اسأل وخلى اللى بعدك يجاوب

كلامك حلو اوي يا نريمن


فين سؤالك ياحاجه



ازاي تعرف نفسك طبيت(حبيت) و لالا؟

لما يحصل هبقي اقولك ان شاء الله


نفس السؤال للي بعدي؟

يا عالرخامه شوفي ياختي


بتحسي نفسك كده مش طبيبعيه و عماله تفكري فيه ليل نهار و لما تشوفيه او تسمعي حد يتكلم عنه


يالهووووووووووي بتبقي هتموتي كفايه كده



اللي بعدي


يا تري الجرح بيعلم الجفاف و لاممكن نعيش و نحب عادي بعد جرح مش عادي؟

اولآ ميرسى ليكى يا اسراء انتى ونور كتيرررر

انتو اللى كلامكو زاى العسل

معلشى مش


دخلت اجوب على السوال اللى اسراء اتهربت منه

لانى كان النت مهيس خالص وانا كنت بدور على اغنيه وعايزه احملها واخيرآ لقيتها

اجوب باه على السوال ده

بصى يانور ده مش اقدر اقولك عليه لان مش كل انسان بيبقى زاى التانى فى نفس الاحساس

فى اللى زاى ما بتقولى كده بيحس ان الدنيا خالص وقفت لغيت كده

وفى اللى مع مرور الزمن بيتغير والايام بتعدى الحرج

وفى اللى من اول يوم تلاقى انسان تانى ويحب ويعيش حياه تاني عادى

وفى اللى بيحاول يعدى الجرح ده ويتغلب عليه بس بيكون اتعلم باه من الحرج اللى

مر بيه و بكده مش حد هيقدر يوقعوا فى الجرح ده تانى بس مش بيبقى اسمه جفاف بيقى

اسمه درس وحفظه واتعلمه كويس

وفى وفى وفى كتيرررر كل انسان بيقى غير التانى فى اللى بيقدر يعدى وفى اللى مبيقدرش


وميرسى على سوالك يا قمر


ايه اصعب الفراق & الشوق والعذاب (( اللى هو البعد لى فتره معينه وهيرجع تانى )) ؟

الفراق

اكتر شيء تتمني تعمله

امــــــــــــــــــــــوت



اكتر موقف اثر في حياتك و مش قادر و لا هتقدر تنساه؟

معنديش موااقف خالص لاتعليق


نفس السوال للى بعدى

اقتباس :

اكتر موقف اثر في حياتك و مش قادر و لا هتقدر تنساه؟

مش فاكره والله

نفس السؤال للي بعدي

يوووووووووه


هو موقف واحد بس عمري ما هنساه و مش هقدر احكيه



اشرحلنا شخصيه اقرب قلب ليك سواء عضو من المنتدي او حد من قرايبك او اصدقائك؟

انا عن نفسى اى حد عرفته وحبيته بيبقى قريب منى وطبعا شخصياتهم طيبين جدا ودمهم خفيف

نفـــــــــــــــــــــــــــــــــــــــــــــــــــس الســـــــــــــــــــــــــــــــــــــــــــــــؤال؟

ارحمني يارب


اقرب قلب ليا اسراء شخصيه ممتازه و عسل و سكر و حنينه و جميله و كل حاجه


اللي بعدي نفس السؤال اجبلكوا اسئله منين زهقتوني

بصى يانور اللى قريبين منى كتير يعنى مش واحده ولا اتنين همه شويه كده ومن ضمنهم اسراء

كلهم زاى العسل قلبهم طيب وحنين اوى وعشرين وفيهم صفات كتير حلوووه

اقول بردو نفس السوال للى بعدى

ياااااااا نور القمرؤ حبيبه قلبي وروحي
تعالي بقه


نفس السؤال للي بعدي

أقرب قلب ليا انتوا عارفينه محمد ( جار القمر ))

و شخصيته طيب جداااااااااا و حنين و بيحبني وعاقل و محترم و .............

بس مشكلته لما بيعند بس صفاته الحلوة مغطيه عليه

بس

السؤال :

هل ممكن شخصيتك تتغير بعد الارتباط والجواز ؟ و هل كل واحد بيتصرف علي طبيعته قدام الناس ؟

بس بصراحة

(( علي اساس إنك ممكن تفتكر إنك خلاص ملكت اللي انت ارتبطت بيه و بقي امر واقع ))

