ظاهره غريبه في المنتدي

السلام عليكم ورحمه الله و بركاته



انا شايفه ظاهره غريبه اوي طغت علي معظم اعضاء منتدي جار القمر



و هي ان تقريبا معظم الاعضاء مبقوش يدخلوا غير المنتدي الترفيهي



و خاصه قسم الالعاب و المسابقات وانا والله اول واحده بقيت اعمل كده


تفتكروا ايه سبب الظاهره دي


ليه مبقناش بندور غير علي اللي نضحك و نفرح فيه و نلعب


ليه الثقافه و المواضيع المهمه اللي ممكن تنفعنا مبقتش تهمنا


مبقناش مقبلين عليها لو لاحظتوا نسبه التواجد في المنتدي الترفيهي وكم المواضيع الهائله والردود الكتيره اوي



بجد انا مستغربه اوي علي الظاهره دي



عارفه مفيش حد هيرد عليا لان تقريبا محدش بقي يدخل المنتدي ده يلا كلمتين كنت عايزه اقولهم وخلاص

هههههههههههههههههههههههههههه

أنا هرد عليكي يا نور و علي فكرة مش انت بس اللي لاحظتي الموضوع ده كلنا أخدنا بالنا منه و بنتكلم في إن فعلا الكل بيدخل علي الترفيهي


و بجد يا جماعة نفسي أقولكم وزعوا إهتماماتكم شوية في أقسام تانية محتاجة كتابتم و ردودكم


و شكرااااااااااااااااااااا جدا يا نور إنك طرحتي الموضوع ده

شكرا ليكي يا ميلو والله انت اللي ناصراني علي طول في المنتدي ده


و ياريت يفكروا بس يدخلوا حتي يقروا الموضوع يمكن يرجعوا تاني يهتموا بالاقسام التانيه

يعيني عالثقافه بلاش يا نور تتكلمي عالثقافه
ماتزعليش ههههههههههه
عالعموم بجد انا بردو لاحظت كده
بس الواحد محتاج حاجات تخفف عنه
تسلم ايدك

مالها الثقافه يا بنت ماانا بقول اهه نحاول نثقف نفسنا


و بعدين في مواضيع مهمه


وبجد في اعضاء بتطرح مواضيع مهمه اوي


و بتبقي محتاجه لمشاركه الجميع


ومفيش مانع ابدا اننا نتدخل المنتدي الترفيهي اكيد كلنا محتاجين نضحك


بس مش كله بقي ترفيهي

صح يا نور ان معااااااااااااكي جدااااااااااااااااااااا في كلامك ده

أنا أول ما بدخل علي المنتدي بفتح صفحتين في وقت واحد (( صفحة الترفيهي عشان الكل عليها ــ و صفحة بلف بيها علي بقيت المنتدي بس الردود في الاقسام التانية قليلة جداااااااا))

و طبيعي لما عضو يكتب موضوع جديد في قسم و ما حدش يرد عليه نفسه هتتسد و مش هيكتب موضوع تاني إلا لما يبقوا يقروا الاولاني و يردوا عليه

عشان كده المشاركات في الأقسام التانية قليلة بالنسبة للترفيهي عشان نادرا لما حد يدخل يقرأها ... و يا سلام بقي لو قرأها و استخسر يحط فيها رد

اها والله يا ميلو ببقي هتشل لما اكتب موضوع و محدش يرد عليه


واقعد اقراه ميه مره ايه العيب فيه ده


طيب ياربي مش عاجبهم ليه في ايه؟؟

بعد الشر عليكى يانور القمر وبضم صوتى لصوتكوا وبدعو اعضاء المنتدى جميعا انهم يهتموا بالمنتديات الاخرى زى مابيهتموا بالمنتدى الترفيهى هو فعلا زى مااسراء قالت كتير عايز يخفف عن نفسه ويضحك من كتر الهموم بس مفيش مانع بردوا اننا نهتم بالجد شوية وشكرا ليكى ياقمر على طرحك الموضوع

شكرا يا مشمش علي مشاركتك

عندكوا حق انا لاحظت ده من زمان وياريت كمان على قد مانقدر فعلا اننا نرد على مواضيع بعض باستمرار لانها فعلا حاجه تضايق لما تكتبى موضوع ويبقى عاجبك وبعدين تلاقى مافيش ردود ياه ببقى فعلا هاتجنن

صح يا سمسمه كلامك جميل شكرا ليكي