اللي معاه موبايل يدخل بسرعه

السلام عليكم ورحمه الله وبركاته


النهارده جيبالكوا لعبه حلوه اوي


اللعبه كلها بتعتمد علي الموبايل بصراحه هو موضوع ملطوش بس عاجبني فكرته وقلت لازم اجيبهولكوا


فكره اللعبه اننا هنختار عضو يجاوبلنا علي شويه اسئله تخص موبايله بس الاجابات لازم تكون بصراحه




الموضوع بيعتمد علي الفضول و حب الاستطلاع مع شويه رخامه


المهم هنبدا بالاسئله علي طول ونقول بسم الله





1-موبايلك نوعه ايه؟؟


2-ما اخر صوره تم التقاطها؟؟


3-كم رقم مخزن عندك؟؟


4-مااخر رساله تلقيتها؟؟


5-الرساله رقم 5 و 11 و 17 مكتوب فيهم ايه؟؟


6-من ضمن الاسماء في موبايلك هل يوجد اسم غريب او مضحك لاحد اصحابك؟ايه هو؟؟


7-قيمه اعلي كارت شحنت بيه كانت كام؟؟


8-في الشهر بتصرف كام علي موبايلك؟؟


9-اسمك ايه بالبلوتوثــــ حاليا ؟؟ ويارتي بتغيره علي طول ولا ثابت ولو بتغيره ايه الاسماء اللي ممكن تسميه بيها؟؟


10-اخر مكالمه كانت من مين؟؟


11-اخر بلوتوث استقبلته كان ايه؟؟


12-كم عدد الرسائل في صندوق الوارد؟؟وكم عددها بالصادر؟؟


13-رساله لن تقوم بمسحها ابدا ولماذا؟؟


14-ما هو الاسم رقم 17 المخزن عندك؟؟


15- مااخر رساله قمت بارسالها.؟؟


16-رنتك ايه؟؟


17 ايه الكول تون بتاعتك؟؟


18-مين اكتر حد بتتصل بيه.؟.؟


19- مين اكتر حد بيتصل بيك؟؟


20-مين اكتر حد بتبعتله رسايل؟؟


21-مين اكتر حد بيبعتلك رسايل؟؟


22-مسمي باباك و مامتك ايه علي الموبايل و حاطتتلهم نغمه ايه؟؟





بس كده خلاص


انا المره دي ختار العضو اللي هيجاوب علي الاسئله


لكن بعد كده كل عضو هيجاوب هيختار العضو اللي بعده ولو محضرش يبعتله رساله خاصه



ملحوظه


ممنوع منعا باتا اختيار العضو المسمي نور القمر



انا بقي هختار



حبيب الشباب




البنات لالالالا





العضو الاهلاوي جداااااااا




احـــــــــــمـــــــــــــــد الـــــــــــــمـــــــــــهــــــــــــــــيــــــــــس


قصدي المهندس

___________________________________

نور ليه الاحراج لو في حد مش معاه موبايل بكاميرا عالعموم نحن في انتظار اجابه احمد

ههههههههههههههههههههههههههههه
ماشي يانور

بس علي فكرة انا مش معايا موبيل بكاميراة

استني هكتب الاجابة واعرضها

معلش يااسراء هي جت كده


و عموما اللي مش معاه موبايل بكاميرا ممكن يفوت السؤال


بس مش كله طبعا يفوته فاهم يااحمد انا عارفه انك معاك موبايل بكاميرا



و مستنين اجاباتك و كمان مستنين تختار العضو اللي هيجاوب بعدك

ايون يا احمد بسرعه

احمد شكله كده يااسراء مش عاجبه الموضوع



ومش عايز يجاوب عالعموم هو مش مجبر لو مش عايز



ممكن يعتذر انه مش هيجاوب

ههههههههههههههههههههههههههههههه

والله يانور ما معايا موبيل بكاميرا

بس هجاوبك بصراحة والله


بصي نبدا يلا


1-موبايلك نوعه ايه؟؟


والله هو دلوقتي عدة اي كلام سامسونج c140 اصل انا كان معايا موبيل بكامير وفيه كل حاجة بس للاسف اتسرق وضاع من كام شهر كدة


