جار القمر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

جار القمر

أهـلاً وسهـلاً بكَ يـا زائر فى منتدى جار القمر
 
الرئيسيةأحدث الصورالتسجيلدخول

 

 قصـــــــ اسيره الاحزان ____ة

اذهب الى الأسفل 
+5
عيون القلب
اسراء العطار
khaldinho
سنو وايت
نور القمر
9 مشترك
انتقل الى الصفحة : 1, 2  الصفحة التالية
كاتب الموضوعرسالة
نور القمر
مشرف المنتدى الاجتماعي
مشرف المنتدى الاجتماعي
نور القمر


عدد الرسائل : 2939
العمر : 33
تاريخ التسجيل : 08/07/2008

قصـــــــ اسيره الاحزان ____ة Empty
مُساهمةموضوع: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالسبت مارس 14, 2009 2:16 am

السلام عليكم ورحمه الله وبركاته

النهارده حبيت اشارك معاكوا بقصه قصيره

عباره عن مجموعه حلقات من وحي خيالي

و حبيت اعرضها ليكوا

هي بتحكي عن حياه بنت شافت كتير و داقت طعم الاسيه و الحزن

و هي فيها جزء من شخصيه انسانه كانت عزيزه اوي علي قلبي

لكن للاسف كانت نهايتها ________ طبعا مش هحرق القصه

بس هي قصه لذيذه و ممتعه انا هنزل حلقه واحده هتفضل اسبوع

لو لقيت اقل من خمس ردود مش هكمل

و كمان اكيد لو معجبتش حد حد ينبهني عشان الغي التوبيك خالص


اتــــــــــــــــــــفـــــــــــــــــقــــــــــــــنا
الرجوع الى أعلى الصفحة اذهب الى الأسفل
نور القمر
مشرف المنتدى الاجتماعي
مشرف المنتدى الاجتماعي
نور القمر


عدد الرسائل : 2939
العمر : 33
تاريخ التسجيل : 08/07/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالسبت مارس 14, 2009 3:18 am

الحلقه الاولي

ريم في الصف الاول الثانوي بنت رقيقه و تمتاز بقدر من الجمال و الذكاء يجعل من امامها ينبهر بشخصيتها و كلامها و اسلوبها في الحوار مكنش ليها اصحاب كتير و ده لانها مخلصه جدا لصديقتها الوحيده ندي اللي كانت مبتفارقهاش في كل مكان من المدرسه للدروس للفسح و الخروجات

تبدأ احداث القصه في اول يوم من الدراسه بعد انتهاء اليوم الدراسي في المدرسه و تبدأ مشكله الدروس و أول درس درس اللغه الفرنسيه

ريم:ياتري يا ندي الفرنساوي ده ايه نظامه زي الانجليزي و لا اصعب اكيد اصعب

ندي: لالا اتفاقلي خير و حياه ابوكي هي مش ناقصه من اولها انا داخله الثانويه دي بقدم رجل و ااخر عشره

ريم: ليه يا بنتي خليكي ايزي يعني انا لحد دلوقتي مش شايفه اي صعوبه

ندي : Shocked انتي لحقتي تحكمي عليها و كمان مفيهاش اي صعوبه ريم ربنا يشفيكي يا حبيبتي

ريم : بس يا بت فين بيت الاستاذ ده خلي اليوم يعدي

ندي : قربنا اهه

و يوصلوا علي بيت الاستاذ متاخرين كعادتهم من ايام الاعدادي و يشاوروا للاستاذ من بعيد بعد ما يلاقوا المجموعه متكربسه علي الاخر مفيش مكان لنمله حتي تقف و يخرج الاستاذ

ريم : السلام عليكم

الاستاذ : و عليكم السلام

ريم : لو سمحت يااستاذ احنا اولي ثانوي و عايزين ناخد عند حضرتك درس ممكن ندخل؟

الاستاذ : و الساعه كام في ايدك؟

ريم في سرها : اهلا هي من اولها كده ربنا يستر
الساعه ا ا ا ه خمسه

خمسه و ربع

الاستاذ : و الميعاد الساعه كام؟

ريم : معلش يا استاذ هو كان في ظروف اخرتنا شويه

الاستاذ : و الله طيب اهي الاوضه عندك لو تعرفوا تدخلوا اتفضلوا

ندي : بس مفيش مكان خالص يا مستر

فاكره نفسها في درس الانجليزي عند المستر عبد المنعم عكاشه

الاستاذ : خلاص انا هعمل ايه؟؟؟

ريم : طيب مفيش مجموعه تانيه؟

الاستاذ : فيه بس بكره الساعه 2 الضهر يناسبكوا الميعاد ده؟

ندي : اها يناسبنا اوي نيجي بكره ان شاء الله مفيش مشكله

و ترجع ندي و ريم للبيت بخفي حنين و تاني يوم يتقابلوا بعد المدرسه و المره دي قرروا يروحوا بدري عشان يلحقوا مكان و بالفعل يروحوا بدري ربع ساعه عشان يلاقوا المفاجاه

