-هات بخاخة مطهر ديتول ، و امشي ورا شخص معين و كل ما الشخص دا يمسك حاجة و يسيبها ، رشها بالمطهر على طول.
-كل ما حد يقولك حاجة عيدها عليه بصيغة سؤال،زي مثلا: حد بيقولك امبارح أنا رحت النادي، تقوله النادي؟ يقولك :اه ... امبارح تقوله: امبارح؟؟؟؟
-و انت بتتكلم مع شخص متبصش ف وشه أبداً.
-و انت بتتكلم مع شخص معين بص ف وشه أوي.
-كل ما حد يقولك معلومة قوله: ها..ها كل الناس فاكرة زيك كده.
-و انت ف الباص أو المترو امضغ لبانة بصوت عالي جنب حد بيقرا ، دا وانت بتقرا معاه طبعا.
-في السينما حاول تاكل الفيشار بأعلى صوت ممكن ، و حاول تعمل صوت علاي و انت بتفتح كان البيبسي ،و اطلع بكيس الشيبسي الكبير.
-قول نكتة طويلة أوي و لما تيجي عند السطر الأخير-و هو الجزء المضحك ف النكتة-اعمل انك نسيته و مش فاكره .
-و انت ف مطعم و حد قاعد جنبك امسك لقمة ف ايدك و قوله : ممكن الطحينه بتاعتك ثواني؟؟؟؟؟
-لما ييجي واحد يسألك الساعة كام قوله : و انت مالك؟
-و انت واقف بتتكلم مع حد ، برق عينيك فجأة و اسأله:سمعت؟ هيسألك "سمعت إيه؟" قول له: ولا حاجة راحت خلاص.
موضوع: اتعلم الغلاسة 
الأحد أكتوبر 26, 2008 10:14 am