بس اجابة صريحة

و الله ده حسب الشخص اللي انا مرتبطه بيه يعني اكيد


لو هتغير هيبقي هو سبب التغيير و اعتقد كمان اني لو بحبه عمري


ما هتغير معاه و لو اتغيرت هتغير للاحسن التغيير اللي يرضيه


اللي بعدي نفس السؤال

السؤال جميل جدااااا

اولا لو انا بحب الشخص ده

وهو عايزني اتغير اكيد طبعا لازم اتغير بس يكون للاحسن

فين السؤال يا باشا


كرهت نفسك و لا لسه حابيبها؟

وحياتك عندي كراهاها اوي من يوم مااتولدت

نفس السؤال للي بعدي؟

لسه شويه

حبيت و لا لسه حد يبشرني ايه المنتدي ده؟

في ناس كتير في الشوق دابــــــــــــــــــــو ... وناس كتير داقوا عذابــــــــــــــــــــــــــــــو

اللي دابو قالوا فيه احلـــــــــى كـــــــــــــــــلام ... اللي شافو ويلـــه قالوا نــــــــــــــــار وآآآآآآآآآآآآلام

أم انـــــــــــــــــــــــــــا اةةةةلالا

استحالة اةةةة لالا

قلبي غالي كفايه كده ههههههه


السوال

اذكر الاحلام او الحاجات اللى كان نفسك تكون موجوده فى حياتك لكن للاسف "مش اتحققت"؟؟؟؟؟؟
؟؟؟ وبعد ما تخلص اجابه السؤال تذكر بردو لو فى حاجه فى احلامك "اتحققت" فى حياتك ؟

السوال

اذكر الاحلام او الحاجات اللى كان نفسك تكون موجوده فى حياتك لكن للاسف "مش اتحققت"؟؟؟؟؟؟
؟؟؟ وبعد ما تخلص اجابه السؤال تذكر بردو لو فى حاجه فى احلامك "اتحققت" فى حياتك ؟

بصراحة مش عارفة حاجة معينة يا نرمين

بس من بعد ما اتفرجت علي مسلسل er وانا نفسي أكون دكتورة بس للأسف كنت خلصت الجامعة

وكان نفسي في صديقة بجد تعرف كل اسراري بس لسه ما حصلش مع غن ليا اتنين قريبين مني جداااااااا بس مش بالصورة اللي في دماغي


و كان نفسي أسكن بعد الجواز في العاشر بس خلااااا ص بقي



بس ده اللي في دماغي دلوقتي

نفس السؤال للي بعدي

الاحلام كان نفسي ادخل كليه السن بس الحمد لله عوضتها ودخلت القسم اللي بحبه بس ربنا يسهل ويكرمنا فيه


الامنيه اللي اتمنها

هيا اني اشتغل واكمل دراستي

فين السؤال يا اسراء

انت سرحانة خاااااالص النهاردة

كل ما ادخل لعبة بعدك الاقيكي ناسية تسألي

هو في حاجة قريب ولا ايه ؟

هههههههههه مش عرفه البت دى مالها كده الله يخرب عقلك يا امين السر شكلك
هتودى البرلمان من النسيان بتاعك فى داهيه صحصح يــــــــــــــا اسراء

ده انتى امين السر عيب "خلي ليه انا النسيان ده ههههههه" اهوه مش هيضر البرلمان فى حاجه صحصح سرؤؤؤؤه

ميرسى ميلوووو على اجابتك انتى واسراء بجد احلام تخلى الوحد يزعل انها مش تتحقق
بس يلا نقول الحمدلله

وانا كان نفسى اجوب على السؤال اللى انا حطيتوه ده لكن مش هقدر معلشى اعذرونى

كل اللى هقدر انى اقوله

انا جوايا احلام كتير اوى لكن للاسف مش اتحققت ولا حلم منها ومازلت بردو جويه حاجات كتير
وبتمنها ونفسى حتى لو حلم واحد يتتحقق معلشى اللى جوايه وبحلم بيه كتيررررررر ومش قدره اقولكو قد ايه بس هيه كتير اوووووى ومش هقدر اقوله

بس هرجع واقول" الحمدلله "

نفس السؤال للى بعدى

اقتباس :

اذكر الاحلام او الحاجات اللى كان نفسك تكون موجوده فى حياتك لكن للاسف "مش اتحققت"؟؟؟؟؟؟
؟؟؟ وبعد ما تخلص اجابه السؤال تذكر بردو لو فى حاجه فى احلامك "اتحققت" فى حياتك ؟

مقالة:
اذكر الاحلام او الحاجات اللى كان نفسك تكون موجوده فى حياتك لكن للاسف "مش اتحققت"؟؟؟؟؟؟
؟؟؟ وبعد ما تخلص اجابه السؤال تذكر بردو لو فى حاجه فى احلامك "اتحققت" فى حياتك ؟

لسه مش بدات حياتى علشان مش اقدر احقق احلامى انا عندى امل في بكره ولازم اعيش الحياه
بالطول والعرض وحقق كلى احلامى وكل لى فنفسي فيها.

لى حققته انى اخيرا وصلت ثانوى ومع ذلك نفسي ارجع حضانه تانى.