2-ما اخر صوره تم التقاطها؟؟

انتى عارفة موبيل اي كلام مش بيصور


3-كم رقم مخزن عندك؟؟

هو انا كان عندي ارقام كتير قبل كدة بس دلوقتي انا جبت خط جديد دلوقتي الى متسجل عندي

اممممممممممممممممم
حاولى 50 رقم بس


4-مااخر رساله تلقيتها؟؟

رسالة من رقم غريب بيقولى بليز كول مي



5-الرساله رقم 5 و 11 و 17 مكتوب فيهم ايه؟؟

هههههههههه
الرسالة رقم خمسة
من واحدة زميلتي في الكلية

بتقول ههههههه ( نفسي في نص قلبك وفي نص حبك وفي نص جمالك وفي نص جنيه حق الرسالة الى بعتاهلك)

الرسالة رقم 11

برضوا رسالة بتقول (لان امرك يهمني والبعدك عنك هزني وحبي ليك شدني ..قررت اقولك انك كتير وحشتني)

الرسالة رقم

17

ههههههههههه

دي رسالة من واحد صحبي (بيقول وكبرت يابهلول وشيلت المحمول بعد ما كنت بتقوم من علي السرير وتسيبه مبلول)

محدش ياخد في باله


6-من ضمن الاسماء في موبايلك هل يوجد اسم غريب او مضحك لاحد اصحابك؟ايه هو؟؟
واحد صحبي اسمه جونسون
هههههههه




7-قيمه اعلي كارت شحنت بيه كانت كام؟؟

ههههههههههه
اخري بعشرة طبعا


8-في الشهر بتصرف كام علي موبايلك؟؟

مش عارف الى بيتصرف بقي حسب الظروف

9-اسمك ايه بالبلوتوثــــ حاليا ؟؟ ويارتي بتغيره علي طول ولا ثابت ولو بتغيره ايه الاسماء اللي ممكن تسميه بيها؟؟

معنديش بلوتوث بس كان اسمه المهندس طبعا

10-اخر مكالمه كانت من مين؟؟

كانت مع الواد بتاع النت كنت بشتمه عشان النت الزبالة ده



12-كم عدد الرسائل في صندوق الوارد؟؟وكم عددها بالصادر؟؟



الوارد 19

الصادر الموبيل بتاعي مش بيجبها



13-رساله لن تقوم بمسحها ابدا ولماذا؟؟


مفيش كلها رسائل اي كلام امسحها من الصبح كلها


14-ما هو الاسم رقم 17 المخزن عندك؟؟

حنان



15- مااخر رساله قمت بارسالها.؟؟


هههههههههههللواد بتاع النت برضوا كنت بشتمه فيها



16-رنتك ايه؟؟

هههههههههههه
تنتنيتنيتتنتنتيببيسالتسخهعسيهرخعسيلا

هي دي رنتي اصلها مجسمة




18-مين اكتر حد بتتصل بيه.؟.؟


صحبي احمد بدوي



19- مين اكتر حد بيتصل بيك؟؟

صحبي احمد يوسف

20-مين اكتر حد بتبعتله رسايل؟؟

واحدة زميلتي


21-مين اكتر حد بيبعتلك رسايل؟؟

هي برضوا اصل احنا بنبعت لبعض كتير



22-مسمي باباك و مامتك ايه علي الموبايل و حاطتتلهم نغمه ايه؟؟


مفيش بابا وامي مش معاها موبيل اساسا



ياااااااااااااااااااااااااااااااااااااااااه يانور

حرام عليكي والله تعبتني

يلا بقي اختار مين بعدي


مفيش غيرها


اسرااااااااااااااااااااااااااااااااااااااااااااااااء العطااااااااااااااااااار

يلا ياسراااااااااااااااااااااااااء

جاوبي

ميرسي ليك كتير و جدا واوي وخالص يااحمد


مستنين يا حجه اسراء تنورينا باجاباتك مع اني حافظه موبايلك



بس مفيش مانع تعرفي كل الناس اللي في المنتدي بيه

مااااااااااشي يا احمد حطيتني في موقف محرج


نور انتي عارفه طبعا موبايلي


بس هجاوب


1_الله اعلم مابفهمش في انواع الموبايلات

2_مفهوش كاميرا اساسا


3_ارقام كتييير مش بعرف اعد
هههههههههههههه

4_اخر ساله رقم بيقول بس معرفوش مين (شهر شعبان فلاح وشهر رمضان عطره فاح كل سنه واحنا طيبين وعالحب متواعدين اتمني اكون اول واحد هناكي برمضان)غبي تلاقيه بعتها او بعتاها غلط

