وانا طاير فوق سماكي شايف عيون الكون عليكي
كلهم بيبصوا ليكي ويتمنوا يعيشوا فيكي
انت وبس يا حبيبتي يامصر
لكن ولادك أولا بيكي قربيهم واحضنيهم
جمعيهم ماتفرقيهم محتاجينك ومحتاجاهم
محتاجين حضن دافي يرموا فيه جرح ملاهم
يشكوا ليه مر الزمان يشكوا ليه كل اللي كان
من خاينين نهبوا خيرك حتى الأمان
اللي ضاع على ايد حكامك على مر الزمان
كل همومهم سلطه ومال لكن الشعب للحرمان
ماتزعليش من وقت حالي فيه شباب حزين مكسور
فيه شباب ساب النور وراح يجري ورا أوهام
هجرة وحياة غير الحياة والوطنية صارت كلام
كلام وبس ومافيش اخلاص لا لأرض ولا نيل ولا أهرام
لكن في يوم هيعودوا فيه ويعوضوكي كل اللي راح
ويعيدوا مجدك تاني يوم وينسوكي كل الجراح
دول هما سندك دول حبايبك والأفراح
بيهم تعيشي أميره عمرك وازاي يكون من غير كفاح
بكرة يرجع تاني عصرك بكرة يرجع لك صباح
فارد جناحه على كل ارضك فرعون صغير ويكون فلاح
يصون ارضك ويعرف قيمتها ومش يبيعها زي اللي راح
********************جار القمر********************