جار القمر

أهـلاً وسهـلاً بكَ يـا زائر فى منتدى جار القمر
 
الرئيسيةاليوميةس .و .جبحـثالتسجيلدخول

شاطر | 
 

 اوعى تقف لبنت فى المترو

اذهب الى الأسفل 
كاتب الموضوعرسالة
احمد المهندس
مشرف المنتدى الترفيهي
مشرف المنتدى الترفيهي
avatar

عدد الرسائل : 1031
العمر : 29
الموقع : abnaaelnaweia.yoo7.com
تاريخ التسجيل : 02/08/2008

مُساهمةموضوع: اوعى تقف لبنت فى المترو   الأحد أكتوبر 26, 2008 11:27 pm

بسم الله الرحمن الرحيم









مساء الجمال يا شباب

نخش ف الموضوع ع طول

ياجماعة احنا لازم نعمل وقفة .. من اللى هيه كده





دلوقتى الأخت سحر الجعارة تطلع تقول ان المرأة لها نفس حقوق الرجل في المجتمع،



والأخت إيناس الدغيدى تطلع تقول ان الراجل همجى مش بيعرف في المرأة غير جسمها،




والأخت إقبال بركة تقول إن مصدر جمال المرأة هو عقلها مش جسدها ولازم التعامل معاها كعقل بدون النظر إلى الجسد هيه عاملة فيه ايه.. ده باعتبار ان الواحدة تبقى ماشية في الشارع وواحد بقى يعاكسها يا ابو عقل جامد..ياواد انت ياابو مخيخ ..حوش شعرك عشان نشوف جمال عقلك يا قمر
والواحد بقى يكلم صاحبه وهما شايفين بنت ماشية..شفت ياد العقل اللى لابس أحمر ده؟؟ !!
كل الكلام ده ماشى



والأخت هالة سرحان بيجيلها تخلف عقلى لو سمعت ان راجل قال لمراته حضَّرى العَشا..باعتبار ان العشا رجس من عمل الشيطان !!




والأخت العزيزة سعاد حسنى تقول البنت زى الولد ماهيش كمالة عدد..ومش عارف مين قال ان البنت كمالة؟؟ !!
البنت طبق كشرى بحاله من الكبير ابو تلاتة جنيه.. زيه زى الولد بالظبط




والأخت عبير صبرى ربنا يهديها تقول ازاى الراجل المتوحش القاسى التنين اللى بيطلع نار من مناخيره بيتعامل مع الأنثى اللى هيه نسمة ماشية ع الأرض يا ولداه !!



طبعا انا باعدى الكلام ده لأنى عارف الولد المحترم بيعامل البنت المحترمة ازاى.. والزوج المحترم بيعامل الزوجة المحترمة ازاى ومش محتاجين نصايح اسم الله على جمالهم وأدبهم اللى فاتوا

المشكلة بقى مادام بيقولوا البنت زى الولد.. ليه الولد بيقف في المترو عشانهم بقى؟؟ أيوة اوعى تمشى استنى..دى مشكلة كبيرة مش صغيرة..يعنى الولد لما يركب المترو كام مرة في اليوم وكل مرة اكتشف انه لازم اقف عشانهم تبقى مشكلة





يدخل المترو في أمان الله ويقعد بعد جهد جهيد وهو شايف واحدة موظفة مع صاحبتها راجعين من الشغل وصحتهم زى الفل.. وقاعدة تحكى لها ازاى تعمل محشى الكوسة وقاعدة تقور في الهوا يمين وشمال عشان يبقى الشرح عملى وصوتها عالى.. واول ما تدخل المترو تلاقى الشلل الرعاش حلّ عليها.. وعينيها مش قادرة تفتح من الإرهاق وتيجى هيه وصاحبتها قدامه بالظبط وتعلـّى صوتها



وتقول لصاحبتها:


معدتش باقدر أقف كتير يا سنية..