5_
الرساله رقم 5بتقول ثواني(من واحده زميلتي بوسي بتقول(من وراك اسال عليك قلبي دايما يحس بيك والله انا مانسيتك بس بدلع عليك)

الرساله رقم 7(من شيماء زميتلي بتقولايه الفرق بينك وبين دكتوره المجانين هيا بخبرتها تعقل وانتي بجمالك تهبلي)

الرساله رقم 11_من ميسون بتقول(اللهم كما رزقتني خير اصحاب وانا لم اسالك ارزقني صحبتهم في الجنه وانا اسالك)

6_كلها اسماء عاديه بس مدلعاهم مروه ميرو وفاطمه فيفي وهدير ديرا كده يعني


7_بلاش احراج


8_ولا حاجه عشان هو عادي واحتمال اشحن واحتمال لا


9_مافيش بلوتوث اصلا ولو فيه هيكون القلب الحزين


10_بلاش

11_مفيش بلوتوث

12_الوارد عندي 60بس الصادر1934



13_الرساله اللي عمري ماهمسحها كل رسايل نور القمر


14_رقم 17ايمان


15_ليكي عشان تيجي ليا عالبيت ههههههههههههههه


16_lisztعلي موبايللي


17_مفيش محطتش كول تون


18_البت نور القمر ده لو فيه رصيد وهيا مش لاقيها ولا عادي ولا ايميل

19_مالكيش دعوه

20_انتي يا نور


21_انتي بردو

22_dadههههههههههههههه


يخربيتك دي كلها اسئله ماشي لما اشوفك

انا بقه هختار عضو زمالكاوي طحن












محمد مراد

بالاه يا محمد

موبايلى نوكيا n73 ميوزك وكمان فنلندى وشاريه بالضمان تاخدوا رقم السريال بتاعه؟؟


اخر صورة هى صورة لبنت ابن خالى بنت امورة قوى اسمها حنين بنت محمد فؤاد يا نور القمر


عندى حوالى 177 رقم مخزن عندى


اخر رسالة من خالتى بتمسى عليا نصها((مساء معطر بزكر الله مبعوث لاخسن خللق الله ينور قلبك ويزيدك من نعيم الله))


الصراحة انا لسه مفرمت الجهاز والرساليل كلها انمسحت مش عندى غير رسالة خالتى ورسالة تكوين وفتح حساب اشتراك نت من شركة موبينيل اسمها رسالة تكوين فى موبينيل لايف


اه عندى اسم واحد صاحبى اسمه لولو


اعلى كارت كان واحد بخمسين ومعاه واحد ب25 يعنى 75 جنيه


لا على حسب استخدامى ممكن بالاسبوع انا بشحن تقريبا كل اسبوع بس كارت ب10 او ممكن كارت ب 10 ومعاه 5 وممكن يكفى كمان اسبوع على حسب يعنى


اسمى حاليا black scropion ومش بغيره ولو غيرته هسميه md3 او الامير مندو


اخر مكالمة كانت من واحد صاحبى علشان نخرج نتمشى


اخر بلوتوث كان من خالى كنت باخد منه نغمة اسمها عصفور كنارى


الوارد اتنين لانى لسه زى ما قلت مفرمت الجهاز والصادر 4


الرسالة التى لن اقوم بمسحها ابدا هى لما تكون نصها حلو ومن حد عزيز عليا وهسيبها زكرى يعنى تنفع فى اى مناسبة تانية


الاسم رقم 17 هو اسم واحد قريبى المستشار هشام ابن خالى


اخر رساة قمت بارسالها لابن عمى هو العقيد حسام لان مراته الحمد له ولدت فكن بهنيه


رنتى حاليا العصفور الكنارى اللى اخدته من خالى زى ماقلت وعموما بفضل الموسيقى فى الرنات مش الاغانى


