الرأى والرأى الاخر .......(مصر & غزة )

بعد مرور الايام وفى اليوم الثالث عشر للهجوم الاسرائيلى على غزة والمجزرة التى حدثت لها ومازالت تحدث

وبعد هجوم الاعلام والعرب على مصر واتهامها وحكامها بالتواطئ والانحياز وانها هى السبب فى مايحدث

لغزة وبعد ماصرح كل عربى وغير مصرى وحاكم ورئيس حزب واعلنوا ان مصر عدوا لهم

ورغم كل ماقدمته مصر للقضية الفلسطينية سابقا ولغزة حاليا من مساعدات ومعونات ووقفت اليها جنبا

بجنب طوال الاعوام السابقة فى كل حروبها وساعدتها ولم تقف متفرجه عليها مثل مافعل كل عربى

وحكام الدول الاخرى والان يقولون مصر متواطئة يقولون مصر لماذا لم تفعل شئ لماذا لا تحارب مع فلسطين لانقاذ غزة

كل عربى وهناك ايضا مصريين يؤيدون فتح المعبر ويريدون تدخل مصر ومحاربتها مع اهالى غزة حتى

حكام الدول العربية الاخرى يقولون مصر تشارك فى الحرب ويشتمون فى اهلنا والرئيس الذى يحافظ على امن بلدة وشعبة

السؤال هنا لماذا الكل يريد توريط مصر ؟ ليه لازم مصر هى بس اللى تشارك والكل يقعد يتفرج ؟

وعايزة اعرف رأى كل واحد فيكوا اذا كان يؤيد فتح مصر لمعبر رفح ام لا

على الرغم من فتح معبر رفح سيؤدى بنا الى خسارة قطعه من بلدنا وخسارة مثل خسارة سابقة

حدثت للتجار فى رفح وسيناء بعد دخول الفلسطنين الى رفح والشراء بالالاف من النقود المزورة

حماس تريد ان تفتح مصر معبر رفح ليقيم اهالى غزة فى سيناء وتاخدها وتكون ارضا لهم وبالتالى نخسر سيناء مرة ثانية بعد ان استرددناها من العدو

تعالوا معايا هنا كل واحد يقول اللى جواه ويعبر عن رأيه بكل جرأة وصراحة شاركونى فى رأيى

حد يقولى اذا كان رأيى صح ولا غلط

خلينا نناقش بعض واختلاف الراى لايفسد للود قضية

شكرا ليكي يا مشمش علي السؤال الجريء و الجميل

و هقولك رأيي في نقطتين

الاولي : الاهانات الصادرة من الدول و الشعوب العربية لمصر و حكامها

وهي اهانات صريحة و أعتقد ان من الواجب الرد عليها

و أخرها في برنامج علي LBC الاوربية و التي كانت تستضيف عضو من حزب الله اللبناني

و بمجرد مداخلة السفير المصري السابق في اسرائيل (( محمد بسيوني )) قام العضو المحترم بتاع حزب الله انسحب

سايبين القضية الفلسطينية و اللي بيحصل في غزة و ماسكين في افتحوا المعبر

و مصر بتعمل و مش بتعمل طيب هما اصلا عملوا ايه غير هتافات و شعارات

علي الاقل مصر حاولت و بتحاول مع حركة حماس من جهة و اسرائيل من جهة عشان توصل لحل للمشكلة

قولوا لي بقي اية اللي عملته لبنان و حزب الله اللي اعلن مصر عدو ليهم

ثانيا : بالنسبة لمعبر رفح اللي بينادوا بفتحه وزي ما قال السفير المصري هو أصلا مش مقفول

لانه بيعدي مساعدات من مصر و من الدول الاخري اللي بتوصل لميناء العريش و ده غير الاطباء المصريين اللي كتبوا علي نفسهم اقرار عشان يعبروا لغزة

يعني المعبر اصلا مش مقفول في وش المساعدات و الجرحي

و اعتقد ان الكلام دلوقتي اللي بيزنوا فيه هو فتحه علي البحري يبقي سايب يعني

و ده اللي لازم ما يحصلش

** اخر حاجة بقي عايزة أقولها يا شوشو هو

ايه رأيك في تعامل الفضائيات المصرية و رأيهم في مصر ؟؟

مثلا قناة الجزيرة عرضت كل المظاهرات في كل البلاد العربية ماعدا مصر ؟؟ ليه

و شكرا يا مشمش علي الموضوع

تسلميلى ياميلو على المرور

وعلى رأيك اللى بحترمه جداااا

فعلا ياميلو الفضائيات بتتجاهل شعب مصر ومظاهراته ضد الهجوم الاسرائيلى ووقفته مع غزة

وبتعرض كل اللى بيحصل فى الدول العربية الاخرى رغم ان دول كتير هناك بالمظاهرات بتاعتها اعتدوا

على الصحفيين وقتلوهم زى الاردن مثلا وغيرها من الدول العربية الاخرى

ومفيش حد ابدا بيعترف باللى مصر بتعمله والجهود اللى بتبذلها علشان تسوى الموقف الحالى

وتوقف اطلاق النار ودائما يعرضون الاتهامات الموجهه الى مصر وحكامها من المعارضين لمصر

ويعرضون الاهانات البذيئة من قادة الاحزاب التى ليس لها اى صله بالسياسة

وخصوصا حسن نصر الله اللى اول مااطلقت الصواريخ من لبنان اول واحد طلع وقال مش انا اللى اطلقتها اول واحد خاف وقال مش انا اللى عملتها

مفتى جبل لبنان صرح وقال الاتهامات التى يوجهها حسن نصر الله الى مصر هى من ايران وحرب ايرانية خسيئة لتشويه اسم مصر وحكامها وشعبها وقال لنا ان نتسائل ماذا فعلت مصر ؟ وماذا فعلت ايران للقضية الفلسطينية؟

مصر بحروبها الاربعه لانقاذ الشعب الفلسطينى وكل المحاولات اللى بتعملها لانقاذ فلسطين واهلها

وايران مافعلته هو الاتهامات والشعارات التى لاتستطيع فعل شئ غيرها وهى وراء كل اعتداء

انا ممكن اكون خرجت عن مغذى السؤال بس معلش الكلام بيجر بعضه

طبيعة العرب والدول العربية انكار الجميل وانكار كل ماتفعله مصر ومش بعيد انساب فعل مصر ليها

وكل محاولات مصر قد تنسبها دول عربية ليها

وينسون مصر ومحاولاتها التى تحاول بها وتفعل كل ما تستطيعه من اجل انقاذ فلسطين وليست فلسطين فقط بل كل دوله عربية تحتاج الى مساعدة

للاسف ياميلو هى دى عادة العرب انكار الجميل وانكار المساعدات

انا بطالب من كل عضو من اعضاء جار القمر مشاركتنا فى حوارنا وابداء رأية