هل توجد صداقه بين الولد والبنت؟؟ موضوع يستحق النقاش

السلام عليكم ورحمه الله وبركاته




وانا برد علي موضوع جار القمر خطر في بالي موضوع مهم اوي وهو بمنتي الاختصار الصداقه التي تجمع


((الولد والبنت))


فهناك كثير من الشباب والفتيات ما يطلقوا علي ارتباط يتم بينهم كلمه اصدقاء و الحقيقه انه فهم خاطئ لانه لا يوجد كلمه صداقه بين الولد والبنت من الاساس وفي الحقيقه ان الشاب الذي يقترب من فتاه و يحكي لها كل شئ في حياته و يقول صديقه و شكي لها عن مشاكله و غير ذلك لا تاخذه

الفتاه بالمعني انه يحكي لمجرد انني صديقته بل في شعورها الداخلي انه انسان شاب

يحكي لها لانه واثق فيها و في بعض الاحيان تشعر انه اقترب منها اكثر و اكثر حتي تتحول هذه الصداقه

اليها الي حب وهذا اكيد

في بدايه الامر يؤخذ هذا الارتباط بمعني الصداقه لكنه بسرعه و اكيد يتحول داخل الفتاه الي معني اخر وهو الحب وتتعلق به


الذي اود انه اقوله ان الصداقه اما ان تكون بين شاب و شاب او فتاه وفتاه فقط او غير ذلك

مثل اب وابنه وام وابنتها ...............الخ


و لكن بالمعني الذي يجمع الفتاه بالولد لا يسمي صداقه لان البنت بطبيعتها انسانه حساسه جدا يدق قلبها بسرعه

واكثر مناطق الضعف لديها ( اذنها) فطبيعه الحال و بالتاكيد تصل الي معني الحب بسرعه جدا

فالذي يمكن ان يقال ويجمع بين بنت وولد او شاب وفتاه فهو الحب و الارتباط والزواج و هو النهايه التي نتمناها و ليس منطق اللعب

اخيرا اسفه لو طولت عليكوا في الكلام ولكنني احب ان اعرف رايكم واتمني المشاركه بالراي من الجميع






اختكم ***نور القمر***

والله يانور موضوعك جميل جدا جدا وفعلا يحتاج الى المناقشة

وانا من رايئ ان مفيش صداقة بين ولد وبنت لانها في النهاية واكيد بتقلب حب من الطرفين او من طرف واحد وبالذات عند البنت اكتر

لكن في اخوية بين الولد والبنت يعني هما الاتنين بيتعموا كانهم اخوات دي حاجة موجودة بين معظم الولاد والبنات

بس الحب هو اسمي علاقة بين الولد والبنت بصراحة بس الحب الصادق مش حب اليومين دول

بس ده رايئ


وبجد يانور موضوع جميل تسلم ايدك

انا رأيي ان مفيش صداقة بين ولد وبنت لأن مهما كانت الصداقه دي في حدود إل انه سيبدر الى ذهن احدهما في وقت من الاوقات شئ يتعلق بالمشاعر ويبدأ الموضوع في التطور الطبيعي ( طبعا مش التطور الطبيعي للحاجه الساقعه) بس لو في بتكون زماله فقط لو في شئ مشترك هيلزم انه يكون في بينهم كلام بشرط ان الكلام ده يكون في حدود الشغل المشترك بينهم فقط ولا يتطرق الى جوانب اخرى سواء خاصه او غيرها لأن الموضوع بيبدأ بأسئله عادية هواياتك ايه بتحبي ايه احكي لي عن مشاكلك انا باثق فيكي انا بارتاح في الكلام معاكي وغيرها وبعد كده ما تقوليش صداقه والا هتكون بتضحك على نفسك


ده رأيي المتواضع في الموضوع ده وشكرا على حسن استماعكم

احمد المهندس كتب:

والله يانور موضوعك جميل جدا جدا وفعلا يحتاج الى المناقشة

وانا من رايئ ان مفيش صداقة بين ولد وبنت لانها في النهاية واكيد بتقلب حب من الطرفين او من طرف واحد وبالذات عند البنت اكتر