ترد عليها زميلتها واللبانة ف بقها:



ومين سمعك يا حبيبتشى..


الدكتشور قال لى انى لو وقفت على رجلى خمس دقايق هارجًّع ع اللى قدامى علطول





وللا البنت اللى لسة شباب.. تبقى قاعد لا بيك ولا عليك وتلقى المحروسة داخلة المترو .. بنت حلوة وشعرها ع الخدود يهفهف ويرجع يطير.. وتيجى تقف قدامك.. وفجأة تفضل تظبط شعرها وترميه ورا ضهرها زى إعلان صابون كامى عطر فرنسى الإيحاء..ومتوقعة ان الزبون اللى هوه اواد المحترم الغلبان هيقوم يبوس ايديها انها تقعد مكانه.. والله لو خلعت شعرها كله وادتهولك على سبيل المقايضة زى قدماء المصريين..برضه مش اوعى تقوم


وبعدين الأول كانت عربيات السيدات في المترو قدام ومع ذلك كانوا منتشرين في كل العربيات وقلنا ماشى..بعد ماحصلت حادثة مترو حلوان البسيطة اول المترو.. قالوا لا .. هاتوا السيدات في نص المترو..ليه بقى؟؟



ده باعتبار ان لو حادثة حصلت في أول المترو والسيدات قدام هيصوتوا ويلموا الدنيا انما الرجالة بتموت من سكات!!!صلاة النبى


طب حد مننا اعترض ان السيدات ماليين مترو الرجالة.. أبدا..انما شوف بقى ياعم الحاج لو حظك الأغبر وقعك انك ركبت سهوا في عربية السيدات..ياداهية دقى..تسمع بقى أحلى كلام.. أولا..سوفاااج..سوهاج..راجل؟؟..واللى تحط وشها في الأرض من الكسوف..واللى تقول أوووه.. راجل..فانتستيك..صلاة النبى..




انتى عمرك ماشفتى راجل ياضنايا؟؟؟مش برضه انتى جاية من شغلك وهوه هناك وراجعة بيتك هتلاقى واحد من نفس الفيرجن في وشك زى القضا المستعجل


والبنت اللى في الجامعة آه لو شافت راجل في المترو.. هيغمى عليها من الخضة..


ماانتى لسة جاية من الجامعة وكنتى انتى والولاد قاعدين تلعبوا صلح وعسكر وحرامية.. عمرك ماشفتى راجل يا شابة؟؟؟




أيوة مادام فيه مساواة تبقى ف كل حاجة.

. زى ما الولد بيشتغل وهيه بتشتغل.. يبقى اللى يلحق الكرسى يقعد باعتبار انها إبراهيم ابن خالته يعنى عادى ..ومادام فيه مساواة ولازم نتعامل مع عقل البنت.. يبقى بلاش تلعب فى شعرها وتورينك دايما انها بتحط هيد أندشولدرز ضد القشرة عشان تقم..لأنها زى ما بتحط هيد أندشولدرز الولد بيحط برضه هيد أنشولدرز ومن الحجم الكبير كمان أبو عشرين جنيه..


انا مش بقول انك متقمش خالص

.بس قوم عشان حد يستاهل.. يعنى ست كبيرة مريضة.. راجل عجوز تعبان.. ست شايلة تسع عيال على ايديها..كده يعنى.. حالات تستاهل.. انما واحدة عندها تلاتين اربعين سنة وقاعدة عاملالى فيها حسين رياض لما اتخرس في رد قلبى.. أقف ليها ليه؟؟






وكمان شوف الموقف ده.. بقى ينفع الواد يقف عشان واحدة ست تقعد..ويقف جنبها..وأول ما تيجى تنزل محطتها تشاور لاقرب بنت أو ست عشان تقعد مكانها!! صلاة النبى..حتى الكرسى بيتورث يا جدعان؟؟ خيال مآتة واقف جنب الكرسى ؟؟؟دا واقف عشانك..طب خليها بجميلة حتى..وموقف ورا موقف تكتشف في لحظة ان كل الستات والبنات قاعدين..وكل الرجالة ماسكين جرايد وقاعدين يهووا عليهم:
ألف ليلة وليلة.. قصة كل ليلة..احكى ياشهرزاد.. احكى لشهريار


وللا البنت اللى تيجى تقعد جنبك ومش طايقة نفسها قال إيه المكان ضيق ومش قادرة تقعد مرتاحة..


