قصـــــــ اسيره الاحزان ____ة

انا بفكر يا جماعه انقل القصه دي للقسم اللي عاملين فيه اقامه ده

قسم المسابقات و الالعاب اهه من نفسها حد يدخل يحدفها برد

لان طبعا محدش بيدخل الاقسان دي خالص

اللي موافقني ياريت يقولي و ميرسي للناس المتابعه

انقللي ياباشا براحتك هو حد بيدخل غيرنا يعني

التالته جميله جدا

تسلم ايدك

كمللي يالاه بسرعه

اوك يا باشا ميرسي علي رايك

و هنقلها ان شاء الله

جامد يا نور استمري

و بالنسبه للنقل انقليها انا كمان موافق

ميرسي يا كابتن نورتني

بجد مش عارف اقول ايه علي الكلام الجميل ده ايه ياباشا الحلاوة دي

عليا النعمة انتى فنانة

بجد بجد تسلم ايدك

هههههههههههههههههه

ماشي يا عم المجامل

شكرا علي رايك

منورني

يعنى معنى كدا ان اى حد ينزل توبيك يحطه فى القسم الترفيهى عشان يضمن ان حد يقراه او حتى يشوفه

الحلقه الرابعه

في يوم ريم و ندي رايحين الدرس و كان عمرو و اسلام و سامح و الشله كلها قاعده بره و ريم و ندي داخلين من باب الشارع اللي فيه الدرس

سامح بصوت عالي عشان يسمع ريم:ايه يا عمور هي حبيبه القلب مالها تقلانه عليك كده ليه ده انت حتي واقع فيها لشوشتك و الموضوع ريحته فاحت اوي

عمرو بنرفزه : اتلم يلا بدل ما اربيك

سامح: ايه مش سامع هتعمل ايه؟

عمرو: هعمل كده

و قامت خناقه جامده اوي بين سامح و عمرو و محدش قدر يحوش عمرو عن سامح

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ندي و ريم دخلوا الدرس و طبعا سمعوا كلام سامح و شافوا الخناق

ندي: سمعتي اللي سمعته؟

ريم: ايوه سمعت

ندي: و عاجبك اللي بيحصل ده؟

ريم: يعني هعمل ايه يا ندي ده انسان سافل اساسا

ندي: لا يا هانم الموضوع فعلا هو اللي كبر اوي و زاد عن حده

ريم: يعني ايه؟

ندي: يعني مفيش قدامك حل غير انك تقطعي علاقتك بالواد عمرو ده احنا طول عمرنا في حالنا ميجيش واحد زي ده يضيعنا

ريم: انتي ازاي بتقولي كده اقطع علاقتي بعمرو ازاي مش هو ده عمرو اللي كان عاجبك مش انتي اللي شجعتيني ارتبط بيه و حببتيني فيه بكلامك

ندي: بصي ده اخر كلام عندي يا ريم ياانا يا هو

ريم: انتي بتخيريني بينك و بين عمرو طب ازاي؟

ندي: ده اللي عندي انا لازم اخاف علي سمعتي و مسمحش لحد انه يضيعها

ريم: سمعتك!!!

ندي: ايوه سمعتي انتي مش صحيتي و اللي يمسك يمسني

ريم: لا يا ندي هانم و انا مقبلش ان سمعتك تتمس باذي عن اذنك

و سابت ريم ندي و مشيت و راحت لاول مره قعدت لوحدها و طول الحصه مقدرتش تخبي دموعها و مش قادره تصدق ان صحبتها تتخلي عنها في اكتر وقت هي محتجالها فيه

ـــــــــــــــــــــــــــــــــــــــــــــــــــــــــــــــــــــــــــ

عمرو قاعد مش علي بعضه من منظر ريم هيتجنن و مش عارف يعمل ايه

عمرو: انا هتجنن يااسلام ريم بتعيط اكيد سمعت كلام الواد الزفت اللي اسمه سامح

اسلام: ماانت كمان عكتها بالخناقه اللي اتخانقتها معاه دي يا عمرو مكنش لازم تعمل كده الموضوع كده كبر اوي

عمرو: يعني كنت اسكتله و هو عمال يبرطم بالكلام ده

اسلام: و الله ما عارف اللي وصلك للمرحله دي انت مبتعرفش تخبي عنيك دايما فضحاك و للاسف هي كمان كده

