meshmesh مشرف المنتدى الديني
عدد الرسائل : 402 العمر : 36 تاريخ التسجيل : 26/06/2008
| موضوع: حتى ابليس هاجر من مصر.......... الأربعاء ديسمبر 17, 2008 12:32 am | |
| على باب سفارة كندا.. لمحت ابليس و ف ايده استماره..
بقول له على فين.. قاللي بص .. يا هجره يا إعاره..
يا عم زهقت.. كفرت .. ألاقيش معاك سيجاره..
انا انتهيت خلاص .. لا نافع وسواس ولا خناس
ولا ليا عيش وسط الناس..
دي عالم مجرمين.. عندكوا فائض ف الفساد..
في كل البلاد..
ومش محتاجين شياطين .. مليش عيش ف دي البلاد..
....
بقالي سنين عاطل .
و انتوا بتعرفوا تقلبوا الحق باطل..
و تسلكوا القاتل .. و تمشوا ف جنازة المقتول..
ومفيش مشاكل..
يا عم ده انا بقيت أوسوس بالمقلوب..
و أقول للحرامي .. كفايه بقى .. توووووب..
انت ايه . لوحدك هاتعمل كل الذنوب..
و أنا ابليس أشتغل واعظ .. ولا كمساري ف اتوبيس..
يا عم ده انا زمان
كنت استنى حد ينسى يسمي وهو بياكل لقمته..
دلوقتي كل اكلكم ملوث .. و بصراحه الواحد خايف على صحته..
ده مفيش ضمير اساساً عشان اموته..
و كل واحد بمزاجه .. خربانه ذمته..
يا عم ده كل حاجه اتسرقت..
وكده الاجيال الجديده م الحراميه اتظلمت..
يا راجل ده من كتر ما لطشت معايا..
خرجت ف مظاهره مع الناس اللي بتقول كفايه..
و برضه ......... مفيش فايده.
اتمنى يعجبكوا | |
|
melo المشرف العام
عدد الرسائل : 2255 العمر : 39 تاريخ التسجيل : 25/06/2008
| موضوع: رد: حتى ابليس هاجر من مصر.......... الخميس ديسمبر 18, 2008 11:10 pm | |
| هههههههههههه
جميلة موووووووووووووووووووووووت يا مشمش
بصراحة عنده حق يادوب احنا بقي كمان نخلع | |
|
meshmesh مشرف المنتدى الديني
عدد الرسائل : 402 العمر : 36 تاريخ التسجيل : 26/06/2008
| موضوع: رد: حتى ابليس هاجر من مصر.......... السبت ديسمبر 20, 2008 10:47 pm | |
| ونسيبهالهم ياميلو يخربوها اكتر
لا انا قاعدلهم لما اشوف اخرتهم اية العالم دى
ماهما مش هيجيبوها البر اخرتهم سودة بأذن الله
تسلمى ياقمر على المرور | |
|