الكول تانى بتاعى حاليا هو اغنية اسمه سبحان الله لتامر حسنى بمناسبة رمضان ((((((((كل عام وانتم بخير))))))))


اكتر حد بيكلمنى هو البيت عندى وخالى نبيل ومحمود صاحبى علشان بنخرج كل يوم نتمشى او نروح الكافتيريا


كله واحد لانى بحب التعامل بالاتصال مش الرسايل غير فى المناسبات لانها بتفضل على الموبايل زكرى


اهلى مسميهم البيت










الحمد لله خلصت وايدي ورمت من الكتابة


انا بقى اختار



نـــــــــــــــــــــــــــــــــــــــــــــــــور القــــمــــــــــــــــــــــــــــــــــــر


ولازم تردى زى ما احنا ردينا خلى عندك شجاعة ولو مش معاكى موبايل اكتر مواصفات تليفونا لبيت بس انا حاسس انك معاكى موبايل
سلالالالالالالالالالالام

شكرا يا محمد علي استجابتك ليا


وعلي فكره شهد دي اموره اوي وايه ياعم العقيد والمستشار مولودين في محكمه

مين نور القمر دي ايه يا محمد في ملحوظه فوق بتقول ممنوع منعا باتا اختيار العضو نور القمر



ماشي يا محمد بس لما اشوفك



علي فكره يااسراء بنت محمد اسمها حنين مش شهد بنت زي القمر


اجاوب بقي

1-موبايلي نوعه نوكيا 5200اكيد مش عارفينه مش مهم هو موبايل صغير كده كويس يعني


2-اخر صوره كانت في المصيف لخالتي مع ابنها وكريم اخويا


3-عندي حوالي لا بالظبط 78 اسم بس


4-اخر رساله من صحبتي هدير بتقول(اشرق فجر يوم جديد فكل عام وانتم بخير وتقبل الله صيام رمضان)


5-الرساله رقم5 من واحده صحبتي اسمها امل(اهدي لكي جمله حروفها نور كلها سرور تبقي عبر الدهور (لا اله الا الله))

رقم11من امل برضه(يا طيور السلام زوريه وعلي الخدود بوسيه وبشعبان هنيه وبقرب رمضان باركيه)


رقم17بقي من لولو صحبتي(ابليس يهنئكم بحلول شهر رمضان الكريم و بيقولك شهر وراجعالك يا جميل)


6-اها في اسم غريب واحده صحبتي اسمها عفاف مسمياها(OFAHA)اصلي لقيتها هتبقي اول اسم لو كتبتها عفاف قلت ادلعها طلعت كده


7-هو كارت بعشره جنيه و بيخلص علي طول لاني مبزره جدا في خلال يومين بيكون الرصيد فنش


8-حسب الظروف ممكن اخلص مصروفي كله علي الموبايل وممكن مشحنش غير مرتين بس


9-اسمي بالبلوتوث نور القمر ومش بغيره بقالي فتره كبيره ولو غيرته ممكن اسميه ميرو


10-اخر مكالمه من لولو


11-اخر بلوتوث كان صور المصيف من موبايل خالي


12-الرسائل بالوارد420و الصادر بمسحهم علي طول بس الموجود حاليا 236رساله بس


13-كل رسايل اسراء الا نوع من الرسايل منها برضه هي عرفاه


14-الاسم رقم 17 دينا فؤاد يا محمد بنت خالتي


15-اخر رساله لاسراء بهنيها برمضان (بقلها كل سنه وانتي طيبه يا حبيبتي يا قمر ورمضان كريم)


