جار القمر

أهـلاً وسهـلاً بكَ يـا زائر فى منتدى جار القمر
 
الرئيسيةاليوميةس .و .جبحـثالتسجيلدخول

شاطر | 
 

 إعلان للفقراء فقط ...

اذهب الى الأسفل 
كاتب الموضوعرسالة
اسراء العطار
مشرف المنتدى الرياضي
مشرف المنتدى الرياضي
avatar

عدد الرسائل : 3301
العمر : 28
تاريخ التسجيل : 21/07/2008

مُساهمةموضوع: إعلان للفقراء فقط ...   الأربعاء يناير 07, 2009 1:00 pm

إعلان للفقراء فقط
اقرااااا للأخـــــ ــر



الموضوع كبر يا جدعان.. كل يومين يطلع إعلان مستفز ونقول ماشى.. مش مشكلة.. هوجة الإعلانات اللى بتتحدى الملل جابت لنا شلل رعاش وصبرنا وقلنا ماشى..أهو كله بثوابه عند ربنا باعتبار اننا بنصبر على المكروه.. هوجة إعلانات الزبادى اللى خلت الطفل يسرق ويكذب ويتشقلب ع الحيطة عشان يحلق لابوه وياخد علبة زبادى.. وقلنا ماشى..الحكومة عايزة تعلمنا القواعد الجديدة لكى تعيش فى هذه البلد وهى "ماتقولش إيه ادتنا مصر .. قول هننهب إيه من مصر"..وللا إعلان شيبسى فوكس اللى من يوم ماشفته بقيت باروح أشترى شيبسى أجيب كل نوع ماعدا فوكس ده أسيبه زى الكلب على الرف .. أظن اللى عامل الإعلان ده شركة منافسة لفوكس يعنى..وللا إعلان سيراميكا رويال اللى جايبين سعادة الباشا مهند عشان يضحك للكاميرا ويرطن بالأجنبى ويقول مملكة من الجمال.. طب حد فاهم هوه بيقول إيه؟؟ مش ممكن يكون بيقول سيراميكا رويال.. ليه انتوا مابتستحموش؟؟.. كان الأحسن يعلموه يقول الجملة بالعربى عشان نفهم زى البت الصينية لما بتيجى تبيع حاجات للشقق وتقول " أندى هاجات هلوة"!!
وللا إعلانات السياحة الجديدة اللى محسسينا اننا عالة على السياح أساسا والبت الأجنبية تقول لك: إننى لا استطيع أن أعيش بحرية فى هذه البلد..طب ما إن شالله ماعشتى انت وأهلك هنا يعنى.. ماتغورى وتريحى نفسك من الناس الزبالة اللى زينا.. هوه احنا بنستفيد منكم حاجة.. كل شوية يقول لك إيراد مصر من السياحة يضرب رقما قياسيا واحنا مش عارفين نشترى ساندويتش فول عشان بقى بجنيه وربع..وبعدين معروف أصلا ان مصر سياحة درجة تالتة.. يعنى السياح النضاف بيروحوا أسبانيا وفرنسا ولبنان كمان.. إنما السياح بتوعنا دول يبقوا عم مايكل بتاع المكواة اللى ف نيويورك..والست إليزابيث اللى بتبيع فى العتبة والشواربى بتوع هولندا..وعم فرناندو بتاع وصلة الدش المركزى اللى ف لندن.. ناس مننا وعلينا يعنى.. يبقى بلاش فزلكة بقى !!
المهم كل الحاجات دى لذيذة وبنعديها إنما الإعلان الأخير ده ياجماعة اللى مش هيعدى بالساهل أبدا.
عيل صغير "بس نضيف قوى بصراحة" ييجى ويقول لك: أنا باحب الصيف عشان بانزل البيسين.. وواحدة تانية: أنا باحب الصيف عشان باتفسح فى ملعب الجولف.. والتالتة: أنا باحب الصيف عشان باروح اشترى من أكبر مول..وكل واحد جايب أسباب حضرته فى إنه "اسم النبى حارسه وصاينه" بيحب الصيف.
ده كله عشان مكان جديد للمعيشة طبعا مش لينا احنا .. ليهم يعنى.. هوه انت عمرك شفت بيسين عشان تنزل فيه ياعم؟؟
طبعا احنا مش بنقر على العالم دى اللى بتنزل البيسين _هوه يعنى إيه بيسين أصلا؟؟.. أكيد حاجة بتتنزل يعنى_ ولا على الأمورة اللى بتتفسح ولا على الست هانم اللى بتروح تشترى وناسية ان ازازة الزيت بحداشر جنيه !!
وهما دول بيفرق معاهم زيت؟؟ دول لو طبخوا بزيت البترول برضه مش هيأثر معاهم !!
أنا بس غرضى اقول ان الإعلانات دى مش لينا فبلاش منها.. يعنى قاعدين نتكلم عن الفتنة.. وفيه فتنة أكبر منها على شفا حفرة .. وهيه الفتنة البيسينية.. يعنى اشمعنى الواد ده ينزل البيسين وانا لأ؟؟ مما سيؤدى إلى إن أنا هاروح افجّر البيسين ده اللى انا مش عارف هوه ايه.. وتكبر المسألة.. وتنقسم البلد فريقين .. فريق اللى عنده بيسين وفريق اللى مش بيستحمى أساسا.. وتكبر الفتنة .. ويظهر فى الخارج فريق "بيسينات المهجر" وفريق "اتحاد البيسينات" والموضوع يكبر !!

