مناقشات شباب وبنات جار القمر .. حرية ، صراحه ، جرئة .

مافيش اكتر من مشاكلنا كشباب او بنات . كل واحد فينا ليه رئي وسبب ووحل

تفتكرو لو الحلول والاسباب دي كلها اتجمعت قصادنا مش ممكن نطلع بنتيجه ايجابيه جدا

كتير منا افكاره شبه خاطئه ممكن يغيرها لو اتعرف على اراء تانيه


من الافضل ان تكون افكارنا ورئينا في اى مشكله تواجهنا تكون صحيحه ميه فالميه


هنا هنحل مشاكلنا بنفسنا كل فتره هنجيب مشكله من مشاكل العصر الى بتقابلنا دايما

سواء كلام بيتقال عننا كشباب او بنات سواء عن نظره المجتمع لينا كافراد فيه سواء عن حركتنا وحريتنا وحقوقنا ..

هنتكلم عن كل شئ وبحريه شديدة وصراحه اكتر

اي حد فينا مش شرط انا يجيب موضوع يهمنا كشباب ونبتدي نشوف حل ليه او نتناقش بصفه عامه حول الموضوع ده واكيد بدون شك كلنا هنستفيد من اراء بعض
واذا كنا مش عارفين نوصل لحق نااخده ... فمن حقنا نعبر عنه .










خلونى ابدا معاكو بموضوع اعتقد انه يهم كل واحد فينا جدا


نظرة المجتمع لينا كشباب وبنات

كتير ما بنسمع كلمة

دي شباب فاضيه . دي شباب تافهه . دي شباب عمرو دياب وتامر حسنى . دي شباب .... وهكذا

ياريت نتناقش ونشوف اذا كان الراي ده صح او لالا

موضوع جدا رائع يااسراء

تسلم ايدك فعلا فكرة جميلة جدا اننا نتجمع فى مكان واحد ونقول أرانا وافكارنا ونحل مشاكلنا

وياريت نقدر نعبر عن وجهة نظر كل واحد فينا بشكل من الحرية والصراحة

فعلا يااسراء المجتمع كله دلوقتى بينظر للشباب على انهم فاضيين وانهم جيل الاغانى الهايفة والهابطة

بس السؤال هنا لية هما بيقولوا علينا كدة لية شايفنا تافهين لية شايفنا عايشين بلا هدف ؟


يمكن لاننا فعلا او بمعنى اصح ناس كتير مننا ملهاش هدف عايشين بلا هدف فى الحياة عايشين ياكلوا ويشربوا ويخرجوا ويتسلوا وبس انا مبقولش الشباب كلهم كدة انا بقول على فئة من الشباب اللى عايشين كدة

رغم ان على الجانب الاخر هنلاقى شباب كويسين جدا عايشين علشان يحققوا احلامهم اللى عاشوا يحلموا بيها ويتمنوا يحققوها ويحققوا اهدافهم اللى وضعوها امامهم على مرمى البصر علشان يوصلولها وكل مايوصلوا لهدف ويحققوا حلم يحلموا اكتر واكتر

ياريت كل واحد مننا يبقى عارف هو عايز اية وعايش ليه وبيحلم باية وهدفه اية وازاى يحقق احلامة ويوصل لاهدافة

وشكرا مرة تانية يااسراء

ميرسي اوي يا مشمش علي كلامك الجميل لانه بجد هادف وموضوعي

ميرسيه يا اسراء علي الموضوع الجميل

و انا بتفق مع مشمش في كلامها

و بصراحة في شباب ما ينفعش يتقال عليهم حاجة غير أنه شباب تافه

وفي نفس الوقت في ناس محترمة و بتتحمل المسئولية

بس السيئة تعم و الصورة الغالبة علي الشباب دلوقتي هيا الهيافة

و ميرسيه يا اسراء

ميرسي ياق مر علي مرورك الجميل

فعلا ميلو قالت كلمه مهمه هى
ان الحسنه بتخص والسيئه بتعم
وهو دا اللى حاصل فى مجتمعنا
واخد الكويس بذنب الوحش
ويارب كل الشبابيغيرو الفكره دى عننا بقى
وميرسى على فكره الموضوع دا لاننا بجد محتاجين اننا نتناقش مع بعض عشان نقدر نتعرف على عيوبنااللى يمكن شايفين انها صح

اولا احب اشكر ميلو شكر خاص علي تثبيت الموضوع لان الموضوع جميل ومينفعش يتساب لانه كل هدفي ان احنا نشوف اللي بيفيدنا كشباب وايه اللي عايزينه وايه اللي شايفينه صح وغلط ونقدر احنا نخليه مميز او نعمل حاجه جديده

وميرسي ليكي يا سنو وايت علي رايك الجميل

دلوقتي يا شباب نختار موضوع متهيالي بقينا نسمعه كل شويه وموجود في بيت كل واحد فينا

البــــــــــــــــــــــطاله
ياريت كل واحد يدخل يناقش الموضوع ده معانا

اولا من حيث اسباب البطاله

كيفيه القضاء علي البطاله

وكل حاجه احنا نعرفها عن البطاله والحلول اللي شايفينها كشباب عشان نقضي عالبطاله

ياريت كل واحد يفيدنا برايه

تسلم ايدك يااسراء على الموضوع وهو فعلا بقى فى كل بيت موجود شخص او اتنين قاعدين ومن غير شغل

اولا كلنا عارفين ان كل سنة الجامعات بتخرج ملايين الطلاب ومش كل اللى بيتخرج هيلاقى شغل بمعنى ان كل واحد يتخرج عايز يشتغل فى الحكومة وبس مبيفكرش فى اى شئ تانى

اسباب البطالة ان الشباب عايزين يقعدوا والشغل يجى لحد عندهم مش عايزين يتحركوا ولا يدوروا

وان دوروا شوية وملاقوش يزهقوا ويقولوا مفيش كل واحد عايز يقعد على مكتب وبس لكن مش عايز يتعب شوية علشان يستريح بعد كدة

رغم ان فى شباب بيفكروا بعقلهم وعايزين يشتغلوا مش مهم بقى اية الشغل مادام شغل شريف

المهم انهم يشتغلوا ويتعبوا علشان يحققوا ذاتهم

مش زى شباب كتير قاعد مستنى المكتب والمكيف لما بقى يبقى يجى لحد عنده

لية ميفكروش يشتغلوا اى شغل مش لازم اللى هما بيحلموا بيه وان شاء الله هيجى الوقت اللى هيحققوا فيه حلمهم بالصبر والايمان والعمل

ازاى بقى نقضى على البطالة فدة فى ايد الشاب نفسة يفكر بعقله ويبص لغيرة عمل اية بس فى الصح وبس

وازاى يقدر يساعد نفسه ويتحدى الدنيا وزى مابيقولوا يشتغل فيها بايدة وسنانه علشان يحقق ولو جزء من حلمه بدل ماينسف الحلم كله

معلش طولت عليكوا بس يمكن يكون دة رايى انا واللى قدرت اقوله واحب اسمع رايى بقيه الاعضاء

وميرسى مرة تانية يااسراء على طرحك للموضوع

ميرسي اوي اوي يا مشمش علي رايك الرئع ده

وميرسي عالمرور وياريت كل الاعضاء يدخلوا لانه موضوع مهم جدا