اضحك من قلبك

اشترى غبي لعبة puzzle لنفسه. استغرق تركيبها معه 9 أشهر.
فرح على حالو لأنّه قرأ على العلبة ' 2-3 سنوات' !!!!!



ميكانيكي أشترى سرير ........ نام تحته



غبي عمل عملية نجحت راح عملها مرة ثانيه


المعلم:مامعنى كلمة سبيل. الطالب:طريق.. المعلم:ممتاز.. والأن ما معنا كلمة (سلسبيل) الطالب: طرطريق.


في محشش عم يسوق السيارة معو أبوه قلو أبوه لف يمين, قلو إنت لف أنا عم سوق


في واحد إتصل عالتلفون قال هون محمد, قالولو النمرة غلط,, قلن طالما غلط ليش عم تردو


حمصي فتح معمل تلج سماه معمل حمص للمياه اليابسة

مرة واحد حمصي راح عند الصيدلي قله: عندك حليب أطفال قام قلو الصيدلي :
إيه شو إسمو قلو الحمصي: عبد الرزاق

حمصي فتح حساب بالبنك عطوه بطاقة صراف راح جلدها

حمصي راح يخطب وحده قدمتله شاي فيه كيس ليبتون، قال: أيوااا بلشنا حجابات

سألوا واحد حمصي: ماذا تكره ؟ فأجابهم أكره الزنوج و التمييز العنصري

الحماصنة عملوا مظاهرة........... لبسو واحد منهم بوش وحرقوه

مرة واحد حمصي انقطعت شحاطته راح خيطها عند الكندرجي، بعد أسبوع شافها كويسة راح فك القطب

شو بيكون مكتوب داخل أحذية الحماصنة؟ الأصابع أولا

عشرة بحارة حماصنة ماتوا، ليش؟ لما الغواصة خربت طلعوا بدهم يدفشوها

ليش فترة الراحة للشغيلة الحماصنة بس عشر دقائق مش أكثر؟ لأنه إذا أعطوهم فترة راحة أطول لازم يرجعوا يفهموهم الشغل من اول وجديد

حمصي لئيم عينوه مدير مدرسة أيتام ,, أول شي عمله : طلب اجتماع لأولياء الأمور
حمصي راح يطلب ايد بنت قالوله أهلها : والله البنت عم تدرس ,, قللهم : ما مشكلة برجع بعد شي نص ساعة .
حمصي راح على الحج ورجع ,, سألوه كيف لقيت الخدمات : قللهم والله مافي منها كله ع الـ 24 ,, قالولو : طيب شو بتحب تقول بالختام؟ ,, قال: انا بنصح كل واحد بدو يحج يروح ع السعودية

و هلق مع كم نكتة عن الندالة:

واحد نذل تجوز ....

راح شهر العسل لوحده
------------------------

فيه نذل طرده أبوه من البيت

عاد كتب على باب بيتهم

' مقر تنظيم القاعدة '

------------------------
واحد نذل عنده تاكسي، طلق زوجته،

راح ليوصلها لبيت ابوها

شغّل العدّاد

------------------------

واحد نذل عيّنوه رئيس الشرطة،

قام غير رقم الطوارئ من 999

إلى 09742806329577935

-----------------------

حرامي ( نذل ) دخل بيت .. ما لقى شيء يسرقه ...

اتصل على أمريكا

و ترك السماعة مرفوعة !!!

-----------------------

في نذل صوّر أبوه وهم يدفنوه .......

وكل يوم يحط الشريط لأمه !!

-----------------------



نذل اتصل على إذاعة الراديو وطلب أغنية

' بابا فين ' .... وأهداها للأيتام

----------------------



نذل بنى مسجد شـاف الناس اللي يجونه كثير

قـلـب الـمـسـجـد مـطـعـم

----------------------



واحد ندل قعد سنة يتحايل على حبيبته علشان تخرج معه ، ولما وافقت

راح قال لابوها

----------------------



نذل عينوه مدرّس بمدرسة معوَّقين،

حط أول حصة ' قفز حواجز '

----------------------



ندل قطعتلو الدولة نصف راتبه تبرع للانتفاضة ..

قام تبرع بالنص الثاني لإسرائيل


و رح اترككون مع الخاتمة وهي العبارات اللي بيكتبوها صحاب السرافيس و التكاسي بحمص:

لا تشوفني عم اتدرج ... دوبلني واتفرج



!!!


ميلي على ميالك ابو عيسى خيالك




عشقت السفر من ظلم البشر




بحبك جكر بالناس




لا تلحقني مخطوبة




لولا المصالح ما حدا صالح




ما طار طير وارتفع إلا كما طار وقع




مكتوب على المرايا مخصص للصبايا




بس للحلوين




لاتسرع يابابا نحن بانتظارك




دلوعة أبو حبيب





يصطفلوا



!!
عين الحسود فيها عود




سارحة والرب راعيها




يا ناظري نظرة حسد شكيتك لواحد أحد




انا السوزوكي بغني و اسألوا الكيا عني




ذكرى دمعه على صلعة




مر و عدي و بلا تحدي




الرصاصة التي لفت الكوع





ياجبل مايهزك ريح




يلي يهوانا يصبر على بلوانا




لا تجحش محسوبك أجحش


وانتظروا الجزء الثاني انشا الله يكون الموضوع عجبكن

جميله بس ياريت تكون باللهجة المصرية عشان نفهم سيبك من اللهجة الحمصية بتاعتك دي