16-رنتي دلوقتي اغنيه حسام حبيب قلبي سالني عليك وطبعا كل يوم بغيرها


17-مفيش كول تون دلوقتي


18-اكتر حد بتصل بيه اسراء ولولو صحبتي


19-اكتر حد بيتصل بيا بابا


20-اكتر حد ببعتله رسايل اللي خاربه بيتي علي طول اسراء العطار


21-اكتر حد بيبعتلي رسايل اسراء ولولو


22-بابا مسمياه DADYوماما مسمياهاMAMTY


نغمه بابا دينيه طبعا اغنيه تامر تعبان عشان مينسحبش مني الموبايل

و ماما اغنيه اجمل نساء الدنيا



بس خلاص خلصت وربنا يسامحك يا محمد وانا دلوقتي امنت بالمقوله اللي بتقول

من حفر حفره لاخيه وقع فيها


انا هختار بقي





نفسي اختار عضوه كده في دماغي بس خايفه تزعل كفايه اللي عملته فيها



انا هختار عضوه جديده وجميله محاربه للشباب من الدرجه الاولي الجميله




هانتامونتا

اوك يابنتي ه انا كنت اعرفها شهد من حنين عادي

ايه يا أمامير هو أنا عشان غبت يومين إفتكرتوني مش داخلة ولا إيه

أنا مستنية أسمي

ههههههههههههههههههههههههههههههههههههههههههههههههههههههههههههههههههه

اوك ميلو مع انى مش من ضمن الامامير بس يلا ردى بقى وحمدا لله على سلامتك بس قولى هتغيبى تانى امتى خديى كل البنات معاكى خلينا نهيص لوحدنا شوية

مااااااااااااشي أنا هخلي البنات هما اللي يردوا



1-موبايلك نوعه ايه؟؟ نوكيا N70


2-ما اخر صوره تم التقاطها؟؟ يوسف ابن أختي


3-كم رقم مخزن عندك؟؟ 123


4-مااخر رساله تلقيتها؟؟ عن رمضان طبعا
(( الله ينور قلبك بالقرآن , و يجمعني بك في ظل الرحمن , و يبلغنا سويا بركة شعبان و عتق رمضان
, و غفرىن الكريم المنان ))


5-الرساله رقم 5 و 11 و 17 مكتوب فيهم ايه؟؟
رقم 5 ....(( السنة تمشي و تدور .. و تيجي أحلي شهور .. و نقول لاغلي القلوب .. كل عام و أنت بصحة و سرور ))

رقم 11 .... (( رمضان قرب يا صحبي عشان كده بقول لكل واحد زعلته و قصرت بحقه ..و أذيته بقصد أو بدون قصد .................. ماشفتش مني حاجة لسه و الجاي ألعن و أيامك سوداء معايا ))

رقم 17 ........ . imagen: tv without .... fesha
chicken : without .......reesha
smoking without ....... hasheesha
life without U.............mateb2ash 3esha




6-من ضمن الاسماء في موبايلك هل يوجد اسم غريب او مضحك لاحد اصحابك؟ايه هو؟؟
بقلظ .. ابن خالتي


7-قيمه اعلي كارت شحنت بيه كانت كام؟؟
كل يومين كارت


8-في الشهر بتصرف كام علي موبايلك؟؟

غالبية مصروفي ((أكيد عارفين ليه ))


9-اسمك ايه بالبلوتوثــــ حاليا ؟؟ ويارتي بتغيره علي طول ولا ثابت ولو بتغيره ايه الاسماء اللي ممكن تسميه بيها؟؟ melo & memo
بقاله فترة ثابت


10-اخر مكالمه كانت من مين؟؟ أكيد عارفين (( محمد ))


11-اخر بلوتوث استقبلته كان ايه؟؟ (( أغنية لنغمة تامر ........ و أنا جنبك ))


12-كم عدد الرسائل في صندوق الوارد؟؟وكم عددها بالصادر؟؟

بصراحة مش هقعد أعد بس كتير
13-رساله لن تقوم بمسحها ابدا ولماذا؟؟

؟؟؟؟؟؟؟؟؟؟ انتوا عارفين


14-ما هو الاسم رقم 17 المخزن عندك؟؟

هبة صحبتي


15- مااخر رساله قمت بارسالها.؟؟
عن رمضان برضو


16-رنتك ايه؟؟ (( Real love )) مساري


17 ايه الكول تون بتاعتك؟؟ حااااليا مفيش


18-مين اكتر حد بتتصل بيه.؟.؟ محمد طبعا


19- مين اكتر حد بيتصل بيك؟؟ برضو


20-مين اكتر حد بتبعتله رسايل؟؟ هيكون مين هو برضو


21-مين اكتر حد بيبعتلك رسايل؟؟ هو و هبة صحبتي


22-مسمي باباك و مامتك ايه علي الموبايل و حاطتتلهم نغمه ايه؟؟

بابا اسمه (( باباتي )) و ماما (( MaMe ))

