احمد المهندس مشرف المنتدى الترفيهي
عدد الرسائل : 1031 العمر : 35 الموقع : abnaaelnaweia.yoo7.com تاريخ التسجيل : 02/08/2008
| موضوع: اسئلة محرجة للبنات (اتحدي اي بنت تجاوب عليهاههههههه) الأربعاء أغسطس 20, 2008 6:23 pm | |
| :::::::::::::::::اسأله محرجه للبنات:::::::::::::::::
1_لو راكبه عربيه كلها صبيان ومش معاكى مناديل ومناخيرك *****؟؟؟؟
2_كل متعدى على حد يضحكوا وانتى مش عارفه ليه وفى الاخر اتضح ان الجيبه مقطوعه؟؟؟
3_شاورتى لتاكسى واتفقتى معاه هيروح فين قالك اوك وبعد مركبتى قالك لا مش هروح اتفضلى انزلى؟؟؟
4_لو الفيلم اللى بتحبيه بيبدأ ومخمختى وحضرتى التسالى وهتتفرجى النور قطع وقعد مده وبعدين جه فتحتى تلحقى من الفيلم حاجه لقيتى مكتوب "النهااااااااااااااااايه"؟؟؟؟
5_لو صحيتى الصبح لقيتى واحد غريب نايم جنبك بعد دهشة طويله واسئلة عجيبه مالهاش عااازه عرفتى انه ابن الجيران وابوه طرده بالليل؟؟؟؟ " طبعا بتقولى دلوقتى يارب ينطرد كل ساعه"
6_لو جالك واحد يخطبك كل متقدمى له حاجه يزلطها جبتى حاجه ساقعه رفع الزجاجه ومنزلهاش الا وهى عاريه من الداخل جبتى حلويات شمر ايده وقام بالصح؟؟؟؟
7_لو عندك برد شديد وع الصبح ماما قالتلك يللى عشان هنضف النهارده يافتاه ؟؟؟؟
8_لو رقم غريب اتصل بيكى ورد عليكى واحد قالك انا صاحب خطيبك وقاللى اكلمك بداله عشان هو رايح مشوار مهم؟؟؟؟
9_لو ماشيه فى ميدان عام وكلب حراسه سايب كل الناس وماشى وراكى تقفى يقف تمشى يمشى وراكى ؟؟؟؟
10_لو بتجرى عشان تلحقى المترو قبل ميغلق الباب وانتى بتركبى قفل على النص بره؟؟؟؟
11_بتجرى عشان تسلمى على صحبتك اتزحلقتى على قشرايه موووز؟؟؟"يبدو ان صحبتك عينها وحشه"
12_واقفه فى اتوبيس راح قام لك شاب محترم وقالك اتفضلى وبعد خمس دقائق قالك لو سمحتى قومى عشان عاوز اقعد؟؟؟
13_لو ركبتى عربيه وفجأه ركب جنبك 1 بلدياتنا ومعاه اقفاص طيور وخضار وو........ وحط كل ده على رجلك وخنقك ؟؟؟
14_لو قاعده مع صحبتك بتتصالحوا وفجأه اتعصبتوا صحبتك طلعت مسدس وضربتك 3 رصاصات هتعملى ايه!!!! 15_لو قاعد فى محاضره وواحد رخم من ورا عمال يحدف عليكى قشر ترمس ولب؟؟؟؟
16_كافيتريا الجامعه جبتى مشروب ساخن وعشان نيتك بلاك اندلق عليكى وبئه شكلك BAD؟؟؟
17_لو نازله من غير فلوس وخطيبك عزمك على كشرى او عصير قصب وهو جاى يحاسب طلع ناسى المحفظة فى البيت؟؟؟؟
18_لو راكبه ميكروباص وجنبك ست كبيره اوى وبمعدل كل دقيقتين تبصلك اوى فى وشكككك وتقعد تضحك على اخرهاااااا؟؟؟؟؟
19_لو دخلتى الحمام تاخدى دش ....سمعتى صوت عمال يقول ....يامعفنه يامعفنه يامعفننننننننهههههههه؟؟؟؟؟
20_لو صبحتى الصبح لقيتى فى قرار بيقول البنات من سن 17 سنه لحد 25 هيدخلوا الجيش؟؟؟؟؟
21_اخر حلقة من المسلسل اللى بتحبيه ومتابعاه من اوله واول مبدأ جاء لوالدك ضيوف مع العلم ان المسلسل مش هيتعاد تانى خااااااالص؟؟؟
22_البت زئرده جارتك اللى مش بتطيقوا بعض خليتك ماشيه فى الشارع ومتشيكه وكبت عليكى مية الغسيل وقالتلك""اوووه سورى ياحبيبتى""؟؟؟؟؟؟
23_لو اتخانقتى مع بنت الجزار المجاور ,مسكتلك اكلتك علقه جامده طحن,وربنا انا فرحان فيكى,,,وعلقتك على المحل مكان اللحمه؟؟؟؟
24_لو ركبتى باص وكل متيجى تقعدى جنب حد يقولك حاجز,,حاجز,,واخيرا لقيتى كرسى وبعدين طلعت بنت مووزه اوى امززز منك يعنى كل اللى قالوا لك حاجز ,,,تعالى ياانسه اتفضلى كرسى فاضى اهوووه اتفضلى؟؟؟؟؟
25_بعد شكاوى من مشاهدين كثر ,,جاء اليكى مخرج كارتون مازنجر,,وطلب منكى ان تقومى بزوجه ابو الغضب,,يعنى دورك هو ام الغضب؟؟؟؟
26_لو قابلتى اتنين يابانين وبرطموا معاكى بالكلام وها بعد كلمة انجلش من اللى درستيها فى الكى جى الحكومى سمعتى"metro " قولتى يابت دى انتى شاطره عاوزين يروحوا المترو واتفزلكتى "coming coming" وانتى فى المترو اتمسكتوا انتوا ال 3 هتقولى لى ليه؟؟؟ هقولك لانهم كانوا هيعملوا عمليه ارهابيه والحاجه معاهم!!!!!
27_كنتى فى مكان رومانسى مع الروش طحن صديقك sorry خطيبك "هاااااه خطيبك " عدى ياليييله وبتبصى شوفتى باباكى مع صحبته فى الشغل وهو شافك؟؟؟ياترى لما تروحى هتبوحى لماما بما حدث واهي طلقه وهتعدى ؟ولا هتكتمى السر عشان متكليش ضرب بعمرك انتى نسيييتى خطيبك ولا ايييييييييه؟؟؟
| |
|
اسراء العطار مشرف المنتدى الرياضي
عدد الرسائل : 3301 العمر : 34 تاريخ التسجيل : 21/07/2008
| موضوع: رد: اسئلة محرجة للبنات (اتحدي اي بنت تجاوب عليهاههههههه) الخميس أغسطس 21, 2008 12:51 pm | |
| اوك يااحمد شكلك ناوي علي الضرب 1_اصلا مافيش كده ولو حصل هقول لاي حد معاه مناديل هتلاقي كله طلع مناديل مش هلاحق طبعا 2_عادي حصل خير هروح البس حاجه تانيه وامشي عادي خالص عشان هما مايفرقوش معايا 3_هقوله احسن بردو وفرت اصلا تاكسي شكله وحش ومش نضيف يعني هو الخسران 4_عادي ماهو كل يوم بيتعاد جت عالمره دي وهقلب واشوف حاجه تانيه مش هتفرق 5_ازاي اصلا ولو حصل هقومه واقله ياله يابابا روح علي امك زمانها مستنياك عشان تغيرلك 6_اصله طفس اصلا وهروح مقوماه من مكانه واقوله اسفه معندناش حد للجواز اصل انتوا كلكوا كده طفسين هههههههههههههه 7_لو شديد هقولها معلشي يا ماما وهتجبلي دكتور وانت ايه اللي دخالك في الحاجات دي 8_هقوله وماروحتش معاه ليه يا غبي 9_ماهو ماشي يحرسني انا ولا انت ايه رايك 10_اكيد هلاقي حد يشدني او حد يقول للسواق هيا خصلتلك ولا ايه 11_حصل خير 12_بكل زوق هقوله اتفضل عشان انا نازله هنا 13_لازم نستحمل بعض والثواب علي الله 14_هعمل ايه ازاي وانا هكون مت اصلا هههههههههه 15_اصله قليل الزوق هقوه واقله بطل قله زوق واقول للدكتور يطرده 16_ربنا رايد يحصل كده 17_عادي هتصل باي حد ونجيب فلوس حصل خير وبعدين هو السبب 18_واحده هبله يمكن طلعت من مستشفي المجانين قريب ومش هبصلها لغايه ماانزل 19_ده يبقي عبيط بقه او واحد بيقول لاخته او مراته اصل الهبل كتييير وبعدين يشوف نفسه 20_عادي جداااا وهكون اول واحده مقدمه 21_مع السلامه ولا هيزودني ولا هينقصني مش كان حته مسلسل يعني 22_هقولها ولا يهمك واطلع البيت اغير لبسي اصل انا محبش المشاكل 23_ههههههههه مين دي يا احمد بنت المجانين ولا الجزار وانت شايفني قاعده في مدبح 24_احسن بردو عشان ماحبش اقعد جنب حد قليل الزوق 25_اوك موافقه 26_مع السلامه وانا معاهم وهجيبك تدافع عني عشان اخلك معانا 27_عادي يمكن بكلمها في شغل وانا مالي وبعدين ده خطيبي
احمد لو شفتك اقري علي روحك الفاتحه دي اسئله مااااااااااشي | |
|
lolo مشرف منتدى عالم حواء
عدد الرسائل : 1224 العمر : 31 تاريخ التسجيل : 30/06/2008
| موضوع: رد: اسئلة محرجة للبنات (اتحدي اي بنت تجاوب عليهاههههههه) الخميس أغسطس 21, 2008 1:03 pm | |
| انا ممكن ارد 1_ اومال هم اخترعو الكم ليه 2_موقف وعده ريلاكس 3_ هنزل ومش هدفع فلوس 4_هههههههههه دى رخمه قوى هتصل بصحبتى اشوف النور قطع عندها ولا لا ورحلها اشوف الفيلم 5_هههههههههه ماما اشترتلي جزمه جديده هخليها قديمه فوق دماغه 6_ بره معندناش اكل 7_عندك بنتك الكبيره خليها تنضفلك 8_ انا مش مخطوبه 9_لالالالالا الا دى انا بخاف من الكلاب موت هصوت واليحصل يحصل 10_مبركبش مترو ينفع قطر ههيا 11_هههههههههه جامده شويه اصلا مش هجرى علشان صحبتي وبرضو عادى ريلاكس 12_دا انت رخم رخامه مش هقوم ده مكانى حد قالك قوم 13_هوقف العربيه وارمى الحاجه وانزل منها ( عالم معندهاش دم) 14_هههههههههه هموت وقول ( اي) بتاعت عادل امام في مسرحيه المشا غبين 15_هههههههههههه لم نفسك ولا تتربي من اول وجديد (واحد رخم) 16_ هههههههههه موقف زباله حد قلك تشربي اه ده ارحم ياحمد شويه 17_هقوله اروح الحمام وروح وسيبه يغسل الطباق 18_اه الهبل ده انتى مجنونه ياتزه 19_ههههههههههه (ده هبل بقي) 20_مفيش مانع المراه= الرجل=انسان ههههههههههه 21_عندنا تلفزيون في كل شقه هطلع اشوفه فوق ههههههههه 22_هطلع اجبه من شععرها هههههههههه او اخليها مشيه ومتشيكه وكب عليها ميه(سورى يحبيتى)هههههههههه 23_ههههههههههه بيخه اجبلها جار القمر يوضبه 24_هههههههههه الجمال جمال الروح ههههههههههه 25_هههههههههههههههه هقبل بكل فخر دى (ام الغضب) 26_ خليكو طوالى طوالى طوالى 27_هههههههههههه ممكن امسكها زله (هزار) خسرت التحدى احمد هههههههههههههههههههههههههههههه | |
|
نور القمر مشرف المنتدى الاجتماعي
عدد الرسائل : 2939 العمر : 33 تاريخ التسجيل : 08/07/2008
| موضوع: رد: اسئلة محرجة للبنات (اتحدي اي بنت تجاوب عليهاههههههه) السبت أغسطس 23, 2008 9:19 pm | |
| احمد اسئلتك عجيبه
علي فكره انا رديت عليها وبعد مارديت وطلع عيني
وكتبت رد علي كل الاسئله النت فصل كنت هولع في الكمبيوتر
والله اكتر من ربع ساعه بجاوب تحب اجاوب تاني و اتعب نفسي
واقعد اكتب وعنيا تطلع ولا ايه؟؟؟ | |
|
احمد المهندس مشرف المنتدى الترفيهي
عدد الرسائل : 1031 العمر : 35 الموقع : abnaaelnaweia.yoo7.com تاريخ التسجيل : 02/08/2008
| موضوع: رد: اسئلة محرجة للبنات (اتحدي اي بنت تجاوب عليهاههههههه) السبت أغسطس 23, 2008 10:58 pm | |
| ههههههههههههههههههههههههههههههههههه الى تشوفيه يانور بس كان نفسي اسمع اجابتك عشان انتى في الحاجات دي بتجوبي اجابة مقنعة هههههههههههههههههههههههههههههههه وبصراحة عاوز عنيكي تطلع يلا جوابي مفيش نقاش | |
|
نور القمر مشرف المنتدى الاجتماعي
عدد الرسائل : 2939 العمر : 33 تاريخ التسجيل : 08/07/2008
| موضوع: رد: اسئلة محرجة للبنات (اتحدي اي بنت تجاوب عليهاههههههه) الأحد أغسطس 24, 2008 7:30 pm | |
| ماشي يا احمد امري لله انا الكبيره برضه
1-الدنيا لسه فيها خير و العربيه كلها هتتبرعلي وهلم علب كمان مش منديل ولا اتنين ابيعها علي باب الجامعه وانا داخله
2-عادي موقف و هيعدي يعني هما مش حصلهم موقف مشابهه ليه يعني وحتي لو مش كده اللي يضحك يضحك ميهمنيش الناس و لاكلامهم ولا ضحكهم و خصوصا هنا في ههيا
3-هقوله غور في داهيه هو مفيش غيرك يعني
4-عادي خالص ما هو هيتعاد تاني يوم و لو متعدتش مش هيطول عمري يعني
5-ليه هي سايبه ولو حصل و الله اروحه بيته علي نقاله
6-ههههههههههههه ليه يعني هطرده هو وامه وابوه امال يعني اتجوز واحد ياكلني يوم الصباحيه
7-لا مامتي مش هتقولي ساعديني ولا حاجه حصلت كتير وقالتلي روحي نامي انتي بس ذوقيا بساعدها طبعا لان مفيش غيري ممكن يساعدها
8-هقفل السكه في وشه و اقوله ابقي سلملي علي ابو فصاده اللي باعتك وقوله يفتح الله علي دي جوازه
9-هصوت والم عليه الناس
10-الف مين هيساعدني عشان ادخل
11-و انا اجري ليه اساسا شوقه لصحبتي دي اوي
12-هعمل نفسي مبسمعش و لو الح هكسفه بطريقتي
13-ايه قله الزوق دي هسيبله العربيه وانزل طبعا
14-ههههههههههههههههه واضح انك مدمن اكشن صحبتي اخرها مسدس ميه بتاع بنت اختها
15-هقول للدكتور يظبطه
16-عادي بتحصل ايه يعني هروح اروح بس
17-في اختراع اسمه موبايل يتنيل يتصل باي حد يجيبله فلوس وهعمل معاه خناقه لرب السما عشان يبطل سطل ههههههههههههه
18-و الله ممكن اموت من الضحك معاها اصلي واثقه ان مفيش فيا حاجه غلط يعني تخليها تضحك اوي كده فهي اكيد كبرت وخرفت
19-هههههههههههههه لا متخافش مش هتوصل للدرجادي
20-يا سلام ياريت عشان اثبت للولاد ان مفيش فرق بين الراجل والست وهنثبت جدارتنا عنهم ونكون احسن منهم وان شاء الله يبقي النصر لمصر علي ايدنا امال ايه
21-المسلسلات عندنا في اي قناه ليها 3 اعادات هسهر ان شاء الله للصبح و هشوفها برضه ده غير ان في تليفزيون تاني هصرف اموري يعني
22-هستني اول يوم العيد و هي لابسه اللبس الجديد ومتشيكه وعامله نفسها حاجه وهدلق عليها ميه غسيل من اول امبارح تكون عفنت و بنفس الطريقه اوووووه سوري يا حبيبتي
23-ليه يعني وبعدين انا ماليش اختلاط بالناس البيئه دي عشان تتخانق معايا ولا حتي تفتح بؤها معايا بكلمه
24-هقول الحمد لله اني انا مش مكانها عشان محدش يبصلي زي ما بصولها
25-اها هوافق و ماله ميضرش
26-و انا امشي معاهم ليه بقي و افرض ماطلعوش ارهابين وطلعوا حاجه تانيه هو يعني مفيش شباب في البلد مش لاقيين غير البنات قدامهم
27-اه هقول لماما اصل انا فتانه هههههههههههههههه
الله يسامحك طلعت عيني | |
|
اسراء العطار مشرف المنتدى الرياضي
عدد الرسائل : 3301 العمر : 34 تاريخ التسجيل : 21/07/2008
| موضوع: رد: اسئلة محرجة للبنات (اتحدي اي بنت تجاوب عليهاههههههه) الإثنين أغسطس 25, 2008 11:58 am | |
| عارفه لو مكنتيش جاوبتي احنا عايزين نطلع احمد من المنتدي عشان يبطل اللي بيعمله | |
|
نور القمر مشرف المنتدى الاجتماعي
عدد الرسائل : 2939 العمر : 33 تاريخ التسجيل : 08/07/2008
| موضوع: رد: اسئلة محرجة للبنات (اتحدي اي بنت تجاوب عليهاههههههه) الإثنين أغسطس 25, 2008 3:16 pm | |
| لا ياباشا انا اقدر برضه مردش علي احمد المهندس و بعدين كمان عشان نثبتله اننا مبنتحرجش ومفيش حاجه تقدر تهزنا و ثابتين اوي و اللي يوقف قدامنا ناكله | |
|