ريم : بسرعه يا بنتي شويه عايزين نلحقلنا شبر نقعد فيه و لا حتي نقف

ندي : خلاص قربنا اهه مالوش لازمه بقي الجري لسه ربع ساعه

ريم : ايه ده Rolling Eyes الحقي ده في شباب معانا

ندي : ايه مين شباب لا يلا بينا نمشي لالالالا مش هدخل الدرس ده الاستاذ ده اساسا شكله عبيط مش داخله

ريم : استني ياختي هما يعني هيعملولك ايه

ندي : يعني ايه هيعملولي ايه لا يا ستي انا مبحبش اخد دروس مع شباب

ريم : يا بنتي استني بس يعني هو احنا لقينا مكان مع البنات و قلنا لا

ندي : طيب لما نشوف اخرتها

_________________________________________

و في نفس الوقت واقف من بعيد عمرو و معاه صاحبه اسلام عمرو شخصيه جميله اوي ممتاز في كل حاجه شخصيه قويه محترمه و في نفس الوقت شاطر جدا لكن مغرور شويه و ليه اصدقاء كتير اوي

عمرو : وله الــحق ده فيه معانا بنات

اسلام : يا عم فكك هما دول بنات

عمرو : يا سيدي اهم اسمهم بنات و خلاص
و فجاه و هو بيلف بعينه ناحيه البنات لمح ريم و ندي من بعيد

عمرو : اسلام

اسلام بيكلم احمد و سامح

عمرو : اسلالالالالالالالالالام

اسلام : ايه سرعتني في ايه؟

عمرو : خليك معايا هنا

اسلام : خير عاوز ايه؟

عمرو : شايف البنت اللي هناك دي

اسلام : فين دي ما هم اكتر من الهم عالقلب

عمرو :يا ابني البنت اللي هناك دي

اسلام : اللي لابسه نضاره؟

عمرو : نضاره ايه يله اللي جنبها

اسلام : اها مالها؟

عمرو : حلوه اوي

اسلام : يا راجل ايه ناوي تعلقها

عمرو : تصدق انك تافهه

اسلام : طيب يا عم المهم

و يفضل عمرو معلق مع ريم و يدخلوا الدرس و يفضل طول الحصه باصص لها و منزلش عينه من عليها

و في نفس الوقت

ـــــــــــــــــــــــــــــــــــــــــــــــــــــــــــــــــــــــــــــــــــ
ندي : بت يا ريم

ريم : امممممممم

ندي : بت

ريم : ايه في ايه؟

ندي : شايفه الواد اللي هناك ده؟

ريم : اي ولد؟

ندي : انت بتبصي فين ما تخليكي معاكي شويه

ريم : ايه يا ندي في ايه فين الواد ده؟

ندي : اهه هناك

ريم : اها ماله؟

ندي : طول الحصه منزلش عينه من عليا

ريم : طيب

ندي : هو ايه اللي طيب انتي رخمه علي فكره

ريم : ايه بس يا ندي اعمل ايه يعني

ندي : يا بنتي بقلك منزلش عينه من عليا ده امور اوي يا ريم

ريم : طيب يا ندي ربنا يسهل سبيني بقي اركز مع الراجل اللي عمال يبرطم ده و الله ما فاهمه منه اي حاجه يخربيته انا شكلي شيلت الماده لا ماده ايه انا شيلت السنه بحالها انا شكلي هحول صنايع

ندي : هههههههههه طيب ابقي حوليلي معاكي

و تخلص الحصه و تمشي ندي و ريم في طريقهم

و نكمل الحلقه الجايه
الرجوع الى أعلى الصفحة اذهب الى الأسفل
سنو وايت
سوبر ستار
سوبر ستار
سنو وايت


عدد الرسائل : 516
العمر : 37
تاريخ التسجيل : 06/01/2009

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالسبت مارس 14, 2009 12:42 pm

ايه يا نور دا



القصص دى يا ماما مينفعش فيها حلقات


بتتاخد كلها مره واحده



عموما

هنستنى باقى الحلقات


بس متتأخريش علينا يا قمر


وحمد الله عالسلامه
الرجوع الى أعلى الصفحة اذهب الى الأسفل
نور القمر
مشرف المنتدى الاجتماعي
مشرف المنتدى الاجتماعي
نور القمر


عدد الرسائل : 2939
العمر : 33
تاريخ التسجيل : 08/07/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالسبت مارس 14, 2009 5:58 pm

ههههههههههههههههه شكرا يا بنتي علي رايك

بس عالعموم انا عمري ما هقدر اكتبها كده مره واحده

دي مجرد هوايه بالف قصص في دماغي و عمري ما حكيتها لحد غير لنفسي

و لا بحب ابدااااااااااااااا امسك ورقه و قلم و اقعد اكتب لاني اساسا خطي وحش Very Happy

بجد بكرهه اوي الكتابه عشان كده قلت اتسلي و اسليكوا معايا و اهه الكيبورد ارحم من القلم

و مستحيل طبعا هقدر اكتب كل الاحداث مره واحده و يجيي في الاخر النت يفصل Shocked

ساعتها قليله هقتل حد عالعموم يا بنتي نورتيني يا بنتي و ميرسي ليكي

و لو عيزاني مش اكمل عادي اصله موضع مرهق اساسا و ساعات بيخنقني
الرجوع الى أعلى الصفحة اذهب الى الأسفل
khaldinho
عضو متميز
عضو متميز
khaldinho