ولهذا ومنعا لكل ما سيحدث فأنا عملت إعلان موازى لهذا الإعلان .. وزى ما إعلانهم خاص بالأغنيا بس.. أنا إعلانى خاص بالفقرا بس _يعنى أنا وانت حضرتك_ وهيكون على هذا المنوال:
يبدأ الإعلان بصورة من أعلى على شارع فيصل والعربيات واقفة والطريق مقفول والناس مش طايقة بعض..والجو رهيب والناس بتقع من الحر..
ثم تبدأ لقطات الإعلان:
- عيل هدومه مقطعة وقاعد يشحت وبيقول للكاميرا وهو بيبتسم: أنا باكره الصيف عشان السبوبة بتقل
- بنت ناكشة شعرها وواقفة قدام الحمام وقرفانة وبتقول: أنا باكره الصيف عشان المية بتبقى مقطوعة
- موظف فى المترو فى إيده الجرنال ونص كيلو موز وبيضحك وبيقول: أنا باكره الصيف عشان الدنيا زحمة
- سيدة عجوزة واقفة فى موقف الأتوبيسات فى عز الضهر وبتزغرط وبتقول : أنا باكره الصيف عشان مفيش مواصلات .. لولولولولولوى
- بنت ستايل فى الجامعة اصحابها مش راضيين يقربوا منها .. بتقول : انا باكره الصيف عشان العرق !!
وفى الآخر ييجى صوت المذيع : انت كمان انضم لينا عشان تكره الصيف..
انضم لأكتر من سبعين مليون مصرى بيكرهوا الصيف.. وبأقل الأسعار



للاسف منقول

بس بجد اللى قرااه كله

بجد حاجه تحفه ونطلع منها بافكاار كتييييييير

مستنيه رآى كل وااحد

-

_________________
بضـــــــــحك اوي علي كل يوم ضاع من حياتي في حبي ليك

بضحك اوي معقوله كنت زمــــــــان بعلق نفسي بيك

معرفش داقت بيا ولا جراللي ايه انا احبك انت وانت فيك يتحب ايه

مانت اهه قدام عنيا بالكتير تصعب عليا

فهمت حاجه ولا هجرح تاني فـــــــــــيك

بضحك اوي بقه جاللي وقت انا كنت فيه دايبه في هواك

بضحك اوي كان ايه غاصبني اختارك انت واعيش معاك

ده انا لو مفيش في الدنيا غيرك والحياه مش انت ابدا اللي ممكن اعيش معاه

ب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
melo
المشرف العام
المشرف العام
avatar

عدد الرسائل : 2255
العمر : 33
تاريخ التسجيل : 25/06/2008

مُساهمةموضوع: رد: إعلان للفقراء فقط ...   الأربعاء يناير 07, 2009 6:01 pm

ههههههههههههههههههههههه

بجد الموضوع دمه خفيف جدااااااااااااااااااااااا

_________________




















الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسراء العطار
مشرف المنتدى الرياضي
مشرف المنتدى الرياضي
avatar

