رساله الى الرئيس حامى الحمى

سيدي الرئيس
فى كل مناسبة ليك
كل سنة وانت طيب
واحنا مش طيبين
كل سنة وانت حاكم
واحنا محكومين
واحنا مظلومين
واحنا متهانين
ويا تري يا حبيب الملايين
فاكرنا وللا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - ها تفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
و هل تعلم أن النيل بقي رشاح
و الجو أصبح بيئة والعيشة ولعة
و الشرفا قلوبهم عالبلد والعة
و انت عاملهم مذبحة ولا بتاعة القلعة
و الإقتصاد سداح
و السرقة بقت كفاح
و مصر متاحة بس للسياح
و عرض البلد بقي مستباح
و الثانية
ورتنا الويل
دا الخطوة في عهدك بقت ميل
و الضحك بقي نواح و عويل
و الكوسة
عارف الكوسة
ممكن أقول لك فيها مواويل
و الجامعة بقت يا إما كباريه أو دار مسنين
و الشباب معظمهم من غير خمرة سكرانين
و العلم عز علي المتعلمين
و الأساتذة بقم دجالين
و القادة بقم طبالين
و اديني في الهايف يا حبيب الملايين
و الثالثة
عارف اليابانيين
زمان في سنة اتنين و خمسين
كان عندنا تروماي و كان عندنا علم و متعلمين
و ثقافة و مثقفين
و أدبا و علما و فنانين
و كانو اليابانيين
بالنووي لسه مضروبين
و للصدقة مستحقين
دلوقتي إحنا فين و هما فين
هما فوق و احنا في أسفل سافلين
و الرابعة
أمن بلدنا بقي تنين
و المحاكم اتملت مظالم
و العدالة بقت كمالة
و كلمة الحق في الزبالة
و أصحابها في الزنازين
و الخامسة
القطاع العام....عام
و الفساد.....ساد
وفي جتة بلدنا بيرعي
أفتكر لجنابك إيه و للا إيه
و كل ذكري ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك واحد وعشرين
بس ها كفيهم ورق منين
و كل سنة و انت ............
و احنا طيبين
مـنقـــــــــــــــــــــــــول.....................................................

شكل المنتدي كله هيشرف عندهم





بس موضوع جميل

ههههههههههه
ايـــــــــــــــــــــــــــــــه ده يا محامى
كوســـــــــــــــــــــــــــــه ووووووووووت كوســـــــــــــــه محشى ولا كوســــــــــه صلصله
يا خربى على الكوســــــــــــــة


لالالالا

يا حسنى مبارك المحامى يقصد يديك بوسه مش كوسه
مش صح ولا انته عزموا على اكلت كوسه لالا وضح عشان لو عزموا نيجى نشارك


اعدل الكلام يا محامى هنروح فى داهيه
ولو روحنا هنبقى زاى الكوسه اللى مضروبه عرفها بتبقى عمله ازاى

بس سر يعنى حلووو ومش حلوووووو
انته فاهم بقه يا محامى عشان ابقه بره الحزب
لو المنتدى شرف عندهم