عدد الرسائل : 234
العمر : 34
تاريخ التسجيل : 30/12/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالسبت مارس 14, 2009 7:32 pm

جااااااااامده يا نور بجد حلوه اوي


مستنين الباقي متتاخريش علينا
الرجوع الى أعلى الصفحة اذهب الى الأسفل
اسراء العطار
مشرف المنتدى الرياضي
مشرف المنتدى الرياضي
اسراء العطار


عدد الرسائل : 3301
العمر : 33
تاريخ التسجيل : 21/07/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالسبت مارس 14, 2009 8:25 pm

جامده موت يا نور تسلم ايدك


مستنين الباقي

بس بسرعه
الرجوع الى أعلى الصفحة اذهب الى الأسفل
عيون القلب
عضو
عضو
عيون القلب


عدد الرسائل : 20
العمر : 38
تاريخ التسجيل : 06/03/2009

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالأحد مارس 15, 2009 9:29 am

تسلم ايدك يا نور
الرجوع الى أعلى الصفحة اذهب الى الأسفل
اسراء العطار
مشرف المنتدى الرياضي
مشرف المنتدى الرياضي
اسراء العطار


عدد الرسائل : 3301
العمر : 33
تاريخ التسجيل : 21/07/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالأحد مارس 15, 2009 6:15 pm

يالاه يا بنتي عايزين الحلقه التانيه
الرجوع الى أعلى الصفحة اذهب الى الأسفل
احمد المهندس
مشرف المنتدى الترفيهي
مشرف المنتدى الترفيهي
احمد المهندس


عدد الرسائل : 1031
العمر : 35
الموقع : abnaaelnaweia.yoo7.com
تاريخ التسجيل : 02/08/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالأحد مارس 15, 2009 6:22 pm

والله انتى باشا يانوووووووووور

ايه يابنتي الحاجات الحلوة دي

لا بجد روعة ويلا كلملي الحلقة التانية
الرجوع الى أعلى الصفحة اذهب الى الأسفل
http://shallatelnaweia.yoo7.com
نور القمر
مشرف المنتدى الاجتماعي
مشرف المنتدى الاجتماعي
نور القمر


عدد الرسائل : 2939
العمر : 33
تاريخ التسجيل : 08/07/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالأحد مارس 15, 2009 6:42 pm

khaldinho كتب:
جااااااااامده يا نور بجد حلوه اوي


مستنين الباقي متتاخريش علينا


ميرسي يا خالود علي رايك منورني
الرجوع الى أعلى الصفحة اذهب الى الأسفل
نور القمر
مشرف المنتدى الاجتماعي
مشرف المنتدى الاجتماعي
نور القمر


عدد الرسائل : 2939
العمر : 33
تاريخ التسجيل : 08/07/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالأحد مارس 15, 2009 6:45 pm

اسراء العطار كتب:
جامده موت يا نور تسلم ايدك


مستنين الباقي

بس بسرعه

ميرسي يا قلبي ليكي

هكمل ان شاء الله
الرجوع الى أعلى الصفحة اذهب الى الأسفل
نور القمر
مشرف المنتدى الاجتماعي
مشرف المنتدى الاجتماعي
نور القمر


عدد الرسائل : 2939
العمر : 33
تاريخ التسجيل : 08/07/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالأحد مارس 15, 2009 6:50 pm

عيون القلب كتب:
تسلم ايدك يا نور


نورتيني عيون القلب و اهلا بيكي في المنتدي
الرجوع الى أعلى الصفحة اذهب الى الأسفل
نور القمر
مشرف المنتدى الاجتماعي
مشرف المنتدى الاجتماعي
نور القمر


عدد الرسائل : 2939
العمر : 33
تاريخ التسجيل : 08/07/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالأحد مارس 15, 2009 6:55 pm

احمد المهندس كتب:
والله انتى باشا يانوووووووووور

ايه يابنتي الحاجات الحلوة دي

لا بجد روعة ويلا كلملي الحلقة التانية


منورني و الله يا احمد شكرا علي رايك

و حاضر هنزلها بس النت مهيس دلوقتي

احتمال علي باليل كده ربنا يهدي النت

و من عيوني يا ايسو حاضر هنزله
الرجوع الى أعلى الصفحة اذهب الى الأسفل
meshmesh
مشرف المنتدى الديني
مشرف المنتدى الديني
meshmesh


عدد الرسائل : 402
العمر : 36
تاريخ التسجيل : 26/06/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالأحد مارس 15, 2009 9:04 pm

جميلة اوى يانور عجبتنى

بس يالا بقى عايزين نكمل

شوقتينى للحلقة التانية

اسلوبك حلو اوى

تسلم ايديك ياقمر
الرجوع الى أعلى الصفحة اذهب الى الأسفل
https://garelamar.yoo7.com
نور القمر
مشرف المنتدى الاجتماعي
مشرف المنتدى الاجتماعي
نور القمر


عدد الرسائل : 2939
العمر : 33
تاريخ التسجيل : 08/07/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالأحد مارس 15, 2009 10:03 pm

ميرسي يا مشمش علي رايك الجميل ده

نورتي المنتدي و ياريت متغبيش تاني عننا
الرجوع الى أعلى الصفحة اذهب الى الأسفل
نور القمر
مشرف المنتدى الاجتماعي
مشرف المنتدى الاجتماعي
نور القمر


عدد الرسائل : 2939
العمر : 33
تاريخ التسجيل : 08/07/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالأحد مارس 15, 2009 10:43 pm

الحلقه التانيه



خلصت الحصه و ريم مشيت في طريقها مع ندي و هما ماشين ندي مبطلتش كلام عن عمرو



ندي : ايه رايك يا ريم في الواد الامور اللي ورتهولك ده؟



ريم : اي ولد؟



ندي : معقوله يا ريم مش مركزه معايا خالص



ريم : يا هبله بهزر معاكي عارفه بتتكلمي عن الواد اللي اسمه عمرو



ندي : بجد اسمه عمرو اسمه حلو اوي يخربيته بس عرفتي منين؟؟



ريم : و عامله فيها ناصحه مش الاستاذ طلب من كل واحد يقول اسمه و لا انتي مش مركزه غير مع سي عمرو



ندي : اها صح و الله فعلا مش مركزه في حاجه



ريم : لا هتفلحي



ندي : بطلي رخامه بقي ..تفتكري ممكن يحصل ؟؟



ريم : ليه لا مش بتقولي طول الحصه منزلش عينه من عليكي و كمان عاجبك بس ربنا يستر و يطلع انسان محترم و كويس اصل انا عمري ما وثقت في اي ولد



ندي : لالالا شكله محترم اوي و ابن ناس



ريم : لما نشوف



___________________________



و في نفس الوقت عمرو مع اسلام بيتكلموا في نفس الموضوع



عمرو : بس البت ريم دي عسل وشكلها محترمه



اسلام : لحقت عرفت انها عسل و كمان محترمه ده انت معلق معاها جامد بقي ايه يا عم عمرو ده اللي بيسموه وقع علي بوذه من اول نظره



عمرو : شكلي كده يا اسلام البت مش راضيه تطلع من دماغي



اسلام : اها ما انا واخد بالي منزلتش عينك عليها من اول الحصه و صاحبتها اللي كانت معاها خدت بالها علي فكره



عمرو : بجد يعني ممكن يكونوا بيتكلموا عني دلوقتي



اسلام : انا عارف يمكن ليه لا



عمرو : يااااااااااارب



و اسلام يبصلوا باستغراب اوي



اسلام : طيب يا روميو



_________________________________





و تعدي ايام ورا ايام و عمرو كل يوم يتعلق بريم و مش عارف يكلمها ازاي و لا يوصلها ازاي اعجابه بيها و شايف انها و لا في دماغها و هيتجنن

و ندي مبقتش تتكلم عن حد غيير عن عمرو لحد ما بقت مهوسه بيه مبتفوتش موقف بيعمله عمرو الا و تعلق عليه لحد لما في يوم كان يوم جمعه و الاستاذ عبد المنعم بتاع الانجليزي لغي حصه الخميس و خلاها الجمعه الصبح و كالعاده ريم بتعدي علي ندي قبل الدرس





ريم : ايه ده يا ندي انتي ملبستيش ليه؟



ندي : انا مش هقدر اروح يا ريم النهارده الدرس



ريم : ليه



ندي : تعبانه شويه من ساعه ما صحيت اصلي منمتش كويس



ريم : طيب يا ندي الف سلامه انا همشي انا عاوزه حاجه؟



ندي : الله يسلمك هتروحي الدرس انتي لوحدك؟



ريم : اها هروح بقي هعمل ايه



ندي : طيب يا ريم سلام



و تمشي ريم في طريقها و قبل ما تعدي شارع ندي تلاقي المفاجأه

من بعيد تشوف ريم عمرو جاي من بعيد

ريم في سرها : ايه ده عمرو ..ايه اللي جابه هنا ده.. لالالالا اكيد مش هو. لا هو ..جاي يعمل ايه ده هنا.. يا عيني عليكي يا ندي كان لازم تتعبي النهارده.. يارب يعدي من تحت بيتها و تكون واقفه في البلكونه



_______________



عمرو برده في سره : الله اكبر ايه اليوم الحلو ده ..قال و انا صاحي مكسل و مش عاوز اروح الدرس ..بس بتعمل ايه هنا شكلها ساكنه هنا و لا ايه

و يقربوا من بعض و عمرو مش منزل عينه من عليها و ريم مستنيه يقرب و يعديها عشان تبص وراها تشوف هيمشي منين و ياتري هيعدي علي بيت ندي و لالا و فعلا يعدي عمرو



و تتلفت ريم وراها عشان تلاقي اللي مكنتش تتوقعه



ريم مع نفسها : ايه ده مش ممكن بيبص وراه ليه ده.. معقول لالالا مش ممكن يارب انا هتفلت تاني و اشوف يارب ما يتلفت وراه تاني

و تتلفت ريم تاني وراها و تلاقيه المره دي واقف و مش منزل عينه من عليها و مبتسم اوي ليها لحد لما عدت الشارع و هي هتتجنن مش عارفه ايه اللي بيحصل



ريم: ياربي ايه اللي ببحصل ده.. معقول انا.. لا طب و صاحبتي.. انا مش مصدقه ده بجد يارب اكون بحلم.. اعمل ايه اقولها ازاي بس لازم تعرف عشان تشيل الموضوع ده من دماغها يارب دبرني



_______________________



عمرو : ياااااااااااااااااااااه ريم بتبصلي.. ريم بصت وراها.. انا في حلم ده و لا ايه يا خرابي ده احلي درس و احلي يوم في حياتي انا بعد اللي حصل ده لازم اقولها مينفعش اسكت اكتر من كده لازم اتصرف



ــــــــــــــــــــــــــــــــــــــــــــــــــــــــــــــــــــــ



راحت ريم الدرس بتاعها و طول الحصه مش مركزه و لا عارفه هتعمل ايه و لا هتقول لندي ايه لحد لما قررت تعدي عليها بعد الدرس و ربنا بقي يلهمها بالكلام اللي هتقوله و فعلا بعد الدرس تعدي ريم علي ندي



ندي : كويس انك عديتي عليا قوليلي بقي اخدتوا ايه في الدرس؟



ريم منزلتش عينها من علي ندي و مش قادره ترد عليها



ندي : ايه يا ريم في ايه الاستاذ زعق علي غيابي و لا حاجه



ريم : لا بس في حاجه كده حصلت و لازم تعرفيها



ندي : ايه في ايه؟



ريم : اصل و انا ماشيه................



ندي : ها ايه اللي حصل؟؟



ريم : عمرو



ندي : ماله عمرو ايه شفتيه



ريم : اها شفته



ندي : بجد و الله يخربيت حظي عرفاه مقندل ..قوليلي بقي علي اللي حصل بالتفصيل



ريم : اصل اللي حصل مش عارفه احكهولك.. ازاي بصي يا ندي انا همشي دلوقتي و احكيلك بكره في المدرسه



ندي : استني هنا مش هتمشي الا لما تحكيلي ايه اللي حصل؟؟؟



ريم : بصي يا ندي انصحك معدتيش تفكري في عمرو ده تاني ده ميستاهلكيش انا حاسه انه مش محترم اساسا



ندي : ليه حصل ايه اتكلمي يا ريم



ريم : انا هقولك علي اللي حصل بس و الله و غلاوتك عندي انا ماليش ذنب و حياه ربنا انا عارفه انك مش هتصدقيني بس و الله ما هكدب عليكي في حاجه من اللي هقولها



ندي : طيب قولي



و تحكي ريم كل اللي حصل لندي



و نكمل الحلقه الجايه و نعرف رد فعل ندي علي كلام ريم كان ايه

الرجوع الى أعلى الصفحة اذهب الى الأسفل
اسراء العطار
مشرف المنتدى الرياضي
مشرف المنتدى الرياضي
اسراء العطار


عدد الرسائل : 3301
العمر : 33
تاريخ التسجيل : 21/07/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالإثنين مارس 16, 2009 8:18 pm

ائع ياباشا


بسرعه والنبي عشان اعرف اللي حصل بعد كده ومتخلنيش اضربك
الرجوع الى أعلى الصفحة اذهب الى الأسفل
khaldinho
عضو متميز
عضو متميز
khaldinho


عدد الرسائل : 234
العمر : 34
تاريخ التسجيل : 30/12/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالإثنين مارس 16, 2009 9:56 pm

جامده موت يا نور استمري

متابع معاكي للنهايه
الرجوع الى أعلى الصفحة اذهب الى الأسفل
سنو وايت
سوبر ستار
سوبر ستار
سنو وايت


عدد الرسائل : 516
العمر : 37
تاريخ التسجيل : 06/01/2009

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالثلاثاء مارس 17, 2009 9:46 am

انجزى يا نور مش كدا

جميله بجد
بس ممكن اطلب طلب

تطولى حلقاتك شويه
تسلم ايدك يا قمر
الرجوع الى أعلى الصفحة اذهب الى الأسفل
نور القمر
مشرف المنتدى الاجتماعي
مشرف المنتدى الاجتماعي
نور القمر


عدد الرسائل : 2939
العمر : 33
تاريخ التسجيل : 08/07/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالثلاثاء مارس 17, 2009 6:05 pm

و الله يا سنو وايت غصب عني

النت عندي زفت و شغال في كله تمام الا هنا انا فضلت فتره طويله اوي عشان انزل الحلقه دي

المنتدي بقي بطئ اوي معايا ساعات عشان بس اعمل تسجيل دخول اقعد نص ساعه و اكتر

و في الاخر اقفله و امشي

و بعدين و الله يا قمر انا مقسماها حلقات عشان نتسلي مش عايزه انزلها كلها مره واحده هتبقي بايخه

معلش استحمليني و انا هحاول اطول الحلقات بس قولي يارب النت يساعدني بس
الرجوع الى أعلى الصفحة اذهب الى الأسفل
نور القمر
مشرف المنتدى الاجتماعي
مشرف المنتدى الاجتماعي
نور القمر


عدد الرسائل : 2939
العمر : 33
تاريخ التسجيل : 08/07/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالثلاثاء مارس 17, 2009 6:09 pm