عمرو: احنا مبنعملش حاجه غلط انا بحبها بجد و هي كمان يبقي فين الغلط

اسلام: خلاص يا عمرو ربنا يستر

ـــــــــــــــــــــــــــــــــــــــــــــــــــــــــــ

الحصه خلصت و ريم طبعا خرجت لوحدها و مشيت و ندي جريت وراها

ندي: ريم استني

ريم: عايزه ايه يا ندي؟

ندي: معلش متزعليش مني انا اسفه

ريم: لا اسفه علي ايه انتي فعلا عندك حق انا اللي اسفه اللي خليت سمعتك تتمس

ندي: خلاص بقي يا ريم متزعليش مني

ريم: خلاص يا ندي مش زعلانه

و مشيوا مع بعض لكن ريم مقدرتش تنسي الموقف ده ابدا من ندي و بينها و بين نفسها مبقتش بتعتبرها محل ثقه و بقت كمان مستنيه اللحظه اللي ندي هتبعد عنها فيها و تتخلي عنها و المقف ده كان فعلا سبب في تدهور علاقه ريم و ندي

ــــــــــــــــــــــــــــــــــــــــــــــــــــــــــــــــــــ

اسلام: اهي هديت اهيه يا عم متزعلش نفسك بقي شكلها كانت زعلانه مع ندي

عمرو: اها شكلها فعلا كده بس انا و المصحف كنت ناوي لو السبب من الواد ده لكنت قاتله

اسلام: خلاص بقي قتل ايه و كلام فاضي ايه بص يا عمرو انا عندي الحل للمشاكل دي كلها

عمرو: ايه؟

اسلام: ريم لازم تسيب المجموعه دي و تروح مجموعه في يوم تاني خالص و تبعد من وش العيال دي

عمرو: ايه تسيب المجموعه طب و انا اشوفها ازاي ده اليوم الوحيد اللي بقدر اشوفها قدامي ساعه كامله

اسلام: لو بتحبها بجد و بتخاف عليها لازم تخليها تعمل كده الواد سامح بعد العلقه اللي خدها منك دي مش هيسكت و هيقعد يلقح عليها بالكلام في الرايحه و الجايه

عمرو: عندك حق يا اسلام لازم مكنش اناني انا هطلب منها كده و الاستاذ فعلا عمل مجموعه تانيه للبنات و طلب منها تروح فيها هي و ندي بس هي مرضيتش عشاني

اسلام: طب تمام اوي

ـــــــــــــــــــــــــــــــــــــــــــــــــــــــــــــــــــــــــــــــــــــــ

فعلا طلب عمرو من ريم انها تروح مجموعه بنات و بدا يرتب نفسه انه يشوفها في اوقات دروس تانيه ليها صحيح اقل من الاول بس الحمد لله انه بيشوفها و بيطمن عليها بالتليفون علي طول و موضوع سامح هدي خالص

عدت ايام و شهور و سنين و علاقه عمرو بريم بتكبر و حبهم بيزيد بيتخانقوا و يتصالحوا و في يوم كانوا في تالته ثانوي حصلت حاجه غريبه اوي مع عمرو مترددش انه يحكيها لريم

عمرو: ريم عايوز احكيلك علي حاجه حصلت معايا

ريم: احكي يا عمرو ها ايه اللي حصل؟

عمرو: تعرفي بنت اسمها ايمان الغزاوي؟

ريم: ااه اعرفها مالها؟

عمرو: اصل بقالها كام يوم بتعمل حركات غريبه اوي مش فاهمها

ريم: زي ايه؟

عمرو: يعني مثلا من يومين في درس الفيزياء لقتها بتنادي عليا و انا قاعد في وسط صحابي و قالتلي يا عمرو انا مش فاهمه المساله دي ممكن تفهمهالي

ريم: و طبعا اتكسفت تقولها لا

عمرو: يعني اقولها لا ازاي؟

ريم: لا ميصحش طبعا تقولها لا ازاي كمل يا عمرو و ايه تاني؟

عمرو: و امبارح بقي اتصلت بيا

ريم: و الله!!!!

عمرو: هي اتصلت عالموبايل و قالتلي انا ايمان يا عمرو و قعدت تتكلم شويه و بس

ريم: و انت رديت عليها و جارتها في الكلام؟

عمرو: يعني اقفل في وشها يعني يا ريم؟

ريم: لا يااابو قلب حنين تقفل في وشها ازاي و كانت عايزه ايه الست هانم؟

عمرو: هي قالتلي انها محتاجه اخ و صديق تتكلم معاه و ان ظروفها في البيت وحشه و في خلافات دايما بينها و بين اهلها و كده

ريم: عمرو البنت دي متكلمهاش تاني دي معروفه اوي و مشهوره بالحاجات دي و ممكن تسال صحابك هتلاقي منهم اللي يعرف هي عرفت كام ولد