شكرا ميلو وكل سنه وانتي طيبه

وبعدين ازاي تغيب يا محمد وتاخدنا معاها ده احنا مخليين روح للمنتدي من غيرنا مش هتلاقي حد

والله ممكن نعملها وشوفوا بقي من غيرنا هتعملو ايه

وتقولو ياريت الى جاره مكان

والله يا ميلو كنت هختارك بس


قلت كفايه اللي عملته فيكي في موضوع اتفضل عرفنا بنفسك


و عالعموم نورتي يا قمر وشكرا علي اجاباتك

بس مااختارتيش ليه العضو اللي يجاوب بعدك

ميرسيه يا نور يا قمر أختار لولو بعدي

انا


1-موبايلك نوعه ايه؟؟ هو عادى نوكيا بس معرفش اسمه


2-ما اخر صوره تم التقاطها؟؟ من غير كاميرا


3-كم رقم مخزن عندك؟؟ 28 رقم


4-مااخر رساله تلقيتها؟؟ اخر واحده كانت علشان رمضان بتقول ( الان حصريا على شاشه تليفونك وقبل الناس اقول لك رمضان كريم يا اعز الناس)


5-الرساله رقم 5 و 11 و 17 مكتوب فيهم ايه؟؟
رقم 5 ( عد الرمل لو تقدر او الهواء لو طوعك ومن عددهم تعرف قد ايه انا مشتالك)

رقم 11 (حبيبي طالع فيها وفكرنى هدلعه لو ادانى مره ظهره عل افاه هلسعه) بلاش تريقه


6-من ضمن الاسماء في موبايلك هل يوجد اسم غريب او مضحك لاحد اصحابك؟ايه هو؟؟
لا مفيس اسماء دلع عاديه


7-قيمه اعلي كارت شحنت بيه كانت كام؟؟

10 جنيه مش اكتر ابدا


8-في الشهر بتصرف كام علي موبايلك؟؟
في الشهرين ممكن 10 جنيه بس مش كل شهر مش بكلم حد اصلا


9-اسمك ايه بالبلوتوثــــ حاليا ؟؟ ويارتي بتغيره علي طول ولا ثابت ولو بتغيره ايه الاسماء اللي ممكن تسميه بيها؟؟
معنديش اصلا بلوتوث

10-اخر مكالمه كانت من مين؟؟ من ميلووو


11-اخر بلوتوث استقبلته كان ايه؟؟ مفيش اصلا


12-كم عدد الرسائل في صندوق الوارد؟؟وكم عددها بالصادر؟؟

في الوارد 20 وفى الصادر 17

13-رساله لن تقوم بمسحها ابدا ولماذا؟؟
كل الرسائل مش همسحها لانه من صحابي


14-ما هو الاسم رقم 17 المخزن عندك؟؟
سامح ( ابن خالتى)


15- مااخر رساله قمت بارسالها.؟؟
كانت علشان رمضان بتقول (كل عام وانتو الجميع بصحه و سعاده يطعم العسل ياسكر زياده مبروك عليكي شهر العباده)


16-رنتك ايه؟؟
رانه مجسمه عاديه

17 ايه الكول تون بتاعتك؟؟

معرفشيعنى ايه اصلا

18-مين اكتر حد بتتصل بيه.؟.؟

مونى صحبتى

19- مين اكتر حد بيتصل بيك؟؟
هى برضو (لو رنات مش اتصال يبقي كله طبعا)

20-مين اكتر حد بتبعتله رسايل؟؟
خالى


21-مين اكتر حد بيبعتلك رسايل؟؟
مونى صحبتي

22-مسمي باباك و مامتك ايه علي الموبايل و حاطتتلهم نغمه ايه؟

بابا وماما

النغمه العاديه الفتراضى يعنى

اه نسيت اختار

اختار جار القمر

انتوا وقفتوا اللعبه ليه


نختار حد تاني نختار مثلا ابو علي

ابو على مين يانور انا اول مرة اشوف الاسم ده