اسراء العطار كتب:
ائع ياباشا


بسرعه والنبي عشان اعرف اللي حصل بعد كده ومتخلنيش اضربك


ميرسي يا باشا و استحملي شويه معلش بجد النت قارفني و خصوصا هنا في المنتدي

مش عارفه فيه ايه
الرجوع الى أعلى الصفحة اذهب الى الأسفل
نور القمر
مشرف المنتدى الاجتماعي
مشرف المنتدى الاجتماعي
نور القمر


عدد الرسائل : 2939
العمر : 33
تاريخ التسجيل : 08/07/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالثلاثاء مارس 17, 2009 6:10 pm

khaldinho كتب:
جامده موت يا نور استمري

متابع معاكي للنهايه

منور يا كابتن ميرسي ليك
الرجوع الى أعلى الصفحة اذهب الى الأسفل
نور القمر
مشرف المنتدى الاجتماعي
مشرف المنتدى الاجتماعي
نور القمر


عدد الرسائل : 2939
العمر : 33
تاريخ التسجيل : 08/07/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالخميس مارس 19, 2009 6:01 pm

ريم: انا اسفه اوي يا ندي متزعليش مني بس كان لازم اقولك

ندي: بتتأسفي علي ايه يا ريم و انتي ذنبك ايه و بعدين كويس انك قولتيلي بدل ما أفضل عايشه في وهم

ريم: انا مش عيزاكي تزعلي عادي يعني و بعدين احنا لسه صغيرين و مسيرك هتلاقي واحد يحبك بجد

ندي: اه ان شاء الله و انتي هتعملي ايه؟

ريم: في ايه؟

ندي: مع عمرو

ريم: هعمل ايه يعني ..انا مالي و ماله

ندي: يعني ايه مالك و ماله ده شكله بيحبك اوي

ريم: انتي اتجننتي يا ندي بيحبني ده ايه و حتي لو بيحبني انا عمري ما هفكر فيه

ندي: ليه يا ريم انتي مش قلتي انه انسان كويس قبل كده و مفهوش عيب

ريم: ايوه بس ده اخر واحد ممكن ارتبط بيه

ندي : لا يا ريم مش للدرجادي انا شايفه انه لو جيه و اتكلم معاكي و قالك انه بيحبك مترفضيش و تضيعيه من ايديك

ريم: انا مش مصدقه اللي انتي بتقوليه ده واضح انك تعبانه انا همشي دلوقتي و انتي خلي بالك من نفسك

ندي: طيب يا ريم مع السلامه

و روحت ريم و مبطلتش تفكير في اللي حصل و في كلام ندي اللي مكنتش تتوقعه ابدا

ريم مع نفسها: ايه اللي بيحصل ده معقوله يكون بيحبني بجد و حتي لو كان بيحبني ازاي ندي تقول كده و هي بتحبه و الله شكلها ما كانت بتحبه و لا حاجه طب انا ممكن اعمل ايه لو بجد جيه و قالي ..لالالا طيعا هرفض دي مهما كان صحبتي و مش هخسرها عشان خاطر ولد..و بعدين انا اساسا عمري ما فكرت فيه و لا هفكر ..بس هي موافقه اني ارتبط بيه و مش ممانعه بالعكس دي بتشجعني..ايه ياريم انتي هتصدقيها هي اكيد بتقول كده عشان تقولك انها مش زعلانه
ايه ده انا مالي مكبره الموضوع كده ليه انا مش هفكر في حاجه ما يمكن اكون انا غلطانه انا هسيبها لربنا احسن



ـــــــــــــــــــــــــــــــــــــــــــــــــــــــــــــــــــ

عمرو روح البيت و فرحان هيطير من الفرحه و مش عارف يعمل ايه و راح جري عالتليفون اتصل باسلام

اسلام : ازيك يا عمور فينك ياد

عمرو : انا انا طاير في السما

اسلام : اشطا خير ياد مالك مبسوط كده ليه

عمرو : مش هتصدق

اسلام: مش هصدق ايه ارغي

عمرو : لالالا لازم اقابلك مش هينفع احكيلك في التليفون انا جايلك دلوقتي

اسلام : طيب مستنيك

و يروح عمرو لاسلام و يحكيله علي كل اللي حصل

اسلام: و الله العظيم بجد حصل كده

عمرو : اها و الله انا مش مصدق نفسي انا خلاص قررت اني هتكلم لازم اقولها اني بحبها اللي حصل ده شجعني اوي

اسلام: تمام يا معلم هو ده الكلام بس هتعمل ايه هتتصل بيها؟؟

عمرو: مش عارف لازم الاقي طريقه بس خايف اتصل بيها حد تاني يرد عليا

اسلام: انا عندي فكره

عمرو : ها قوووول

اسلام: عارف البت سمر اخت الواد سامح

عمرو: اها مالها دي بت رخمه اوي

اسلام: هي دي الوحيده اللي تقدر تعرفلك

عمرو : ازاي بقي يا فالح هروح اقولها و النبي روحي شوفي ريم بتحبني و لالا طب ما اروح لريم احسن و اقولها

اسلام : انت غبي يلا الواد سامح اخوها هنقوله و هو يقول لاخته و اخته تقولها

عمرو: اها صح تصدق فكره بس انا خايف من العيال دي الواد سامح ده اساسا مبينزليش من زور

