اريد حلا؟؟؟؟؟؟؟؟؟؟؟

ازيكو ياحلى اعضاء في الدنيا وحشتونى ولله اليومين الى فاتوه دول كانو صاعبين جدا

انا عايزه احكلكو شويه وعايزه ردود جامده

انا طبعا رحت المدرسه وطبعا مدرسه جديده كل تفكير وانا رايحه مع صحابى الصبح المدرسه

انى هشوف مدرسه جديده ومدرسين جدد وصحابى

وياريت الجرى ماكان


طبعا وصلت المدرسه هى شكلها مش بطال تنفع وفيها حديقه ماليانه ورد مكتوب عليها ممنوع الدخول

للفرجه فقط منعين اى طالبه يدخلوها معموله ليه الله اعلم

طلعانا الفصل كل مدرس يدخلنا حصه داخل بوذ شبرين ومكشر وعايز يعمل شخصيه علينا

ويطلعا ورقه التعليمات بتاعته ويقول التعليمات دي الى هتخالفه يبقى تقول على روحها السلامه ازاى معرفش


ونطبعا يقول الى هتيجى مش محضره الدرس انا بضرب مش تفتكري روحك كبرتي ياحلوه

وغير بقي الى حصلنا ( طبعا لوحكيت لكو الى حصل اليومين دول هخلينى اسبوع احكى فيه)



المهم انى كرهت المدرسه والمدرسين من اول يوم


واعايزه منكو تكتبولى ازاى احب المدرسه دي

اصل ده فات كام يوم بس لسه سنه كامله

بليز عايزه الاعضاء كلهم يكتبو بجد ازاى احب المدرسه دي

و الله يا لولو المشكلة ان انت من الاول كنت راسمة صورة وردية عن المدرسة اللي هتروحيها

و المدرسة دي لو حتي مدرسة امريكية حتي هيا برضو مدرسة و هتتخنقي منها

و كمان راعي إن المدرسين صايمين و ده مجهود جااااااامد عليهم و الجو زفت

انت سهل تقضي اليومين دول في المدرسة نايمة بس هما لا

خليكي متفائلة السنة لسه طويلة

بس اقنعي نفسك ان المدرسة حلوة و كل حاجة هتبقي تمام

اعتبرى المدرسة دى فترة سجن لحد 3 سنين واتعودى عليها لحد ما تعدى لانها لازم تعدى

هى مسالة تعود بس يالولو وبعد كده كل حاجة هتبقى زى الفل ان شاء الله
انت بس اى مدرس يبوذ فى وشك ولا يكلمك قوليلو ابو على ............ورفد باذن الله

يا لولو دي الزهراء يعني سنه اولي بالذات لازم تكون كده بس عشان اعمال السنه اما بعد كده براحتك تجاوبي ماتجاوبيش اساليني انا مدوباهم اتنين


بس استحملي السنه دي واسمعي الكلام بس اللي فوق طاقتط متعملهوش وده عشان يحطولك اعمال سنه حلوه واهي بتنفع اخر السنه اما تجيبي مجموع كويس


ربنا يوفقك يارب

مرسي ليكو كلكو بس ياميلو ما احنا كمان صيمين وده غير الدروس يعنى علينا اكتر من

حاجه ملتزمين بيها يرحمونا شويه

او على راي محمد فتره سجن 3 سنين

او بفي ابوعلى ونرتاح من الاول لسه هنستنه

وماشى يالى مدوباهم 2 بس انا كرهت المدرسين الى فيها

زي مااسراء قالتلك يالولو هي سنه اولي بس اللي كده عشان اعمال السنه


بعد كده في السنتين الجايين مش هترضي تغيبي يوم


و الله كنا مصايب في الفصل ناخد انا و اسراء والشله بتاعتنا التختييتين الاخريين


و اي مدرس يقرب ناحيتين يقول علي نفسه يارحمن يا رحيم


بجد كنا مفتريين


قضي السنه دي كده وابقي قولي مروة قالت