عدد الرسائل : 3301
العمر : 28
تاريخ التسجيل : 21/07/2008

مُساهمةموضوع: رد: إعلان للفقراء فقط ...   الأربعاء يناير 07, 2009 7:36 pm

ميرسي يا جميل عالمرور

_________________
بضـــــــــحك اوي علي كل يوم ضاع من حياتي في حبي ليك

بضحك اوي معقوله كنت زمــــــــان بعلق نفسي بيك

معرفش داقت بيا ولا جراللي ايه انا احبك انت وانت فيك يتحب ايه

مانت اهه قدام عنيا بالكتير تصعب عليا

فهمت حاجه ولا هجرح تاني فـــــــــــيك

بضحك اوي بقه جاللي وقت انا كنت فيه دايبه في هواك

بضحك اوي كان ايه غاصبني اختارك انت واعيش معاك

ده انا لو مفيش في الدنيا غيرك والحياه مش انت ابدا اللي ممكن اعيش معاه

ب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
meshmesh
مشرف المنتدى الديني
مشرف المنتدى الديني
avatar

عدد الرسائل : 402
العمر : 30
تاريخ التسجيل : 26/06/2008

مُساهمةموضوع: رد: إعلان للفقراء فقط ...   الخميس يناير 08, 2009 12:26 am

لولوولولوولولوولولولوولولولوولولولوولولولوولولوولولولوولوولى

_________________
[img]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://garelamar.yoo7.com
اسراء العطار
مشرف المنتدى الرياضي
مشرف المنتدى الرياضي
avatar

عدد الرسائل : 3301
العمر : 28
تاريخ التسجيل : 21/07/2008

مُساهمةموضوع: رد: إعلان للفقراء فقط ...   الأربعاء يناير 14, 2009 10:06 pm

هههههههههههههههههههه

عقبال فرحك يا ام احمد ان شاء الله
ازغردلك يوم فرحك وهعملك اعلان زي كده

تسلمي عالمرو يا قمر

_________________
بضـــــــــحك اوي علي كل يوم ضاع من حياتي في حبي ليك

بضحك اوي معقوله كنت زمــــــــان بعلق نفسي بيك

معرفش داقت بيا ولا جراللي ايه انا احبك انت وانت فيك يتحب ايه

مانت اهه قدام عنيا بالكتير تصعب عليا

فهمت حاجه ولا هجرح تاني فـــــــــــيك

بضحك اوي بقه جاللي وقت انا كنت فيه دايبه في هواك

بضحك اوي كان ايه غاصبني اختارك انت واعيش معاك

ده انا لو مفيش في الدنيا غيرك والحياه مش انت ابدا اللي ممكن اعيش معاه

ب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
meshmesh
مشرف المنتدى الديني
مشرف المنتدى الديني
avatar

عدد الرسائل : 402
العمر : 30
تاريخ التسجيل : 26/06/2008

مُساهمةموضوع: رد: إعلان للفقراء فقط ...   الخميس يناير 15, 2009 1:00 am

عقبال عندك ياام فاروق نادرا عليا لزغردلك واعملك سبع ليال

_________________
[img]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://garelamar.yoo7.com
اسراء العطار
مشرف المنتدى الرياضي
مشرف المنتدى الرياضي
avatar

عدد الرسائل : 3301
العمر : 28
تاريخ التسجيل : 21/07/2008

مُساهمةموضوع: رد: إعلان للفقراء فقط ...   الخميس يناير 15, 2009 3:54 pm

لا يا ام احمد هو يوم واحد بس يااختي

وانتي الاول

_________________
بضـــــــــحك اوي علي كل يوم ضاع من حياتي في حبي ليك

بضحك اوي معقوله كنت زمــــــــان بعلق نفسي بيك

معرفش داقت بيا ولا جراللي ايه انا احبك انت وانت فيك يتحب ايه

مانت اهه قدام عنيا بالكتير تصعب عليا

فهمت حاجه ولا هجرح تاني فـــــــــــيك

بضحك اوي بقه جاللي وقت انا كنت فيه دايبه في هواك

بضحك اوي كان ايه غاصبني اختارك انت واعيش معاك

ده انا لو مفيش في الدنيا غيرك والحياه مش انت ابدا اللي ممكن اعيش معاه

ب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
إعلان للفقراء فقط ...
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جار القمر :: *****الــمـــنـــــتــــدى الاجتــــــمــــاعــــــي***** :: الملتقى العام-
انتقل الى: