محلاها عيشة الكرباج
شىء غريب جدا بيحصل للناس فى مصر الناس أصبح عندها بلادة وبلادة دى يعنى الطالب البليد اللى ماعندوش أى طموح أو أمل فى النجاح
ليه علشان هو عايز كدة هو أقلم نفسة على كدة
أنعكس الانطباع دة عند باقى الناس على المستوى العام
بمعنى أن الناس كل يوم الاسعار بتزيد وهى قاعدة بتتفرج بالضبط زى الحرامى فى الاتوبيس حاطط أيدة فى جيب الراجل والادهى أن الراجل شايفة وخايف يتكلم شىء بليد بجد
وممكن نقول عليه جبن الناس بقن جبانة جدا جدا
البلد بتتباع والناس قاعدة بتتفرج وكأن البلد مش بلدهم والاسعار بتغلى بطريقة جنونية والناس كأنها مش من البلد دى وتطلع علينا واحدة ست مش محترمة خالص فى أحد البرامج التليفزيونية والمذيع بيسألها أيه رايك
ترد عليه الست وتقول الاسعار رخيصة وكل حاجة كويسة جدا جدا والامن مستتب حتى الستات بقت بليدة
التعليم بقى بفلوس العلاج بفلوس الاكل أسعارة بتزيد بطريقة جنونية حتى الآمراض بتزيد ناهيك عن الضرب فى الاقسام والشوارع والاعتقالات وتلفيق التهم
الانسان المصرى بقى مستباح فى كل شىء حتى عرضة
وطبعا الانسان المصرى قاعد كل يوم بيتفرج على نفسة عبر البرامج الفضائية وتلاقية بياكل فول وطعمية وبيقول نكت ومبسوط قوى
حالة من عدم اللامبلاة أصابت الشعب المصرى
عارفين مين الشعب المصرى
أحفاد الفراعنة
تخيلوا لو أحنا فى عصر الفراعنة كان دا يبقى حالنا؟