اسلام: هو انت هتناسبه دي خدمه هيعملها و خلاص هتخلص

عمرو: طيب خلاص يلا بينا نروحله

اسلام : يلا بينا

ـــــــــــــــــــــــــــــــــــــــــــــــــــــــ

و يروحوا لسامح البيت و يتكلموا معاه و يقولوا علي الموضوع و يقول لاخته عشان توصلها الكلام تاني يوم في المدرسه و فعلا تاني يوم في المدرسه تروح سمر لريم و كانت معاها ندي

سمر: ازيكوا يا حلوين؟

ندي : اهلا ازيك انتي يا سمر

سمر : الحمد لله

ريم : خير في حاجه؟

سمر: بصراحه في موضوع كده عايزه اكلمك فيه ياريم و مش عارفه خايفه

ريم: خير يا سمر ارغي

سمر: هو اصل الواد اللي اسمه عمرو قال لسامح اخويا انه يعني

ريم: يادي النيله علي عمرو انه ايه يا ستي انجزي؟

سمر: انه بيحبك ....انا طبعا قلتله لا و ريم اكيد مش هتوافق و زعقتله بس هو امني اني اوصلك الكلام ها انتي ايه رايك؟

ريم: رايي في ايه ده واد عبيط انا مبفكرش في الحاجات دي وحتي لو بفكر ده اخر واحد ممكن افكر فيه

سمر: ايوه انا قلت كده برده

ندي: استني يا ريم في ايه بصي يا سمر قوليله هي هتفكر

ريم في زهول: هفكر في ايه انتي كمان بطلي يا ندي انا مش فيقالك و الله

ندي : زي ما قلتلك يا سمر قوليله هي هتفكر

ريم: لا ده انتي اكيد مجنونه

سمر: في ايه يا جماعه ما تفهموني اقوله ايه بالظبط في ايه يا ندي ؟ ما تفهميني يا ريم

ندي : روحي دلوقتي يا سمر و انا هفهمك بعدين

سمر : طيب و الواد ده اقوله ايه؟

ريم : قوليله لا

ندي : قوليله زي ما قلتلك يا سمر متسمعيش كلام ريم و بعدين روحي بقي انا قلتلتك هفهمك بعدين

سمر: طيب سلام

ريم: ايه يا ندي اللي بتعمليه ده مين قالك اني عايزه ارتبط بحد

ندي: انا مش عيزاكي تتسرعي يا ريم الولد كويس و انتي قولتي عليه قبل كده محترم و ابن ناس

ريم: انتي ناسيه انك كنتي....

ندي: كنت ايه؟؟؟ علي فكره اللي انا كنت فيه ده كان مجرد اعجاب مش اكتر انا عمري ما حبيت حد و انتي عارفه

ريم : بس يا ندي

ندي: خلاص بقي ياريم عشان خاطري

ريم : طيب يا ندي

ـــــــــــــــــــــــــــــــــــــــــــــــــــــــــــــــــ

راحت سمر لسامح اخوها ووصلتله ان ريم رافضه الموضوع تماما و انها مش هتقبل ترتبط بيه و لا بغيره و ان ندي صاحبتها كمان اكدت علي كلامها ده

و طبعا راح سامح و قال الكلام لعمرو

عمرو: ايه اللي انت بتقوله ده رافضه ليه الموضوع يعني اوي كده

سامح: انا عارف اهه اللي حصل

عمرو في سره: مش ممكن بس اللي شفته غيره كده

سامح: بتقول حاجه يا عمرو؟؟

عمرو : لا مفيش خلاص شكرا يا سامح

و سابه و مشي و قرر انه لازم يكلم ريم هو بنفسه و مسكتش غير لما جاب رقم تليفونها و فعلا اتصل بيها

ريم: الو مين معايا؟

عمرو مش عارف ينطق

ريم: الو و بعدين بقي

عمرو بصوت مش طالع : الو

ريم: مين معايا؟

عمرو و بدا يتماسك شويه: انتي ريم؟

ريم: نعم ايوه انا ريم انت مين؟

عمرو : انا ....انا....عمرو

ريم من صدمتها مقدرتش ترد

عمرو: ريم لو سمحتي متقفليش السكه

ريم: عاوز ايه يا عمرو؟

عمرو: انا عاوز اقولك حاجه واحده بس و بعد كده لو عوزاني اقفل و متصلش تاني انا موافق

ريم: اتفضل قول

عمرو: انا بحبك و صدقيني بجد انا مش بضحك عليكي و لا انا زي الولاد التانين انا بجد حبيتك اوي يا ريم من اول مره شفتك فيها و كان نفسي اقولك من زمان بس مكنتش عارف اوصلك ازاي

ريم ساكته و مبتنطقش

عمرو: انا مش عاوزك تردي عليا دلوقتي بس عاوزك تقوليلي لو فيه امل انك توافقي قوليلي لو مفيش قولي برده عشان متصلش بيكي تاني

