** ازاي تصطادي العريس بدون اللجوء الى الخطابة أو الاساليب القديمة ..
الاول نشني علي الست اللي انت حاطه عينك على ابنها
1 ــ لو انتوا في خروجه أو مناسبة اقعدي مع أمك و ماتتهبليش و تتنططي زي بقيت البنات .
2 ــ امشي و انت حاطه رأسك بين كتفك و ماترفعهاش أبدا حتي لو ايه اللي حصل .
3 ــ كلمة حضرتك خليها دايما على لسانك .. خاصة لأم العريس .
4 ــ اخواتك الصغار لاعبيهم وروحي معاهم في كل مكان .. حتى لو ده هيضايقك بس تصرفي معاهم اكنك أمهم
5 ــ اتفقي مع مامتك كل ما تأكل أكله حلوة تقول دي زي اللي انت بتعمليها بالضبط ... حتي لوكان الاكل من مطعم صيني أو مكسيكي .
6 ــ وانت قاعدة تظاهري ان عظمك كله بيوجعك .. وطبعا مامتك هتقولك ما كانش لازم انك تغسلي حيطان البيت كلها ..
7 ــ إذا تكلم الاهل عن الجواز .. اكتمي نفسك لغاية ما خدودك تحمر .. عشان يقولوا البنت بتتكسف .
8 ــ شعرك افرديه أوعي تجعديه .. مهما كانت الموضه ..لان العجايز ما يعرفوش غير الشعر الناعم .
9 ــ إذا قالت أم العريس المرتقب أي رأي سواء وطني أو سياسي أو اقتصادي .. وافقي عليه حتى لو مكنتيش فاهماه
مثلا .. لو قالتلك: بوش اتغدي عندنا امبارح
قولي لها : ما قولتليش ليه ىجي أساعدك
10 ــ لو كنتوا في فرح .. اوعي تتحركي أو ترقصي .. لان الرقص عيب طبعا
11 ــ لو جه موضوع الخروج و التسوق مامتك طبعا هترد .. بناتي ما بيحبوش يجرجوا أبوهم بيجيب لهم
كل حاجة .
طبعا كده أم العريس هتكون وقعت في الفخ ..
وهتروح طبعا تحكي لابنها في البيت ..وهو هييجي عشان يشوفك
1 ــ ابوكي طبعا هيقولوا أنا عايزك تشوفها من غير ما هيا تعرف عشان تكون على طبيعتها
وهو طبعا هيبعتك لاكبر كوافير في البلد
2 ــ قبل ما ييجي يشوفك بأسبوع .. قضي وقتك كله في صالون تجميل لعمل الباديكير و المانكير و السنفرة ...
3 ــ لما ييجي العريس خلي أخوكي يقعد جنبه عشان ما يبحلقش فيكي كتير و يبان المستخبي.
4 ــ طبعا باباكي هيضيف بعض الموسيقي التصويرية للموضوع ... و يقول شوف البنت مكسوفة ازاي
طبعا العريس هينط على رأس أبوكي بعدها يبوسها عشان يوافق على جوازكم
بس تحذير هام ...
عشان كل تعبك ما يروحش على الفاضي
ابعدي عن الامهات العايقة .. عشان دول عايزين تخطيط تاني