طب ما دام انتى متضايقة كده ماتقومى تقفى بلاش القعدة المقرفة دى.. وللا يعنى عشان كل مرة واحد محترم شباب هوه اللى يقف عشان المكان يوسع للهانم.. أم طاقية.. طاقية حمرا.. للهانم البيضا.. والهانم السمرا






القاعدة




الله يخرب بيت هالة وإيناس وسحر وعبير وإقبال وكل اللى عقدونا ف عيشتنا بكلامهم اللى محدش بيأيده.


.بيطالبوا بحقوق المرأة اللى على كيفهم.. مع ان ديننا جعل المرأة جوهرة يتحافظ عليها وتتعامل أحسن معاملة مش سلعة وموضوع في كل برنامج شوية.لو كنت قاعد على كرسى في المترو.. دايما حاول انك تربط رباط جزمتك وانت قاعد لمدة العشرين محطة اللى انت راكبهم وماتبصش لأى حد واقف عشان قلبك الطيب

خد معاك وانت راكب المترو
..علبتين هيد أنشولدرز عشان أى بنت جاية تتدلع بشعرها عشان تقعد تعرفها ان اللى معاه شامبو أكتر هوه اللى هيقعد




خد معاك مطوة عشان لو قلبك الطيب خلاك تقعَّد واحدة منك وبعدين وهيه نازلة شاورت لواحدة تانية تقعد مكانها وطنشتك.. تغزها بالمطوة غزتين عشان تفوق







حكمة الموضوع .. ( بالنحوي )


تجلس البنات في المترو


يقف الشباب في المترو


إن البنات مفتريات


إن الشباب غلبانون







موافقنى الرأى يا شباب ولا ايه


هههههههههههههههههههههههههههههههه

انتو لسة شوفتوا حاجة

_________________
الحـــــــــــــــــــــــــب هو الحيـــــــــــــــــــــــــــــــــــــاة

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shallatelnaweia.yoo7.com
نور القمر
مشرف المنتدى الاجتماعي
مشرف المنتدى الاجتماعي
avatar

عدد الرسائل : 2939
العمر : 28
تاريخ التسجيل : 08/07/2008

مُساهمةموضوع: رد: اوعى تقف لبنت فى المترو   الإثنين أكتوبر 27, 2008 1:12 am

بس يا حاج و النبي اتنيل انت و الشباب بتعكوا دول


روح شوف الولاد عالموقف بيعملوا ايه


ولاد زوق اوي الواد من دول يزق البت بمنتهي البجاحه عشان يركب و هي تخبط دماغها في الحيط


ده مش بعيد يشيلها يرميها من عالكرسي اللي قعدت عليه عشان يقعد


و لا واحنا جايين يالهوي عالمسخره و نعم ولاد بلدنا المحترمين


و كمان في وسط المحاضرات لما بيكون زنقنا في خندق ومفيش كراسي تلاقي بقي


الاشياء اللي اسمهم شباب قاعدين بمنتهي التناكه و سايبين البنات واقفين


يا عم روح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسراء العطار
مشرف المنتدى الرياضي
مشرف المنتدى الرياضي
avatar

عدد الرسائل : 3301
العمر : 28
تاريخ التسجيل : 21/07/2008

مُساهمةموضوع: رد: اوعى تقف لبنت فى المترو   الإثنين أكتوبر 27, 2008 4:47 pm

ههههههههههههههههههههه

جامده يااحمد

بس عايزه اقولك حاجه ازاي تقول ان ابنات يقفوا والولاد يقعدوا

يعني مثلا

لما بكون واقفه في اتوبيس ويجي شاب كده راجل يقعدني ويقف هو بستجدعه اوي واكيد غيري بيستجدعه بردو يعني بتقي للراجل مش للبنت

ولا ايه يااحمد

وبيكون واحد زوق مش زي المتخلفين اللي بيخبطوا في البنات

وبعدين المحترم محترم عشان بيخاف علي اي بنت زي اخته بالظيط

نام يااحمد واشرب اللبن كويس متسبش في الكوبايه حاجه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نور القمر
مشرف المنتدى الاجتماعي
مشرف المنتدى الاجتماعي
avatar

عدد الرسائل : 2939
العمر : 28
تاريخ التسجيل : 08/07/2008

مُساهمةموضوع: رد: اوعى تقف لبنت فى المترو   الإثنين أكتوبر 27, 2008 4:52 pm

هههههههههههههههههههههههههههههههه


اسمع كلام ماما يا احمد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسراء العطار
مشرف المنتدى الرياضي
مشرف المنتدى الرياضي
avatar

عدد الرسائل : 3301
العمر : 28
تاريخ التسجيل : 21/07/2008

مُساهمةموضوع: رد: اوعى تقف لبنت فى المترو   الإثنين أكتوبر 27, 2008 4:55 pm

اه طبعا يسمه بدل مايحصله حاجات وحشه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lolo
مشرف منتدى عالم حواء
مشرف منتدى عالم حواء
avatar

عدد الرسائل : 1224
العمر : 25
تاريخ التسجيل : 30/06/2008

مُساهمةموضوع: رد: اوعى تقف لبنت فى المترو   الأربعاء أكتوبر 29, 2008 9:18 pm

موضوع وحش وبايخ وطويل

وغتيت واحمد ناوى ياخد علقه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
melo
المشرف العام
المشرف العام
avatar

عدد الرسائل : 2255
العمر : 34
تاريخ التسجيل : 25/06/2008

مُساهمةموضوع: رد: اوعى تقف لبنت فى المترو   السبت نوفمبر 01, 2008 8:58 am

ماشي مع انك شردت البنات و الكلام ده أصلا ما بيحصلش

انت واخد فكرة غلط عن البنات


_________________




















الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محامى مصرى
عضو سوبر
عضو سوبر
avatar

عدد الرسائل : 395
العمر : 34
تاريخ التسجيل : 26/06/2008

مُساهمةموضوع: رد: اوعى تقف لبنت فى المترو   الأربعاء نوفمبر 05, 2008 1:34 pm

الدنيا بخير لسه ياحمد ياريت تعيد النظر فى الكلام اللى انت كاتبه والناس اللى ذكرتهم دول عبير وايناس وغيرهم دول مش بشر عاديين دول من شياطين زى مافى شيطان الجن فى كمان شياطين الانس دول منهم وكمان مش لقو حد يربيهم لانهم يتمتعوا بقدر عالى جدا من البجاحه
والدنيا لسه بخير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
النائب العام
عضو
عضو
avatar

عدد الرسائل : 47
العمر : 28
تاريخ التسجيل : 28/06/2008

مُساهمةموضوع: رد: اوعى تقف لبنت فى المترو   الأربعاء نوفمبر 05, 2008 8:20 pm

انت ماللك بايناس وعبير وحالة شو ومين سنية دي يالة يا مهيس
وبعدين فيها اية لما الواد يقف للبنت موقف انساني وبعدي ن اسمع كلام ماما زي ما اسراء ونور قالتللك واشرب اللبن قبل النوم
وبعدين بطل التهيس دة.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اوعى تقف لبنت فى المترو
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جار القمر :: *****الــمـــنـــــتــــدى الاجتــــــمــــاعــــــي***** :: المنتدى الترفيهي-
انتقل الى: