. و كان في في الجروب بتاعنا بنات غيري و شباب غيره

بس إنت عارفة يعني في حركات بتبين لك إن اللي قدامك مهتم بيكي زيادة .. و بعد كده بقي مهتم كتير ... لغاية ما وقع بقي ......... و نطق

و أنا كمان كنت مهتمة بيه أكتر و كنت بقاوح نفسي لغاية ما عرفت إنه بيحبني و أنا بحبه

و هو الحمد لله في مواصفات كتييييير تعجب أي بنت (( كفاية إنه عجبني يعني )) ولا إيه




و ميرسيه يا نور علي السؤال الجميل برضو

البت نور القمر بتقول الاسئله اللي في بالي
ربنا يوفقكوا يا ميلو ويتمم علي خير ومتنسيش تعزمينا
قصه حبكوا جميله اوي
يارب يتمم علي خير
بس امته الخطوبه عايزين نعرف عشان نيجي من غير عزومه طبعا مااحنا اصحاب الفرح هههههههههههههههه
ربنا يوفقكوا

شكرا ليكي جدا جدا يا ميلو والله كنتي خايفه تقوللي وانتي مالك يا حشريه


بس جاوبتي عليه اجابه جميله ربنا يوفقكوا يارب وادعيلي اعيش قصه حب كده


و اكيد طبعا يااسراء هيعزمونا ميلو قالت الخطوبه في العيد


بس يارب تكون في ههيا هنا عشان كلنا نروح



ربنا يوفقكوا يارب

بس يانور انا الى هعزم مش ميلووو (اخت العريس)
بيتهيالى ان الخطوبه عند العروسه يعنى مش في ههيا

عند العروسه بعيد اوي


مش مهم قلبنا هيبقي معاكي يا ميلو وهنبقي فرحاننلك اوي

كان نفسي احضرها والله ده انتوا الاتنين اخواتي
ربنا اللي يعلم
عالعموم ربنا يتتم علي خير

لالالالالالا يا حلوين لولو هتعزمكم و واناكمان هعزمكوا و هتيجوا بعدين مش بعيد أوي ولا حاجة

الله اللعبة جميل جدا
وانا ان شاء الله اللى هتسال المرة الجاية اوكيز

عاوزكم تبهدلوني اسئلة

اهلا ميلو

خدي السوال ده مني



قولينا موقف بكيتي فيه من الحزن وموقف بكيتي فيه من الفرح؟؟؟

ان شاء الله يااحمد انت المره الجايه وهنبهدلك اسئله


فينك يا ميلو تجاوبي علي احمد

احمد ده انت هتلاقي اسئله


اصبر اصبر



ميول اكتر اكله بتحبيها

قولينا موقف بكيتي فيه من الحزن وموقف بكيتي فيه من الفرح؟؟؟

بض المواقف كتييييييييير

لو زعلانة أوي أو فرحانة أوي في الحالتين بزن يعني

بس أكتر موقف قريب بكيت فيه و هيا ريهام أختي بتولد عشان الولادة بتاعتها كانت زفت

و أكتر موقف فرحت فيه لما ابنها جه طبعا

و أكتر موقف بكيت من الفرحة فيه و لسه لغاية دلوقتي تأثيره

يوم ما (( ج )) حبيبي طبعا قالي انه بيحبني و لسه فاكر تفاصيله لغاية دلوقتي

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــت

سؤال اسراء بقي

أكتر أكله بحبها

اممممممممممممم

بصي المكرونة بصلصة حمرااااااااااااااااااااء و فراخ بانيه

بس

شكرا يا ميلو يا قمر عالاجابه

منورة ياميلوة

خدي السوال الجامد ده

اوصفي الاعضاء دول في كلمة واحدة او كلمتين

1/ جار القمر

2/ اسراااااااااااااء العطار

3/ نور القمر

4/ احمد المهندس

5/ لولو


6/ مشمش

7/ md3

8/حتشبسوت

9/ نرمين لفيرز


بس كدة

يلا ورينا الهمة

ويلا بقي عشان انا مشتاق للاسئلة
ههههههههههه