هل يعتبر حب البنت خيانه لاهلها؟

السلام عليكم ورحمه الله و بركاته

عندما يحب الشاب و يصرح بذلك الحب لاهله او لاصدقائه فلا احد يستطيع ان يعيبه في ذلك


العكس في حاله حب البنت البنت عندما تحب لا تستطيع ان تصارح اهلها


الا اذا كان لديها الجراه الكافيه لمواجهه مجموعه من المشاكل لا عد لها و لاحصر


سؤالي للجميع لماذا التفرقه بين الولد و البنت حتي عصرنا هذا؟


لماذا لا تصاحب الام بنتها للدرجه الكافيه التي تجعل البنت


لا تصل الي مرحله الرعب ان يعرف احد بحبها؟


هل حب البنت جريمه بحق اهلها هل تعتبر خيانه لاهلها ؟


ارجو المشاركه من الجميع

تصدقوا مبسوطه بيكوا اوي و محدش معبر الموضوع كده طيب قولوا شكرا


يا ناس ياهووووووووووووووووو مش خير طيب طمنوني طيب في حاجه مش عجباكوا


طيب امسح الموضوع امسحه صح طيب من عنيا الجوز

اولا ميرسى الموضوع وشكرا جزيلا على طرحة

فعلا مجتمعنا بيفرق بين الولد والبنت فى الحب بالذات وبيسمحوا للولد انه يحب ويصارح اهله

لكن يوم ماالبنت تحب تبقى مصيبة وفعلا اهل كتير بيعتبروه خيانه ليهم ان بنتهم تحب ومن غير مايعرفوا وازاى انها مقالتش ليهم

ويوم ماتروح تقولهم يبهدلوها وكانها اجرمت فى حقهم وفى حق نفسها


شكرا مرة تانية على الموضوع

ميرسي ليكي يا مشمش فعلا مجتمعنا بيفرق تفرقه غريبه اوي بين البنت و الولد


عشان كده البنت ممكن تعمل حاجات كتير اوي غلط من وراه اهلها لانها مش قادره تصارحهم


شكرا يا قمر علي مرورك

يانور القمر احنا مجتمع شرقي يعني في عادات وتقليد وعشان احنا كلنا غيرون علي بنتنا فا مش بنسمح بكدة لان بنكون خايفين ليكون الولد ده بيلعب بمشاعرها او يضحك عليها او كدة

وهو مفيش تفرقة لان انا اعرف بنات كتير بيحبوا واهلهم عارفين وعادي واهلهم واثقين فيها هو مش في كل الحاجات وبعدين لازم الاهل يكونوا واثقين في بنتهم ولو مش اهلها وثقوا فيها يبقي اكيد البنت هتعمل حاجة غلط

من الاخر يانور مفيش تفرقة ولا حاجة وفي بنات كتير قوووووي انا عارفهم بيحبوا وعايشين احلي قصص حب واهلها عارفين

العيب في اهل البنت الى هما بيكونوا محبكنها علي الاخر ومش مدين ثقة في بنتهم فالبنت بتخاف طبعا تقول لاهلها

وكدة

شكرا ليك يااحمد عالمرور و علي راي

بصي يا نور البنت لازم لما تحب تقول لأهلها لان عندهم وجهة نظر في الشخص هيا مش هتقدر تشوفها

و مش هتقدر هيا تحكم صح عليه

و لو هو كويس و ابن ناس و محترم اكيد مش هيعارضوها

لان الصح ما بيختلفش عليه اتنين

و لو رأيهم غير كده اكيد عندهم وجهة نظر لازم تفهمها

الحب مش حرام و هما كمان اكيد فاهمين كده
بس هيا تحب صح و مش هتلاقي حاجة اصلا تخبيها عنهم

و ده رايي و شكرااا علي السؤال الجميل

شكرا ليكي يا ميلو


بس البنت اللي اهلها متعصبين و شايفين ان الحب غلط و عيب و حرام و ميصحش


دي تعمل ايه لو حصل و حبت؟ تعمل ايه لو اهلها متقبلوش الحب ده حتي لو هو انسان محترم


بس ظروفه متسمحلوش انه يتقدم في الوقت ده


ياريت لو دخاتي تاني تجاوبيني