عمرو: لا يا ريم مش للدرجادي دي شكلها بنت محترمه

ريم: هو ده اللي عندي يا عمرو ياانا يا هي

عمرو: ايه يا ريم الكلام ده طبعا انتي انا مقدرش استغني عنك و انتي عارفه كده كويس

ريم: خلاص اوعدني دلوقتي انك مش هتكلمها تاني

عمرو: ما هي المشكله ان هي اللي بتتصل

ريم: متردش عليها

عمرو: حاضر يا ريم مش هرد عليها

ريم: ده وعد يا عمرو

عمرو: وعد يا روح عمرو

ـــــــــــــــــــــــــــــــــــــــــــــــــــــــــــــــــــــــــــــــ

ريم قفلت مع عمرو و هي خايفه اوي من القصه دي ايمان دي بنت مش سهله و ياما مشيت مع ولاد و سمعتها علي كل لسان ازاي قدرت تخلي عمرو يصدقها و راحت ريم لشهنده اللي بقت اكتر من اختها و مبقوش يفترقوا ابدا و في نفس الوقت ريم محبتش تقطع علاقتها بندي لكن علاقتها بشهنده كانت بتزيد يوم عن يوم و خصوصا ان شهنده بتحب ريم اوي و بتخاف عليها اكتر من اي حد

ريم: انا حاسه ان علاقتي بعمرو قربت تنتهي

شهنده: ليه يا ريم بتقولي كده ايه اللي حصل؟

ريم حكت لشهنده علي كل اللي قالوا عمرو

شهنده: ايه ايمان الغزاوي يالهوي دي مصيبه البنت دي مشهوره اوي

ريم: ما هو ده اللي مخوفني و خصوصا ان عمرو مصدقها

شهنده: لا ان شاء الله مش هيحصل حاجه عمرو بيحبك و مدام وعدك يقطع علاقته بيها يبقي هيقطعها

ريم: يارب يا شهنده يارب

و نكمل الحلقه الجايه

لا يا سنو وايت انا لما نقلت القصه هنا مكنش قصدي كده القصه كمان فيها نوع من الترفيه عادي يعني

و بعدين انا عرضت عليكوا قبل ما انقلها و في ناس وافقت

و عالعموم احنا بس كده اللي بندخل المنتدي

و لازم طبعا كنت اسالكوا الاول بس فعلا انا غلطت اني مستنتش رايك

عالعموم يا قمر لو عندك اعتراض ممكن تقولي و انا هنقلها تاني مفيش مشكله

انا معنديش اعتراض

انا اللى اقصده بكلامى ان محدش مننا بيدخل الاقسام التانيه

كله مركز عالترفيهى وبس

وفعلا قليل لما بيكون فى ردود عالمواضيع فى الاقسام التانيه

وعلى فكره بقى القصه جميله جدا وانا شكلى كدا خلاص ادمنتها

كل يوم افتح الموضوع واقول يمكن نزلت حلقه جديده

متزعليش من كلامى انا مقصدش انى اضايقك بيه والله

وانا اسفه لو كان كلامى زعلك

تسلم ياباشا

روعــــــــــــــــــــــــــــــــــه

كمملللي

سنو وايت كتب:: انا معنديش اعتراض

انا اللى اقصده بكلامى ان محدش مننا بيدخل الاقسام التانيه

كله مركز عالترفيهى وبس

وفعلا قليل لما بيكون فى ردود عالمواضيع فى الاقسام التانيه

وعلى فكره بقى القصه جميله جدا وانا شكلى كدا خلاص ادمنتها

كل يوم افتح الموضوع واقول يمكن نزلت حلقه جديده

متزعليش من كلامى انا مقصدش انى اضايقك بيه والله

وانا اسفه لو كان كلامى زعلك

فعلا يا سنو و ايت محدش بيدخل الاقسام التانيه خالص

و اللي بيدخل المنتدي دلوقتي اول حاجه عالالعاب و يمكن يعدي عالملتقي العام

و يمكن ميعديش و انا مش زعلانه يا قمر و لا حاجه

ده رايك و لازم احترمه و

انا مبسوطه اوي برايك و يارب تفضلي تحبيها لان هيحصل انقلاب غريب في احداثها

بس هكون قصداه عشان اثبت حاجه منتشره اوي في زمنا ده

و ميرسي يا قمر ليكي علي متابعتك اللي زي العسل

و كمان اعذريني لو بتاخر في الحلقات لان النت متعب جدا

اسراء العطار كتب:: تسلم ياباشا

روعــــــــــــــــــــــــــــــــــه

كمملللي

حبيبه قلبي ميرسي يا حبيبتي علي رايك

جامده اوي يا نور تسلم ايدك

عايزين الجديده بسررررررررررررررعه

تسلم ايدكى جميله اوووى القصه يانور

ايـــوه كده

ميرسي يا خالد و ميرسي يا نرمو منوره المنتدي من جديد يا قمري

اسلوبك بجد يانور جامد جدا

سمحيني ياقمر انا متبعاكى من اوبس معرفتش ارد عليك

كالعاده النت بيستهبل

بس بجد مشتاقه جدا اعرف ايه لى هيحصل بعد كده