بتحلم بايه؟؟!!!!

السلام عليكم و رحمه الله و بركاته
****احلام**** كلنا بنحلم و بنتمني نحقق احلامنا و كل لما بنكبر احلامنا بتكبر معانا
و الاحلام انواع كتيره منها احلام شخصيه او دينيه او وطنيه.....الخ
انا عايزه كل عضو يدخل ويقول حلمه يقول بيحلم بايه نفسه يكون ايه؟؟؟
و هل يا تري حلمت بحاجه وقدرت تحققها؟؟

موضوع جميل قوووووووووووووي يانور القمر تسلم ايدك

وانا اول واحد هيشاركوهقولك بحلم بايه

انا احلامي كتير قووووووووووي بس هقولك المهم منها

اول حلم
ان ربنا يرضي عني ويقربني من الخير وادخل الجنة
ثاني حلم

ان اطمن علي اخواتي البنات ويجوزوا ويكون سعداء في الدنيا واقد اوفي شوية من جمايل امي عليا

الحلم الثالث

انى اكون حاجة مهمة في البلد واعمل خير كتير قوووووووووووووي للناس واكتتسب حب الناس حوليا ومحدش يزعل مني

الحلم الرابع

انى الاقي بنت الحلال الى اكمل معاها نص ديني وتكون سند ليا في الحياة لان وراء كل رجل عظيم امراة عظيمة وانا نفسي في المراة العظيمة دي


ههههههههههه
انا عارف احلامي كتير معلشي طولت عليكم

بس ياريت ده كله يتحقق هكون اسعد انسان في الدنيا كلها والله

وبجد موضوع جميل يانور القمر تسلم ايدك كمان مرة

بحلم في يوم المس النجوم ومصر حرة من غير هموم
عايشه لشبابها عايشه لأحبابها النهارده وبكرة وكل يوم
بحلم فيوم مصر تكون حرة بهية متقدمه في كل العلوم

شكرا نور القمر على الموضوع الجااااااامد ده

الحمد لله ان الموضوع عجبكم وربنا يحققلكوا كل اللي بتتمنوه و اكتر منه كمان
وتسمحولي اقول احلامي انا كمان
انا نفسي اول حاجه في رضا ربنا عليا
و رضا اهلي عني و اني اكون محبوبه اوي بين الناس
ونفسي الاقي الانسان اللي يحترمني قبل مايحبني ويخاف عليا
و ان مصر دايما تبقي بخير و امن وسلام