ألحقوا مصر بتتباع

الناس قاعدة بتتفرج على بيع مصر قاعدة بتتفرج على المزاد وكأن مصر مش مصرنا مش كفاية التسيب والآهمال والسرقة والنهب وتحويل الآموال للخارج مش كفاية كل دة لا
لما الحكومة لقت الناس ساكتة وخارسة ومش بتتكلم قالوا مانبيع البلد كلها وخلاص
بنك القاهرة بيتباع والدور على بنك مصر والاهلى والمركزى كمان والاهم اللى فى الخطة الجاية هو بيع قناة السويس
وممكن كمان يبيعوا
السد العالى
وماننساش الآهرام
وأبو الهول
وبرج الجزيرة
والمترو
كل دة هيتباع
تخيلوا لو باعوا نهر النيل

للبيع للبيع في المزاد
بلد حلوة و جميلة تبقى اجدع البلاد
للبيع بكل رخيص حقوق العباد
للبيع بلد انتشر فيها الفساد

قالوا هتبيع : ثمنها اية
هبعها حتى و لو بجنية
هبعها و متسألش لية
عايز اطفش من وش الباشا و البية

للبيع ابو الهول و التلت اهرام
للبيع شعب شادد على بطنة الحزام
للبيع قلوب نسيت الاحلام
للبيع عيون نسيت طعم المنام

للبيع شوارع بقت صندوق قمامة
للبيع جلبابي و الشال و العمامة
و لو بعنا النيل و السد يا له السلامة
اشتروا منى كل حاجة بس سبولي الكرامة

حد شاري احزاب عليها الوقت فات
حد شاري شباب ماتوا و الامل فيهم مات
حد شاري القمر الصناعي بالافلام و الكليبات
حد شاري الفنادق و مارينا و الرقاصات

اشتروها و اشتروا العقول الممسوخة
و خدوا فوق البيع اودية توشكى المدروسة
و فوق البيعة كنافة رمضان و البسبوسة
و الثمن انكوا ترجعولي زمن المحروسة

وحشاني يا مصر و انا فيكي
عايش جواكي مش لاقيكي
انا عايزك اتونس بيكي
اكتبلك روحي و عمري و اعيش ليكي

الله ع الكلمات الصادقه اللي ياما وحشتنا


شكرا على ردك يا حتشبسوت

جميله اوي حتشبسوت كلماتك


تسلم ايدك جار القمر