كلمات الروشنه يلا اتعلمو

بسم الله الرحمن الرحيم

السلام عليكم ورحمة الله وبركاته
يبدو العنوان مش غريب قوي على كتير من الي سمعو الجملة دى(أوو ده شاب ايه روش طحن )
,,,وحاولت كتير اقف عند الجملة دي لما سمعتها وقلت لازم ارجع لاصلها واشوف هيا ليها
اساس ولا هوا كلام بنقوله وخلاص فلقيتها تنقسم لكلمتين ده على حسب اصلهم الاساسي:

روشنة أسلوب حياة جديدة يتبعه أبناء الجيل حيث يتخلص من التقاليد البالية المنافية
لرغباتهم الشخصية ليعيشوا الحياة بأسلوب عصري وتقاليد من إختراعاتهم


طحن مصطلح يدل على الشئ الزائد عن الحد أو زائد عن اللزوم

لما قلت هكتب الموضوع ده كان الهدف انى اكتشف كل ما هو مستحدث على لغتنا العربية
وما يسميه شبابنا ( الكلام الروش ) والى يتنافى مع لغتنا العربية أوبمعنى أصح لغة
القرآن


دعوني أعرض بعض الكلمات الهابطة الدارجةوالى حاولت اجمع بعضها واعزروني اني مجبتهاش
كلها لانى غير ملمة بيها كلهاوده علشان بقدر الامكان نتجنبها بدلا من الغوص في
حبالها دون إدراك معناها وبدات افتح المعجم العربي واشوف اصل الكلمات دي باللغة
العربيه ايه على حسب مفهومي ليها في العصر ده يمكن يكون معناها حلوعشان كده حنا
بنقوله
وها هي إليكم :

إشتغله . يعني أخدعه أو إكذب عليه وعادة تقال ( إنت بتشتغلني )(يعنى عيشه في الوهم
وارسم عليه قصة بغض النظر عن ضخامة القصة المزيفة دى المهم انه هيعرف في الاخروبعد
ميتصدم انها مجرد((((اشتغالة)))

أنت من الكفار . عبارة تقال للمنشق عن الجماعة أو ( الشلة ) معنى إن شخص خرج عن
مبادئ الشلةوالى بيكونلها طقوسها وعادتها يعني المعنى الضمنى انه تنكر لمبادي الشلة
بس المعنى الحرفي انه كافر يعني غيرمؤمن بباللله(ومعتقدش ان حد يحب انه يتقال عليه
انه كافر)

أفتكس . كلمة تدل على القدرة على التأليف والإختراع في مجالات الحياة المتعددة التي
تتسم بطابع الإستظراف

ثبت .تعني الإستيلاء على أموال شخص اوتقال لما ولد يوقع بنت ويقال في روايات اخرى
لبعض الشباب أن لما واحد يدحك على واحدوكبسه في الكلام ومخلهوش ينطق يبقى كده ثبته

خبط في الكلام . يقصد منها أن شخص تحدث في أشياء لا تخصه(يعني وقعته سودة ومببة
وهيشوف ليلة سودة النهاردة)

الدنيا ذي ما بتفكك بتضبطك . تعني ( أن بعد كل عسر يسر )(يسيدي سوسو راحت فيه ميمي
وشوشو)

ياعم دماغك . تعني تجنب المشاكل أو كبر دماغك من الموضوع وبمصطلح روش اخر(نفض ياعم)

رويتر . تشير إلى الشخص المثقف او الى بيوقع الدنيا في بعضها وبينقل كم من هنا لهنا

سفلقة . عزم الشخص على عدم دفع المقابل لشئ ( الهروب من الدفع )(زيزي قالت للولة
متيجي نتسفلق على كيمو النهاردة ده جيبه مليان ولسة ولسة شافط من باباه باكوين
النهاردة)

عايش . يدل على أن الشخص يعيش حالة من المتعة والرفاهية

فافي . الراقي الدلوع (يعني بتاع ببباوممماوالكلب لايكي والجيب الشيروكي)

في اللذيذ . الحياة بسيطة لا تدعو للإكتئاب(سهرايه حلوة في ديسكوكده وكله هيبقى في
اللزازة)

فشر . للدلالة على الكذب والتلفيق

قشطة . لفظ بمعني تمام وأن الحياة لذيدة أو تفيد الموافقة على موضوع

[COL OR="red"]متودك[/color] . فاهم أو خبير(واد ايه مقطع السمكة وديلها)
هرتل . تخبط في الكلام

المزة ........ ولقد توقفت كثيرا في المعجم وبحثت في كل المعاجم العربية والاجنبية
لأجد لها معنا ولازمت البحث والتحري في جميع الكتب القانونية والهندسية وحتى الطبية
فاعزروني فلم اجد لها معنا في كل هزا ولكن الى بيتقال دلوقت انها((البنت الجميلة))
ومعرفش المعنى ده اتقال من اي ناحية بالزبط



علشان متقلوش حرماكو من حاجه

قشطة يا لولو موضوعك جاااااااااااااااامد

موضوع جميل يا لولو وبرضه مش كله بيتكلم بلغة الروشنة فى ناس محترمة
موضوع جامد

قشطه يا مزه موضوعك جميل



ههههههههههههه

بتكلم كلام روش اهه


بس بجد ده بيكون بينا وبينا اصحابنا عادي يعني


تسلمي يا باشا

احنا فعلا بنتكلم كده مع صحبنا يااسراء مش مع اي حد

ولو ماما او بابا سمعونا يقولو ايه الجيل الاسود ده

يو يو يو
الله ينور يا لولو
ومنكم نستفيد

انشاء الله هجيب الكلمات الغريبه قريب


شكرا على مرورك

تسلم يا كبير عالموضوع