فضفضه

الموضوع عجبني قوى واتمنى انه يعجبكم

مطلوب من كل عضو يدخل ويتكلم شويه عن نفسه يفضفض شويه

يعني بيكلم والاعضاء هيتعرفو عليه اكتر من طريقه كلامه

ابدا انا

(ربنا يستر) انا طبعا كل همى في الحياه انى اخلص مدرسه ( حاجه تخنق)

اصل احنا (العيال يعني) بيقولو نفسنا نغمض عين ونفتحها نلاقي الدراسه

خلصت (نرتاح يعني)

اما الكبار الي في جامعه يعني بيقؤله نفسنا نغمض عين ونفتحها نلاقي

نفسنا في بتدئى (عيال بضفاير للبنات) ( عالم هبله)

احنا بنقول عيال كبيره قدنا كده شيله الشنطه وريحه

على المدرسه(بكل باس) طبعا

اما الكبار بتوع جامعه يعني (البنات) اشيك لبس في الدولاب مكوى

اما احنا (العيال ) يعينى هو لبس واحد شتاء او صيف مبيتغيرش

احتمال ينزلو قرار نلبسه كمان يوم الجمعه

الكبار بقي الولاد متشيكين دول هيقبله بنات فهمين طبعا

احنا يعيني علينا طول اليوم دروس ده غير المدرسه طبعا

اما الكبار كليه يحضرو المحضره دى ودى لا

برحتهم يعني (يعيني علينا )

مظلومين ديما





عايزه كل الاعضاء تدخل

جميييييييييل الموضوع تسلم ايدك
بالنسبه ليا اهم حاجه بتمناها هي رضا ربنا عني ووالدي والدتي وابقي حاجه كويسه وانجح في الكليهوبعد كده اشتغل ولما ربنا يريد نشوف بقه ابن الحلال ولو اني مش عاوزه واتمني ان المنتدي يكبر ويكبر ويكون احسن منتدي
يارب يوفقك وتسلم ايدك علي الموضوع

موضوع جميل يالولو وتسلم ايدك

وبخصوصي انا
انا شخص عادي خالص بحب الناس كلهم ومبعرفش اكره حد
انا هكلمك في كل حاجة عني منذ الطفولة

ممكن اكون عشيت طفولة صعبة شوية بس الحمد الله علي كل حاجة عايش وانا طفل بحلم بمستقبل جميل عندي احلام يقظة كتير

عندي اخوتين بنات وامي هما كل حياتي وملناش غير بعض في الدنيا دي طبعا بعد وفاة ولدي

اتمني ان هما يكونوا اسعد ناس في الدنيا
بتمني كمان رضا ربنا عليا وانى ادخل الجنة
واتمني اني اكتسب حب الناس كلها ليا مش احب اسمع حد يقول ان هو بيكره احمد الكلمة دي بتجرحني من جوة عاوز كل الناس تحبني

نفسي اكبر في الدنيا دي واشتغل ويكون ليا مكانة في المجتمع ودور فيه ونفسي اعمل خير كتير قووووووووووووي للناس نفسي اساعد كل الناس

ونفسي الاقي بنت الحلال الى اكمل معاها عمري كله وتكون النص التاني الحلو في حياتي وتكون حتة مني نفسي الاقي حب بجد بس صعب في الايام دي الاقي حب بجد كدة بسهولة بس بحاول

ونفسي اكبر كدة واعجز واشوف ابن ابن ابن ابن ابني

ههههههههههههههههههههههههههههههه

طولت عليكم معلشي

بجد موضوعك جميل يالولو يخلي الواد كدة يفتح قلبه المقفول ده

هههههههههههههههههههههههههههههههه

مرسي قوى ياحمد انت واسراء
وانشاء لله هتلاقي بنت الحلا والحب قريب
وتعزمنا انت واسراء في الفرح ( الشبكه الاول)

هههههههههههههههههههههههه
يسمع من بقك ربنا يالولو وهعزمك في الحنة كمان
مرسي يالولو

ههههههههههههه ماشى بس عايزه انا احنى العروسه
عايزه احكى حاجه
انا عندى 3 اخوات ده غيرى ( اخر العنقود سكر معوقد)
انا وختى الكبيره
قبل ما تتجوز كنت اقولها ديما يااااااااا امتى الوضه دى تكون بتعتي
بعد ما مشيت بخاف ادخل الوضه وحشتنى قوى على فكره
مكنتش اعرف انها هتوحشني كده الوضه وحشه من غيرها بجد ولله

اخويا بقي انا وهو مش بنبطل هزار مع بعض طول اليوم وضرب في بعض هزار يعنى
(بنضرب بس طبعا) بس بموت فيه

اختى بقي التانيه انا وهى عكس بعض تماما ( هي شمال وانا يمين)
مش بنتفقي غالبا مش على طول بس برضو بحبها لانها طيبه قوى بجد
وحنينه بس عمرها ما بتعترف انها بتحبنى ( بس انا عرفه)

ميرسيه يا لولو موضوعك فكرته حلوة جدااااا

و شوية فضفضة عن نفسي

يعني انا الحمد لله حققت كتير من اللي كان نفسي أحققه في حياتي بالرغم من أن كل حاجة حلوة حصلت لي بالصدفة

و صحيح أنا ما وصلتش لكل اللي أنا عايزة أوصل له بس المهم اني علي الطريق الصح

و أكيد عارفة ان اكتر حاجة نفسي فيها إني أرتبط بالانسان اللي حبيته (( قريب إن شاء الله ))


بس والحمد لله إتخرجت من الجامعة بتقدير و ثبت نفسي في شغلي اللي بحبه جداااا طبعا عشان كل معاملتي فيه مع الاطفال



بس إدعي لي بقي أكمل طريقي

موضوعك جميل اوي يا لولو تسلم ايدك


انا هفضفض شويه معاكوا

انا بنت عاديه جدا و بسيطه مش عايزه كتير من الدنيا بس

عايزه ربنا يكون راضي عني و اكون محبوبه دايما بين الناس

محصليش كتير في دنيتي يمكن لان سني لسه صغير بس

اخدت خبره كبيره اوي من كل موقف مريت بيه

موضوع جميل يالولو

انا بقي سعيد بحياتي دلوقتي ولسة بقول ياهدي لسة داخلة جامعة السنادي

نفسي في رضا ربنا عليا دي اول حاجة
نفسي انجح في حياتي واكون سعيدة ديما ومش ازعل حدا ابد مني
والاقي الانسان الى يفهمني وافهمه


بس كدة

ميرسى على الموضوع الرائع دة يالولو واحب انا كمان افضفض معاكوا شوية

انا انسانة بحب كل الناس وعمرى ماكرهت حد ابدا حتى لو ممكن يكون اذانى او جرحنى

حتى فى ناس كدة طول الوقت فى نقار معاهم بس بحبهم بس لو هما يتظبطوا شوية يبقوا كويسين وهما عارفين نفسهم كويس

واول حاجة بتمناها فى حياتى زى اى انسان رضا ربنا عنى ورضا ماما وبابا

يمكن مكنش عيشت تجارب فى حياتى او حبيت لانى لعند ماخلصت جامعة كنت بعتبر اى شاب فى الجامعه ميقدرش يتحمل مسئولية وانه عايز يتسلى وبس

واتمنى انى اعيش اجمل قصة حب بس يكون حب حقيقى ويتفسر بالجواز ويارب الكل يحقق الحلم دة لان الكل بيحلم الحلم دة زيى

ونفسى اسعد كل الناس ومخليش اى حد زعلان ابدا وربنا يقدرنى

كفاية كدة