لكن في اخوية بين الولد والبنت يعني هما الاتنين بيتعموا كانهم اخوات دي حاجة موجودة بين معظم الولاد والبنات

بس الحب هو اسمي علاقة بين الولد والبنت بصراحة بس الحب الصادق مش حب اليومين دول

بس ده رايئ


وبجد يانور موضوع جميل تسلم ايدك

شكرا ليك يا احمد و علي رايك كلامك اكيد صح مفيش حاجه اسمها صداقه بين الولد و البنت شكرا علي المرور

شكرا علي مرورك يا جار القمر كلامك كله صح مش ممكن تكون دي مجرد علاقه صداقه وفعلا يبقوا بيضحكوا علي نفسهم



شكرا علي رايك الجميل وعلي حسن مروركم

بصراحة يا نور أنا مش معاكي أنا شايفة ان في صداقة بين الولد و البنت (( صداقة مش صحبية ))

بس المهم انك تعرفي تختاري أصدقاءك دول ...

و بعدين يا نور البنت اللي تصدق كل كلمة ولد يقولها (( نقطة ضعفها ودنها ؟)) دي بنت هوائية

و الولد اللي يتصاحب علي البنت الاول عشان يشوف هتعجبه ولا لا و بعدين يقرر هيكمل الموضوع حب ولا كفاية كده .. ده ولد مش محترم وهما دول اللي بيسيئوا للموضوع

في صداقة بين البنت و الولد .. المهم نختار الاصدقاء دول صح و كل واحد يبقي عارف حدوده

و شكرا نور القمر علي الموضوع الجميل بالرغم من اختلاف فيه

طيب يا ميلو واحنا ازاي نقدر نحكم علي الشخص اللي قدامنا اذا كان شخص محترم يستحق الصداقه ولالا
واذا كان كتير من الشباب ان مكنش كلهم الله اعلم مش مقتنع ان في حاجه اسمها صداقه بين ولد وبنت بالرغم ان ممكن الشاب اللي رايه كده يكون ليه اصدقاء بنات كتير لكن هو في قراره نفسه مش مقتنع يبقي ازاي بيشوفهم وهل الشاب اللي قابل علي نفسه يكون ليه اصحاب بنات ممكن يبقل كده علي اخته هل الشاب المصري الشرقي يبقل يشوف اخته واقفه مع شاب وتقوله ده صديقي ؟؟؟؟
عالعموم يا ميلو الاختلاف في الراي لا يفسد للود قضيه و شكرا لمرورك يا قمر ورايك مشكوره عليه

بصي يا نور ماهو مش هشوف واحد في النادي ولا في مناسبة معينة يعجبني هقول ده هيبقي صديقي
الصداقة بتيجي لوحدها (( في الشغل .. في الدراسة .. في نطاق العائلة )) مش هنقي

بعدين الصداقة بتيجي بعد مواااااااااااااااقف كتير بتبين لك اللي قدامك ده ايه مش هنقعد نعمل له اختبارات

و بالنسبة للرجل الشرقي و أخته و مش هيرضي (( في ناس كتير غير كده خالص ))
د
و الصديق الصح مش اللي أقعد أكلمه ع الموبايل و أخرج معاه و كده و لو العلاقة صح مش هيبقي أخوكي بس اللي عارف لا ده هيبقي مامتك و باباكي كمان

ده رأيي

شكرا ليكي يا ميلو علي رايك و علي مشاركتك

و زي ما قلتلك الاختلاف في الراي لا يفسد للود قضيه ولا ايه؟؟

آه طبعا ده بالعكس أنا بيعجبني كلامك و موضوعاتك جدااااا

هو فعلا يانور القمر مفيش حاجة اسمها صداقة بين ولد وبنت يمكن يكون فى زماله فى حدود الدراسة او العمل مجرد زماله مش اكتر لكن اى واحد او واحدة تقول صداقة دة غلط وزى ماانتى قولتى مفيش شاب شرقى يرضى على اخته كدة

شكرا ليكي يا مشمش علي رايك الجميل وليكي ياميلو علي رايك فيا وفي موضوعاتي