ريم: مش عارفه اقولك ايه يا عمرو بس

عمرو: عشان خاطري يا ريم فكري صدقيني مش هتندمي انا بحبك بجد

كلمه بحبك دي كانت بتهز في كيان ريم لدرجه انها ماكنتش بتقدر تنطق بعدها

عمرو: ارجوكي متسكتيش ردي عليا في امل و لا؟

ريم: خلاص يا عمرو سبني افكر و هرد عليك

عمرو: و الله العظيم يعني هتفكري بجد طب اتصل بيكي تاني امته بكره و لا النهارده باليل

ريم: ايه ايه بكره ايه و باليل ايه يعني سبني يومين كده

عمرو: خلاص النهارده الاحد اتصل بيكي الثلاثاء

ريم: لا خليها الاربعاء

عمرو : حاضر هتصل هتصل زي دلوقتي كده ماشي

ريم: اوك سلام بقي

عمرو: سلام يا احلي ريم

ريم قفلت معاه و كانت طايره من الفرحه و مش عارفه هي فرحانه كده ازاي و ليه
و فجأه افتكرت اللي قلب الفرحه دي لعكننه و دموع افتكرت ندي

ريم مع نفسها: ايه اللي انا عملته ده طب و ندي انا اكيد اتجننت انا غبيه ازاي اعمل كده دي ندي صحبتي و عمرها ما زعلتني اقوم انا اعمل فيها كده لا انا مش ممكن هقبل الموضوع ده مش هكمل فيه و مش هوافق..بس هي اللي شجعتني علي كده مش شفتي امبارح قالت ايه لسمر في المدرسه وقالتلي انا ايه...و انتي ما بتصدقي دي كانت تعبانه و زعلانه و حبت تبينلك انها عادي مش فارق معاها..مش عارفه اعمل ايه انا لازم احكي لحد و اخد رايه

و فعلا خطر علي بالها صحبتها الجميله شهنده و قررت تتصل بيها و تروحلها

شهنده دي بنت جميله اوي في كل حاجه اخلاق و ادب و احترام و كمان بتحب ريم اوي و بتعتبرها صديقتها الوحيده و ريم كمان بتحبها اوي و هتكمل معانا لنهايه الحلقات و هتكون بطله اساسيه

تتصل ريم بشهنده و تتطلب منها انها تقابلها

و بالفعل تروح ريم لشهنده البيت و تتكلم معاها و تحكيلها علي اللي حصل

ريم: انا بجد محتاره اوي يا شهنده شايفه ان مش من حقي ارتبط بيه و لا افكر حتي في كده

شهنده: بصي ياريم اولا اللي حصل ده حاجه عادي و ممكن تحصل لاي حد
ثانيا ندي هي اللي ضغطت عليكي و رد فعلها كان عكس ما توقعتي خالص
و ده ان دل يدل انه عمرها ما حبت عمرو و ان اللي كانت فيه مجرد اعجاب مش اكتر
ثالثا انتي بتقولي انك معجبه بيه و انه انسان كويس يبقي ايه المانع

ريم: انا خايفه ندي تكون بتقول الكلام ده من ورا قلبها

شهنده: زي ما قلتلك كده ندي لو كانت حبت عمرو بجد مستحيل هيكون ده رد فعلها صدقيني انا

ريم: يعني انتي رايك اوافق

شهنده: برده فكري كويس و قولي لندي و شوفي رايها

ريم: يعني انا لو وافقت مش هتبقي خيانه لصحبتي

شهنده: هتبقي خيانه ليها لو هي رفضت العلاقه دي و هي مش رافضه و عالعموم اساليها تاني

ريم: بجد انتي ريحتيني اوي يا شهنده ربنا يخليكي ليا يارب

شهنده: و يخليكي ليا يا قمر

___________________________

طبعا بعد حوارات كتير و بعد ما اخدت راي ندي و رحبت اوي و مااعترضتش وافقت ريم انها ترتبط بعمرو و طبعا كان طاير من الفرحه و فضلوا مرتبيطين ببعض فتره طويله و في يوم ــــــــ

نكمل بقي الحلقه الجايه

سلاموووووووووووز

الرجوع الى أعلى الصفحة اذهب الى الأسفل
سنو وايت
سوبر ستار
سوبر ستار
سنو وايت


عدد الرسائل : 516
العمر : 37
تاريخ التسجيل : 06/01/2009

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالجمعة مارس 20, 2009 2:50 pm

راثع يا نور


تسلم ايدك يا قمر
الرجوع الى أعلى الصفحة اذهب الى الأسفل
نور القمر
مشرف المنتدى الاجتماعي
مشرف المنتدى الاجتماعي
نور القمر


عدد الرسائل : 2939
العمر : 33
تاريخ التسجيل : 08/07/2008

قصـــــــ اسيره الاحزان ____ة Empty
مُساهمةموضوع: رد: قصـــــــ اسيره الاحزان ____ة   قصـــــــ اسيره الاحزان ____ة I_icon_minitimeالجمعة مارس 20, 2009 5:38 pm

ميرسي ليكي يا قمر نورتيني

و طولت الحلقه عشان خاطرك و الله
الرجوع الى أعلى الصفحة اذهب الى الأسفل
 
قصـــــــ اسيره الاحزان ____ة
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
جار القمر :: *****الــمـــنـــــتــــدى الاجتــــــمــــاعــــــي***** :: المنتدى الترفيهي :: الألعاب والمسابقات-
انتقل الى: